| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. мааг̇ан̣д̣ияасуд̇д̇аван̣н̣анаа
5. Māgaṇḍiyasuttavaṇṇanā
207. д̣̇вз мааг̇ан̣д̣ияаад̇и д̣̇вз мааг̇ан̣д̣ияанаамагаа. д̣̇зваг̇аб̣бхасад̣̇исанд̇и д̣̇зваанам̣ васанаоварагасад̣̇исам̣. зд̇ам̣ вуд̇д̇анд̇и ‘‘бхаарад̣̇вааж̇аг̇од̇д̇асса б̣раахман̣асса аг̇яааг̇аарз д̇ин̣асант̇аарагз’’д̇и зд̇ам̣ вуд̇д̇ам̣. на гзвалам̣ д̇ам̣ д̣̇ивасамзваад̇и яам̣ д̣̇ивасам̣ мааг̇ан̣д̣ияо бариб̣б̣ааж̇аго д̇ин̣асант̇аарагам̣ бан̃н̃ад̇д̇ам̣, на гзвалам̣ д̇ам̣ д̣̇ивасамзва бхаг̇аваа язнан̃н̃ад̇аро ванасан̣д̣о, д̇знубасан̇гамийд̇и яож̇анаа. г̇аамуубажаарзд̇и г̇аамасамийбз. сан̃н̃аан̣ам̣ гад̇ваад̇и сан̃н̃аан̣ам̣ гад̇ваа вияа. на хи бхаг̇авад̇о д̇асса сан̃н̃аан̣агаран̣з баяож̇анам̣ ад̇т̇и.
207.Dvemāgaṇḍiyāti dve māgaṇḍiyanāmakā. Devagabbhasadisanti devānaṃ vasanaovarakasadisaṃ. Etaṃ vuttanti ‘‘bhāradvājagottassa brāhmaṇassa agyāgāre tiṇasanthārake’’ti etaṃ vuttaṃ. Na kevalaṃ taṃ divasamevāti yaṃ divasaṃ māgaṇḍiyo paribbājako tiṇasanthārakaṃ paññattaṃ, na kevalaṃ taṃ divasameva bhagavā yenaññataro vanasaṇḍo, tenupasaṅkamīti yojanā. Gāmūpacāreti gāmasamīpe. Saññāṇaṃ katvāti saññāṇaṃ katvā viya. Na hi bhagavato tassa saññāṇakaraṇe payojanaṃ atthi.
саман̣асзяяаануруубанд̇и саман̣асса анужчавигаа сзяяаа. баасам̣сад̇т̇о хи аяам̣ рууба-сад̣̇д̣̇о. д̇знааха ‘‘имам̣ д̇ин̣асант̇аарага’’нд̇иаад̣̇и. анаагин̣н̣од̇и вилул̣ид̇о агхаддид̇о. хад̇т̇абаад̣̇асийсзхи д̇ад̇т̇а д̇ад̇т̇а бахадзна на жалид̇о абхинно, ажалид̇ад̇д̇аа зва абхиннам̣ ад̇т̇аран̣ам̣. барижчинд̣̇ид̇ваа бан̃н̃ад̇д̇о вияаад̇и аяам̣ чзгзна жид̇д̇агаарзна жинд̇зд̇ваа д̇улигааяа барижчинналзкааяа барижчинд̣̇ид̇ваа ликид̇аа жид̇д̇агад̇асзяяаа вияа. бхуунам̣ вужжад̇и вад̣дхид̇ам̣, д̇ам̣ ханд̇ийд̇и бхуунахуно. д̇знааха ‘‘хад̇авад̣дхино’’д̇и. д̇ам̣ банааяам̣ жагкаад̣̇ийсу сам̣варавид̇хаанам̣ вад̣дхихананам̣ ман̃н̃ад̇и. д̇знааха ‘‘марияаад̣̇агаарагассаа’’д̇и. б̣руухзд̇аб̣б̣анд̇и ул̣аарависаяуубахаарзна вад̣дхзд̇аб̣б̣ам̣ бийн̣зд̇аб̣б̣ам̣. д̇ам̣ бана ананубхууд̇аанубхаванзна ход̇ийд̇и ааха ‘‘ад̣̇идтам̣ д̣̇агкид̇аб̣б̣а’’нд̇и. анубхууд̇ам̣ бана абан̣ийд̇ам̣ ход̇ийд̇и вуд̇д̇ам̣ ‘‘д̣̇идтам̣ самад̇иггамид̇аб̣б̣а’’нд̇и. сзсаваарзсуби зсзва наяо. барамад̣̇идтад̇хамманиб̣б̣аанаваад̣̇ий гирзса бариб̣б̣ааж̇аго, д̇асмаа звам̣ часу д̣̇ваарзсу вад̣дхим̣ бан̃н̃абзд̇и. яасмаа яам̣ чаннамби жагкаад̣̇ийнам̣ яат̇аасагам̣ висаяаг̇г̇ахан̣ам̣ бадигкибанд̇о логасса авад̣дхид̇ам̣ винаасамзва бан̃н̃абзд̇и, д̇асмаа со саяамби вад̣дхихад̇о хад̇авад̣дхид̇о.
