| Library / Tipiṭaka / ತಿಪಿಟಕ • Tipiṭaka / ಧಮ್ಮಸಙ್ಗಣಿ-ಅಟ್ಠಕಥಾ • Dhammasaṅgaṇi-aṭṭhakathā |
ಮಗ್ಗಙ್ಗರಾಸಿವಣ್ಣನಾ
Maggaṅgarāsivaṇṇanā
ಸಮ್ಮಾದಿಟ್ಠಿಆದೀಸು ದಸ್ಸನಟ್ಠೇನ ಸಮ್ಮಾದಿಟ್ಠಿ। ಅಭಿನಿರೋಪನಟ್ಠೇನ ಸಮ್ಮಾಸಙ್ಕಪ್ಪೋ, ಪಗ್ಗಹನಟ್ಠೇನ ಸಮ್ಮಾವಾಯಾಮೋ, ಉಪಟ್ಠಾನಟ್ಠೇನ ಸಮ್ಮಾಸತಿ, ಅವಿಕ್ಖೇಪನಟ್ಠೇನ ಸಮ್ಮಾಸಮಾಧೀತಿ ವೇದಿತಬ್ಬೋ। ವಚನತ್ಥತೋ ಪನ ಸಮ್ಮಾ ಪಸ್ಸತಿ, ಸಮ್ಮಾ ವಾ ತಾಯ ಪಸ್ಸನ್ತೀತಿ ಸಮ್ಮಾದಿಟ್ಠಿ। ಸಮ್ಮಾ ಸಙ್ಕಪ್ಪೇತಿ, ಸಮ್ಮಾ ವಾ ತೇನ ಸಙ್ಕಪ್ಪೇನ್ತೀತಿ ಸಮ್ಮಾಸಙ್ಕಪ್ಪೋ। ಸಮ್ಮಾ ವಾಯಾಮೇತಿ, ಸಮ್ಮಾ ವಾ ತೇನ ವಾಯಮನ್ತೀತಿ ಸಮ್ಮಾವಾಯಾಮೋ। ಸಮ್ಮಾ ಸರತಿ, ಸಮ್ಮಾ ವಾ ತಾಯ ಸರನ್ತೀತಿ ಸಮ್ಮಾಸತಿ। ಸಮ್ಮಾ ಸಮಾಧಿಯತಿ, ಸಮ್ಮಾ ವಾ ತೇನ ಸಮಾಧಿಯನ್ತೀತಿ ಸಮ್ಮಾಸಮಾಧಿ। ಅಪಿಚ, ಪಸತ್ಥಾ ಸುನ್ದರಾ ವಾ ದಿಟ್ಠಿ ಸಮ್ಮಾದಿಟ್ಠೀತಿ। ಇಮಿನಾಪಿ ನಯೇನ ತೇಸಂ ವಚನತ್ಥೋ ವೇದಿತಬ್ಬೋ। ಲಕ್ಖಣಾದೀನಿ ಪನ ಹೇಟ್ಠಾ ವುತ್ತಾನೇವ।
Sammādiṭṭhiādīsu dassanaṭṭhena sammādiṭṭhi. Abhiniropanaṭṭhena sammāsaṅkappo, paggahanaṭṭhena sammāvāyāmo, upaṭṭhānaṭṭhena sammāsati, avikkhepanaṭṭhena sammāsamādhīti veditabbo. Vacanatthato pana sammā passati, sammā vā tāya passantīti sammādiṭṭhi. Sammā saṅkappeti, sammā vā tena saṅkappentīti sammāsaṅkappo. Sammā vāyāmeti, sammā vā tena vāyamantīti sammāvāyāmo. Sammā sarati, sammā vā tāya sarantīti sammāsati. Sammā samādhiyati, sammā vā tena samādhiyantīti sammāsamādhi. Apica, pasatthā sundarā vā diṭṭhi sammādiṭṭhīti. Imināpi nayena tesaṃ vacanattho veditabbo. Lakkhaṇādīni pana heṭṭhā vuttāneva.
