| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. मघवपुप्फियत्थेरअपदानं
5. Maghavapupphiyattheraapadānaṃ
२०.
20.
‘‘नम्मदानदिया तीरे, सयम्भू अपराजितो।
‘‘Nammadānadiyā tīre, sayambhū aparājito;
समाधिं सो समापन्नो, विप्पसन्नो अनाविलो॥
Samādhiṃ so samāpanno, vippasanno anāvilo.
२१.
21.
‘‘दिस्वा पसन्नसुमनो, सम्बुद्धं अपराजितं।
‘‘Disvā pasannasumano, sambuddhaṃ aparājitaṃ;
ताहं मघवपुप्फेन, सयम्भुं पूजयिं तदा॥
Tāhaṃ maghavapupphena, sayambhuṃ pūjayiṃ tadā.
२२.
22.
‘‘एकनवुतितो कप्पे, यं पुप्फमभिपूजयिं।
‘‘Ekanavutito kappe, yaṃ pupphamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
२३.
23.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा मघवपुप्फियो थेरो इमा गाथायो अभासित्थाति।
Itthaṃ sudaṃ āyasmā maghavapupphiyo thero imā gāthāyo abhāsitthāti.
मघवपुप्फियत्थेरस्सापदानं पञ्चमं।
Maghavapupphiyattherassāpadānaṃ pañcamaṃ.