Samaṇaseyyānurūpanti samaṇassa anucchavikā seyyā. Pāsaṃsattho hi ayaṃ rūpa-saddo. Tenāha ‘‘imaṃ tiṇasanthāraka’’ntiādi. Anākiṇṇoti viluḷito aghaṭṭito. Hatthapādasīsehi tattha tattha pahaṭena na calito abhinno, acalitattā eva abhinnaṃ attharaṇaṃ. Paricchinditvā paññatto viyāti ayaṃ chekena cittakārena cintetvā tulikāya paricchinnalekhāya paricchinditvā likhitā cittakataseyyā viya. Bhūnaṃ vuccati vaḍḍhitaṃ, taṃ hantīti bhūnahuno. Tenāha ‘‘hatavaḍḍhino’’ti. Taṃ panāyaṃ cakkhādīsu saṃvaravidhānaṃ vaḍḍhihananaṃ maññati. Tenāha ‘‘mariyādakārakassā’’ti. Brūhetabbanti uḷāravisayūpahārena vaḍḍhetabbaṃ pīṇetabbaṃ. Taṃ pana ananubhūtānubhavanena hotīti āha ‘‘adiṭṭhaṃ dakkhitabba’’nti. Anubhūtaṃ pana apaṇītaṃ hotīti vuttaṃ ‘‘diṭṭhaṃ samatikkamitabba’’nti. Sesavāresupi eseva nayo. Paramadiṭṭhadhammanibbānavādī kiresa paribbājako, tasmā evaṃ chasu dvāresu vaḍḍhiṃ paññapeti. Yasmā yaṃ channampi cakkhādīnaṃ yathāsakaṃ visayaggahaṇaṃ paṭikkhipanto lokassa avaḍḍhitaṃ vināsameva paññapeti, tasmā so sayampi vaḍḍhihato hatavaḍḍhito.
сам̣гилзсад̇о аарагад̇д̇аа арияо нияяаанигад̇хаммабхаавад̇о н̃ааяо д̇хаммо. важ̇ж̇алзсассаби абхаавад̇о гусало. д̇знааха ‘‘барисуд̣̇д̇хз гааран̣ад̇хаммз анаваж̇ж̇з’’д̇и. уг̇г̇ад̇ассаад̇и ужжагулийнад̇аад̣̇инаа ул̣аарасса. мукз аарагкам̣ табзд̇ваад̇и мукзна сам̣яад̇о худ̇ваа. амб̣аж̇амб̣ууаад̣̇ийни г̇ахзд̇ваа вияа абуураяамаанод̇и амб̣аж̇амб̣ууаад̣̇ийни ан̃н̃аман̃н̃ависад̣̇исаани вияа бууран̣агат̇аанаязна яам̣ гин̃жи агат̇зд̇ваа. д̇знааха ‘‘маяаа гат̇ид̇анияаамзнаа’’д̇и.
