| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૧. મગ્ગઙ્ગસુત્તં
11. Maggaṅgasuttaṃ
૩૭૬. ‘‘કતમો ચ, ભિક્ખવે, અસઙ્ખતગામિમગ્ગો? અરિયો અટ્ઠઙ્ગિકો મગ્ગો. અયં વુચ્ચતિ, ભિક્ખવે, અસઙ્ખતગામિમગ્ગો. ઇતિ ખો, ભિક્ખવે , દેસિતં વો મયા અસઙ્ખતં, દેસિતો અસઙ્ખતગામિમગ્ગો. યં, ભિક્ખવે, સત્થારા કરણીયં સાવકાનં હિતેસિના અનુકમ્પકેન અનુકમ્પં ઉપાદાય કતં વો તં મયા. એતાનિ, ભિક્ખવે, રુક્ખમૂલાનિ, એતાનિ સુઞ્ઞાગારાનિ. ઝાયથ, ભિક્ખવે, મા પમાદત્થ; મા પચ્છા વિપ્પટિસારિનો અહુવત્થ. અયં વો અમ્હાકં અનુસાસની’’તિ. એકાદસમં.
376. ‘‘Katamo ca, bhikkhave, asaṅkhatagāmimaggo? Ariyo aṭṭhaṅgiko maggo. Ayaṃ vuccati, bhikkhave, asaṅkhatagāmimaggo. Iti kho, bhikkhave , desitaṃ vo mayā asaṅkhataṃ, desito asaṅkhatagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. Ekādasamaṃ.
પઠમો વગ્ગો.
Paṭhamo vaggo.
તસ્સુદ્દાનં –
Tassuddānaṃ –
કાયો સમથો સવિતક્કો, સુઞ્ઞતો સતિપટ્ઠાના;
Kāyo samatho savitakko, suññato satipaṭṭhānā;
સમ્મપ્પધાના ઇદ્ધિપાદા, ઇન્દ્રિયબલબોજ્ઝઙ્ગા;
Sammappadhānā iddhipādā, indriyabalabojjhaṅgā;
મગ્ગેન એકાદસમં, તસ્સુદ્દાનં પવુચ્ચતિ.
Maggena ekādasamaṃ, tassuddānaṃ pavuccati.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧-૧૧. કાયગતાસતિસુત્તાદિવણ્ણના • 1-11. Kāyagatāsatisuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧-૧૧. કાયગતાસતિસુત્તાદિવણ્ણના • 1-11. Kāyagatāsatisuttādivaṇṇanā
