| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៣០២. មហាអស្សារោហជាតកំ (៤-១-២)
302. Mahāassārohajātakaṃ (4-1-2)
៥.
5.
អទេយ្យេសុ ទទំ ទានំ, ទេយ្យេសុ នប្បវេច្ឆតិ;
Adeyyesu dadaṃ dānaṃ, deyyesu nappavecchati;
អាបាសុ ព្យសនំ បត្តោ, សហាយំ នាធិគច្ឆតិ។
Āpāsu byasanaṃ patto, sahāyaṃ nādhigacchati.
៦.
6.
នាទេយ្យេសុ ទទំ ទានំ, ទេយ្យេសុ យោ បវេច្ឆតិ;
Nādeyyesu dadaṃ dānaṃ, deyyesu yo pavecchati;
អាបាសុ ព្យសនំ បត្តោ, សហាយមធិគច្ឆតិ។
Āpāsu byasanaṃ patto, sahāyamadhigacchati.
៧.
7.
សញ្ញោគសម្ភោគវិសេសទស្សនំ, អនរិយធម្មេសុ សឋេសុ នស្សតិ;
Saññogasambhogavisesadassanaṃ, anariyadhammesu saṭhesu nassati;
កតញ្ច អរិយេសុ ច អជ្ជវេសុ, មហប្ផលំ ហោតិ អណុម្បិ តាទិសុ។
Katañca ariyesu ca ajjavesu, mahapphalaṃ hoti aṇumpi tādisu.
៨.
8.
យោ បុព្ពេ កតកល្យាណោ, អកា លោកេ សុទុក្ករំ;
Yo pubbe katakalyāṇo, akā loke sudukkaraṃ;
បច្ឆា កយិរា ន វា កយិរា, អច្ចន្តំ បូជនារហោតិ។
Pacchā kayirā na vā kayirā, accantaṃ pūjanārahoti.
មហាអស្សារោហជាតកំ ទុតិយំ។
Mahāassārohajātakaṃ dutiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៣០២] ២. មហាអស្សារោហជាតកវណ្ណនា • [302] 2. Mahāassārohajātakavaṇṇanā