Saṃkilesato ārakattā ariyo niyyānikadhammabhāvato ñāyo dhammo. Vajjalesassapi abhāvato kusalo. Tenāha ‘‘parisuddhe kāraṇadhamme anavajje’’ti. Uggatassāti uccakulīnatādinā uḷārassa. Mukhe ārakkhaṃ ṭhapetvāti mukhena saṃyato hutvā. Ambajambūādīni gahetvā viya apūrayamānoti ambajambūādīni aññamaññavisadisāni viya pūraṇakathānayena yaṃ kiñci akathetvā. Tenāha ‘‘mayā kathitaniyāmenā’’ti.
208. паласамаабад̇д̇ияаа вудтид̇од̇и д̣̇иваавихаарад̇о вудтид̇од̇и ад̇т̇о. д̣̇иваавихаароби хи ‘‘бадисаллаана’’нд̇и вужжад̇и ‘‘рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇ий’’д̇иаад̣̇ийсу (баараа. 18). бхаг̇аваа хи паласамаабад̇д̇ид̇о вудтаануд̇д̇арагаалам̣ д̇зсам̣ гат̇аасаллаабам̣ суд̇ваа д̣̇иваавихаарад̇о вудтааяа д̇ад̇т̇а г̇ад̇о. сам̣взг̇о наама саход̇д̇аббан̃аан̣ам̣, д̇ам̣ ниб̣б̣инд̣̇анавасзнаби ход̇и, сам̣взг̇аниссид̇ам̣ санд̇хааяааха ‘‘бийд̇исам̣взг̇зна сам̣виг̇г̇о’’д̇и. со бана яасмаа буримаавад̇т̇ааяа жаланам̣ ход̇и жид̇д̇асса, д̇асмаа ааха ‘‘жалид̇о гамбид̇о’’д̇и. д̇икин̣асод̇зна бурисзнаад̇и бхаг̇аванд̇ам̣ санд̇хааяааха.
208.Phalasamāpattiyāvuṭṭhitoti divāvihārato vuṭṭhitoti attho. Divāvihāropi hi ‘‘paṭisallāna’’nti vuccati ‘‘rahogatassa paṭisallīnassa evaṃ cetaso parivitakko udapādī’’tiādīsu (pārā. 18). Bhagavā hi phalasamāpattito vuṭṭhānuttarakālaṃ tesaṃ kathāsallāpaṃ sutvā divāvihārato vuṭṭhāya tattha gato. Saṃvego nāma sahottappañāṇaṃ, taṃ nibbindanavasenapi hoti, saṃveganissitaṃ sandhāyāha ‘‘pītisaṃvegena saṃviggo’’ti. So pana yasmā purimāvatthāya calanaṃ hoti cittassa, tasmā āha ‘‘calito kampito’’ti. Tikhiṇasotena purisenāti bhagavantaṃ sandhāyāha.
209. д̇хаммад̣̇зсанам̣ аарабхи яат̇аа винзяяад̣̇аманагусало васанадтаанадтзнаад̇и ид̣̇ам̣ аарамид̇аб̣б̣абхаавасса бхаавалагкан̣аважанам̣. аарамад̇и зд̇т̇аад̇и аараамо, руубам̣ аараамо зд̇ассаад̇и руубаараамам̣, д̇ад̇о зва д̇анниннабхаавзна руубз рад̇анд̇и руубарад̇ам̣, д̇зна саммо д̣̇уббад̇д̇ияаа руубзна саммуд̣̇ид̇анд̇и руубасаммуд̣̇ид̇ам̣, д̇ад̣̇зд̇ам̣ д̇ад̣̇абхихад̇аж̇аванагижжам̣ д̇ад̇т̇а ааробзд̇ваа вуд̇д̇ам̣. д̣̇анд̇анд̇иаад̣̇ийсуби зсзва наяо. д̣̇анд̇ам̣ д̣̇амид̇ам̣. ниб̣б̣исзвананд̇и виг̇ад̇ависугааяигам̣. г̇уд̇д̇анд̇и сад̇ияаа г̇уд̇д̇ам̣. рагкид̇анд̇и д̇ассзва взважанам̣. сам̣вуд̇анд̇и абанийд̇ам̣ бавзсанивааран̣зна. д̇знааха ‘‘бихид̇а’’нд̇и.
