| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. มคฺคทายกเตฺถรอปทานํ
7. Maggadāyakattheraapadānaṃ
๓๒.
32.
‘‘อุตฺตริตฺวาน นทิกํ, วนํ คจฺฉติ จกฺขุมา;
‘‘Uttaritvāna nadikaṃ, vanaṃ gacchati cakkhumā;
ตมทฺทสาสิํ สมฺพุทฺธํ, สิทฺธตฺถํ วรลกฺขณํฯ
Tamaddasāsiṃ sambuddhaṃ, siddhatthaṃ varalakkhaṇaṃ.
๓๓.
33.
สตฺถารํ อภิวาเทตฺวา, สกํ จิตฺตํ ปสาทยิํฯ
Satthāraṃ abhivādetvā, sakaṃ cittaṃ pasādayiṃ.
๓๔.
34.
‘‘จตุนฺนวุติโต กเปฺป, ยํ กมฺมมกริํ ตทา;
‘‘Catunnavutito kappe, yaṃ kammamakariṃ tadā;
ทุคฺคติํ นาภิชานามิ, มคฺคทานสฺสิทํ ผลํฯ
Duggatiṃ nābhijānāmi, maggadānassidaṃ phalaṃ.
๓๕.
35.
‘‘สตฺตปญฺญาสกปฺปมฺหิ, เอโก อาสิํ ชนาธิโป;
‘‘Sattapaññāsakappamhi, eko āsiṃ janādhipo;
นาเมน สุปฺปพุโทฺธติ, นายโก โส นริสฺสโรฯ
Nāmena suppabuddhoti, nāyako so narissaro.
๓๖.
36.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา มคฺคทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā maggadāyako thero imā gāthāyo abhāsitthāti.
มคฺคทายกเตฺถรสฺสาปทานํ สตฺตมํฯ
Maggadāyakattherassāpadānaṃ sattamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๗. มคฺคทายกเตฺถรอปทานวณฺณนา • 7. Maggadāyakattheraapadānavaṇṇanā
