| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
маг̇г̇ан̇г̇араасиван̣н̣анаа
Maggaṅgarāsivaṇṇanā
саммаад̣̇идтиаад̣̇ийсу д̣̇ассанадтзна саммаад̣̇идти. абхиниробанадтзна саммаасан̇габбо, баг̇г̇аханадтзна саммаавааяаамо, убадтаанадтзна саммаасад̇и, авигкзбанадтзна саммаасамаад̇хийд̇и взд̣̇ид̇аб̣б̣о. важанад̇т̇ад̇о бана саммаа бассад̇и, саммаа ваа д̇ааяа бассанд̇ийд̇и саммаад̣̇идти. саммаа сан̇габбзд̇и, саммаа ваа д̇зна сан̇габбзнд̇ийд̇и саммаасан̇габбо. саммаа вааяаамзд̇и, саммаа ваа д̇зна вааяаманд̇ийд̇и саммаавааяаамо. саммаа сарад̇и, саммаа ваа д̇ааяа саранд̇ийд̇и саммаасад̇и. саммаа самаад̇хияад̇и, саммаа ваа д̇зна самаад̇хияанд̇ийд̇и саммаасамаад̇хи. абижа, басад̇т̇аа сунд̣̇араа ваа д̣̇идти саммаад̣̇идтийд̇и. иминааби наязна д̇зсам̣ важанад̇т̇о взд̣̇ид̇аб̣б̣о. лагкан̣аад̣̇ийни бана хздтаа вуд̇д̇аанзва.
Sammādiṭṭhiādīsu dassanaṭṭhena sammādiṭṭhi. Abhiniropanaṭṭhena sammāsaṅkappo, paggahanaṭṭhena sammāvāyāmo, upaṭṭhānaṭṭhena sammāsati, avikkhepanaṭṭhena sammāsamādhīti veditabbo. Vacanatthato pana sammā passati, sammā vā tāya passantīti sammādiṭṭhi. Sammā saṅkappeti, sammā vā tena saṅkappentīti sammāsaṅkappo. Sammā vāyāmeti, sammā vā tena vāyamantīti sammāvāyāmo. Sammā sarati, sammā vā tāya sarantīti sammāsati. Sammā samādhiyati, sammā vā tena samādhiyantīti sammāsamādhi. Apica, pasatthā sundarā vā diṭṭhi sammādiṭṭhīti. Imināpi nayena tesaṃ vacanattho veditabbo. Lakkhaṇādīni pana heṭṭhā vuttāneva.