209.Dhammadesanaṃ ārabhi yathā vineyyadamanakusalo vasanaṭṭhānaṭṭhenāti idaṃ āramitabbabhāvassa bhāvalakkhaṇavacanaṃ. Āramati etthāti ārāmo, rūpaṃ ārāmo etassāti rūpārāmaṃ, tato eva tanninnabhāvena rūpe ratanti rūparataṃ, tena sammo duppattiyā rūpena sammuditanti rūpasammuditaṃ, tadetaṃ tadabhihatajavanakiccaṃ tattha āropetvā vuttaṃ. Dantantiādīsupi eseva nayo. Dantaṃ damitaṃ. Nibbisevananti vigatavisukāyikaṃ. Guttanti satiyā guttaṃ. Rakkhitanti tasseva vevacanaṃ. Saṃvutanti apanītaṃ pavesanivāraṇena. Tenāha ‘‘pihita’’nti.
210. уббаж̇ж̇анабарил̣ааханд̇и уббаж̇ж̇анагилзсабарил̣аахам̣. гим̣ важанам̣ вад̇д̇аб̣б̣ам̣ ассаад̇и руубаарамман̣ам̣ анубхавид̇ваа самуд̣̇аяаад̣̇ибахаанам̣ бариг̇г̇ан̣хид̇ваа бариниб̣б̣инд̣̇ид̇ваа вираж̇ж̇ид̇ваа яо вимуд̇д̇о, д̇ад̇т̇а гим̣ вуд̣̇д̇хихад̇абарияааяо авассам̣ лабхад̇и на лабхад̇ийд̇и бужчад̇и. бариб̣б̣ааж̇аго д̇аад̣̇исз саараб̣ад̣̇д̇хавимуд̇д̇игз вуд̣̇д̇хихад̇од̇и на вад̣̇зяяаад̇и ааха ‘‘на гин̃жи, бхо, г̇од̇амаа’’д̇и.
210.Uppajjanapariḷāhanti uppajjanakilesapariḷāhaṃ. Kiṃ vacanaṃ vattabbaṃ assāti rūpārammaṇaṃ anubhavitvā samudayādipahānaṃ pariggaṇhitvā parinibbinditvā virajjitvā yo vimutto, tattha kiṃ vuddhihatapariyāyo avassaṃ labhati na labhatīti pucchati. Paribbājako tādise sārabaddhavimuttike vuddhihatoti na vadeyyāti āha ‘‘na kiñci, bho, gotamā’’ti.
211. д̇зд̇и д̇аяаа, аяамзва ваа баато. вассам̣ ваасо вассам̣ уд̇д̇арабад̣̇алобзна, вассид̇ум̣ арахад̇ийд̇и вассиго, вассагаалз ниваасаанужчавигод̇и ад̇т̇о.
211.Teti tayā, ayameva vā pāṭho. Vassaṃ vāso vassaṃ uttarapadalopena, vassituṃ arahatīti vassiko, vassakāle nivāsānucchavikoti attho.
наад̇иужжо ход̇и наад̇инийжод̇и г̇имхиго вияа ужжо, хзманд̇иго вияа нийжо на ход̇и, ат̇а ко д̇ад̣̇убхаяавзмаж̇жхалагкан̣ад̇ааяа наад̇иужжо ход̇и наад̇инийжо. наад̇ид̇ануунийд̇и хзманд̇игасса вияа на куд̣̇д̣̇агаани. наад̇иб̣ахуунийд̇и г̇имхигасса вияа на ад̇иб̣ахууни. миссагаанзваад̇и хзманд̇игаг̇имхигзсу вуд̇д̇алагкан̣авомиссагаани. ун̣хабавзсанад̇т̇ааяаад̇и нияуухзсу бурзбхад̇д̇ам̣ бажчаабхад̇д̇ан̃жа бад̇ид̇асуурияобхаасавасзна ун̣хасса аб̣бханд̇арабавзсанад̇т̇ааяа. бхид̇д̇инияуухаани нийхарийяанд̇ийд̇и д̣̇агкин̣абассз бхид̇д̇ийсу нияуухаани нийхарид̇ваа гарийяанд̇и. вибулаж̇аалаанийд̇и бут̇улачид̣̇д̣̇аани. уд̣̇агаяанд̇аанийд̇и уд̣̇агаваахагаяанд̇аани.
Nātiucco hoti nātinīcoti gimhiko viya ucco, hemantiko viya nīco na hoti, atha kho tadubhayavemajjhalakkhaṇatāya nātiucco hoti nātinīco. Nātitanūnīti hemantikassa viya na khuddakāni. Nātibahūnīti gimhikassa viya na atibahūni. Missakānevāti hemantikagimhikesu vuttalakkhaṇavomissakāni. Uṇhapavesanatthāyāti niyūhesu purebhattaṃ pacchābhattañca patitasūriyobhāsavasena uṇhassa abbhantarapavesanatthāya. Bhittiniyūhāni nīharīyantīti dakkhiṇapasse bhittīsu niyūhāni nīharitvā karīyanti. Vipulajālānīti puthulachiddāni. Udakayantānīti udakavāhakayantāni.
нийлуббалаг̇ажчагз гад̇ваад̇и вигасид̇зхи нийлуббалзхи г̇ажчагз нал̣инигз гад̇ваа. г̇анд̇хагалаланд̇и г̇анд̇хамиссагагад̣̇д̣̇амам̣. яамагабхид̇д̇ийд̇и яуг̇ал̣абхид̇д̇и, д̇ассаа анд̇арз наал̣и, яад̇о уд̣̇агам̣ абхирухад̇и. лоханаал̣инд̇и лохамаяаяанд̇анаал̣им̣. ж̇ааланд̇и д̇амб̣алохамаяам̣ ж̇аалам̣. хздтаа яанд̇ам̣ баривад̇д̇знд̇ийд̇и хздтаабхааг̇з уд̣̇агаяанд̇ам̣ г̇амзнд̇и. уд̣̇агапусид̇з д̇змзнд̇з виван̣н̣ад̇аа маахосийд̇и нийлабадам̣ ниваасзд̇и. д̣̇иваагаалзд̇и д̣̇ивасавзлааяа. аж̇жхад̇д̇ам̣ вуубасанд̇ажид̇д̇о вихараамийд̇и зд̇зна ад̇д̇ано паласамаабад̇д̇ивихааро бхаг̇авад̇аа д̣̇ассид̇од̇и ааха – ‘‘д̇ааяа рад̇ияаа рамамаанод̇и ид̣̇ам̣ жад̇уд̇т̇аж̇жхаанигапаласамаабад̇д̇ирад̇им̣ санд̇хааяа вуд̇д̇а’’нд̇и.
Nīluppalagacchake katvāti vikasitehi nīluppalehi gacchake naḷinike katvā. Gandhakalalanti gandhamissakakaddamaṃ. Yamakabhittīti yugaḷabhitti, tassā antare nāḷi, yato udakaṃ abhiruhati. Lohanāḷinti lohamayayantanāḷiṃ. Jālanti tambalohamayaṃ jālaṃ. Heṭṭhā yantaṃ parivattentīti heṭṭhābhāge udakayantaṃ gamenti. Udakaphusite temente vivaṇṇatā māhosīti nīlapaṭaṃ nivāseti. Divākāleti divasavelāya. Ajjhattaṃ vūpasantacitto viharāmīti etena attano phalasamāpattivihāro bhagavatā dassitoti āha – ‘‘tāya ratiyā ramamānoti idaṃ catutthajjhānikaphalasamāpattiratiṃ sandhāya vutta’’nti.
212. махаа жа нзсам̣ бабан̃жод̇и нзсам̣ рааж̇уунам̣ махаабабан̃жо рааж̇ид̣̇д̇хивасзна саб̣б̣ад̣̇аа самбад̇д̇ивисаяо жа, анубхавид̇ум̣ на лабханд̇ийд̇и ад̇хиббааяо. манд̇з г̇авзсанд̇аа вижаранд̇и, на бхог̇асукам̣. г̇ан̣анаа наама ажчиннаг̇ан̣анаа, на виг̇ан̣аг̇ан̣анаа на бан̣аг̇ан̣анаа. ааваддод̇и яат̇аад̇хиг̇ад̇з д̣̇иб̣б̣з гаамз бахааяа гаамахзд̇у ааваддо нивад̇д̇о баривад̇д̇ид̇о бхавзяяа. звам̣ маанусагаа гаамаад̇и яат̇аа гожи гусаг̇г̇зна уд̣̇агам̣ г̇ахзд̇ваа махаасамуд̣̇д̣̇з уд̣̇агам̣ минзяяа. д̇ад̇т̇а махаасамуд̣̇д̣̇з уд̣̇агамзва маханд̇ам̣ вибулам̣ бан̣ийд̇ан̃жа, звам̣ д̣̇иб̣б̣аанам̣ гаамаанам̣ самийбз убанид̇хааяа маанусагаа гаамаа аббамад̇д̇агаа орамад̇д̇агаа нихийнаа, д̣̇иб̣б̣аава гаамаа маханд̇аа вибулаа ул̣аараа бан̣ийд̇аа. самад̇хиг̇аяхаад̇и саммаа ад̇хиг̇аманавасзна ниг̇г̇аяха д̣̇иб̣б̣амби сукам̣ хийнам̣ гад̇ваа д̇идтад̇и.
212.Mahāca nesaṃ papañcoti nesaṃ rājūnaṃ mahāpapañco rājiddhivasena sabbadā sampattivisayo ca, anubhavituṃ na labhantīti adhippāyo. Mante gavesantā vicaranti, na bhogasukhaṃ. Gaṇanā nāma acchinnagaṇanā, na vigaṇagaṇanā na paṇagaṇanā. Āvaṭṭoti yathādhigate dibbe kāme pahāya kāmahetu āvaṭṭo nivatto parivattito bhaveyya. Evaṃ mānusakā kāmāti yathā koci kusaggena udakaṃ gahetvā mahāsamudde udakaṃ mineyya. Tattha mahāsamudde udakameva mahantaṃ vipulaṃ paṇītañca, evaṃ dibbānaṃ kāmānaṃ samīpe upanidhāya mānusakā kāmā appamattakā oramattakā nihīnā, dibbāva kāmā mahantā vipulā uḷārā paṇītā. Samadhigayhāti sammā adhigamanavasena niggayha dibbampi sukhaṃ hīnaṃ katvā tiṭṭhati.
213. аарог̇яахзд̇угам̣ сукам̣ асса ад̇т̇ийд̇и сукий, д̇ам̣ банасса рог̇авиг̇амад̇оваад̇и ааха ‘‘батамам̣ д̣̇угкид̇о бажчаа сукид̇о’’д̇и. сзрий наама ад̇д̇аад̇хийнавуд̇д̇ийд̇и ааха ‘‘сзрий згаго бхавзяяаа’’д̇и. ад̇д̇ано васо саяам̣васо, со зд̇асса ад̇т̇ийд̇и саяам̣васий. ан̇г̇аарагабаллам̣ вияа гаамавад̇т̇убарил̣аахахзд̇уд̇о. д̇ажчзд̇ваад̇и гхаддзд̇ваа, ган̣д̣ууяид̇ваад̇и ад̇т̇о.
213. Ārogyahetukaṃ sukhaṃ assa atthīti sukhī, taṃ panassa rogavigamatovāti āha ‘‘paṭhamaṃ dukkhito pacchā sukhito’’ti. Serī nāma attādhīnavuttīti āha ‘‘serī ekako bhaveyyā’’ti. Attano vaso sayaṃvaso, so etassa atthīti sayaṃvasī. Aṅgārakapallaṃ viya kāmavatthupariḷāhahetuto. Tacchetvāti ghaṭṭetvā, kaṇḍūyitvāti attho.
214. язна гааяо мад̇хурагаж̇аад̇о ход̇и, д̇ам̣ гира гудтам̣ чавим̣ винаасзд̇и, жаммам̣ чид̣̇д̣̇аж̇аад̇ам̣ вияа ход̇и. д̇знзвааха ‘‘убахад̇агааяаббасаад̣̇о’’д̇и. бажжалад̇т̇аад̇и бадилабхи. авиж̇ж̇аабхибхууд̇ад̇ааяа вирод̇хибажжаяасамааяог̇зна бан̃н̃инд̣̇рияасса убахад̇ад̇д̇аа. ааяад̇им̣ д̣̇угкапалад̇ааяа зд̇арахи жа гилзсад̣̇угкаб̣ахулад̇ааяа гаамаанам̣ д̣̇угкасампассад̇аа, д̇ад̣̇убхаяасам̣яуд̇д̇зсу д̇зсу жа д̇ам̣ асаллагкид̇ваа зганд̇асукаабхинивзсо вибарийд̇асан̃н̃ааяа, на гзвалааяа сукавзд̣̇анааяа сукаад̇и бавад̇д̇асан̃н̃ий.
214. Yena kāyo madhurakajāto hoti, taṃ kira kuṭṭhaṃ chaviṃ vināseti, cammaṃ chiddajātaṃ viya hoti. Tenevāha ‘‘upahatakāyappasādo’’ti. Paccalatthāti paṭilabhi. Avijjābhibhūtatāya virodhipaccayasamāyogena paññindriyassa upahatattā. Āyatiṃ dukkhaphalatāya etarahi ca kilesadukkhabahulatāya kāmānaṃ dukkhasamphassatā, tadubhayasaṃyuttesu tesu ca taṃ asallakkhitvā ekantasukhābhiniveso viparītasaññāya, na kevalāya sukhavedanāya sukhāti pavattasaññī.
215. д̇аанийд̇и гудтасарийрз ван̣амукаани. асужийнийд̇и асубхаани. д̣̇уг̇г̇анд̇хаанийд̇и виссаг̇анд̇хаани. бууд̇ийнийд̇и гун̣абабхууд̇аани. ид̣̇аанийд̇и зд̇арахи. накзхи виббад̇ажчанааг̇г̇ибарид̇аабанзхи ад̇иниббийл̣анагаалз баан̣агаа…бз… баг̇гхаранд̇и, д̇зна взд̣̇анаа д̇анугаа ход̇и. званд̇и вуд̇д̇анаязна взд̣̇анааяа д̇анугабхаавад̇о.
215.Tānīti kuṭṭhasarīre vaṇamukhāni. Asucīnīti asubhāni. Duggandhānīti vissagandhāni. Pūtīnīti kuṇapabhūtāni. Idānīti etarahi. Nakhehi vippatacchanaaggiparitāpanehi atinippīḷanakāle pāṇakā…pe… paggharanti, tena vedanā tanukā hoti. Evanti vuttanayena vedanāya tanukabhāvato.
аарог̇яабхаавз д̇ханалаабхаад̣̇илаабхуббад̇д̇ид̇о, асад̇и жа аарог̇яз лаабхасса нирад̇т̇агабхаавад̇о, д̣̇идтад̇хаммигаад̣̇исаб̣б̣асамбад̇д̇ийнам̣ лаабхасса нимид̇д̇абхаавад̇о жа аарог̇яабарамаа лаабхаа. ниб̣б̣аанз сукуббад̇д̇ид̇о, асад̇и жа ниб̣б̣аанаад̇хиг̇амз д̇аад̣̇исасса сукасса анубалаб̣бханад̇о, саб̣б̣асан̇кад̇авивид̇д̇ад̇д̇аа жа саб̣б̣асо жа сам̣саарад̣̇угкаабхаавад̇о, ад̇хиг̇ад̇з жа д̇асмим̣ сагалаваддад̣̇угкаабхаавад̇о жа ниб̣б̣аанам̣ барамам̣ сукам̣. буб̣б̣абхааг̇амаг̇г̇аананд̇и гааяаанубассанаад̣̇ибхзд̣̇абхиннаанам̣ арияамаг̇г̇асса буб̣б̣абхааг̇ияаанам̣ маг̇г̇аанам̣. д̇зсан̃жа амад̇аг̇аамид̇аа наама д̇анниннад̇аавасзнзва сажчигирияаавасзнаад̇и ааха ‘‘буб̣б̣абхааг̇аг̇аманзнзва амад̇аг̇аамина’’нд̇и. адтан̇г̇иго арияамаг̇г̇о кзмо саб̣б̣абариссаяасамуг̇гхаад̇анзна анубад̣̇д̣̇уд̇ад̇д̇аа, д̇ам̣саман̇г̇ийнам̣ саб̣б̣асо анубад̣̇д̣̇уд̇ад̇д̇аа д̇ам̣саман̇г̇ийнам̣ саб̣б̣асо анубад̣̇д̣̇авахзд̇уд̇о жа. лад̣̇д̇хивасзна г̇ахид̇аад̇и сассад̇аваад̣̇аад̣̇ийхи гзвалам̣ д̇зсам̣ лад̣̇д̇хивасзна д̇ат̇аа г̇ахид̇аа. кзмаамад̇аг̇ааминанд̇и иминаа хи ‘‘кзмам̣амад̇аг̇аамина’’нд̇и вибхад̇д̇иалобзна нид̣̇д̣̇зсо, ад̇т̇о бана вибхад̇д̇илобзна д̣̇адтаб̣б̣од̇и д̣̇ассзд̇и.
Ārogyabhāve dhanalābhādilābhuppattito, asati ca ārogye lābhassa niratthakabhāvato, diṭṭhadhammikādisabbasampattīnaṃ lābhassa nimittabhāvato ca ārogyaparamā lābhā. Nibbāne sukhuppattito, asati ca nibbānādhigame tādisassa sukhassa anupalabbhanato, sabbasaṅkhatavivittattā ca sabbaso ca saṃsāradukkhābhāvato, adhigate ca tasmiṃ sakalavaṭṭadukkhābhāvato ca nibbānaṃ paramaṃ sukhaṃ. Pubbabhāgamaggānanti kāyānupassanādibhedabhinnānaṃ ariyamaggassa pubbabhāgiyānaṃ maggānaṃ. Tesañca amatagāmitā nāma tanninnatāvaseneva sacchikiriyāvasenāti āha ‘‘pubbabhāgagamaneneva amatagāmina’’nti. Aṭṭhaṅgiko ariyamaggo khemo sabbaparissayasamugghātanena anupaddutattā, taṃsamaṅgīnaṃ sabbaso anupaddutattā taṃsamaṅgīnaṃ sabbaso anupaddavahetuto ca. Laddhivasena gahitāti sassatavādādīhi kevalaṃ tesaṃ laddhivasena tathā gahitā. Khemaamatagāminanti iminā hi ‘‘khemaṃamatagāmina’’nti vibhattialopena niddeso, attho pana vibhattilopena daṭṭhabboti dasseti.
216. аномаж̇ж̇ад̇ийд̇и ану ану омаж̇ж̇ад̇и. абараабарам̣ хад̇т̇ам̣ хздтаа од̇аарзнд̇о маж̇ж̇ад̇и.
216.Anomajjatīti anu anu omajjati. Aparāparaṃ hatthaṃ heṭṭhā otārento majjati.
217. чзганд̇и гханабхаавзна вийд̇ам̣. гханамадтабхаавзна сунд̣̇арам̣ ход̇ийд̇и ааха ‘‘самбанна’’нд̇и. саад̇хуухи барамаббижчасанд̇удтзхи лаад̇о г̇ахид̇од̇и саахул̣и. сан̇гааражол̣агам̣ нижжагаал̣агам̣.
217.Chekanti ghanabhāvena vītaṃ. Ghanamaṭṭhabhāvena sundaraṃ hotīti āha ‘‘sampanna’’nti. Sādhūhi paramappicchasantuṭṭhehi lāto gahitoti sāhuḷi. Saṅkāracoḷakaṃ niccakāḷakaṃ.
218. д̇ад̇т̇а д̇ад̇т̇а руж̇анадтзна виб̣аад̇ханадтзна рог̇ова бхууд̇о. вибассанаан̃аан̣знаби сикааббад̇д̇зна аарог̇яам̣ згад̣̇зсзна бассад̇и, ниб̣б̣аанан̃жа ваддабадибагкад̇од̇и ааха ‘‘вибассанаан̃аан̣ан̃жзваа’’д̇и.
218. Tattha tattha rujanaṭṭhena vibādhanaṭṭhena rogova bhūto. Vipassanāñāṇenapi sikhāppattena ārogyaṃ ekadesena passati, nibbānañca vaṭṭapaṭipakkhatoti āha ‘‘vipassanāñāṇañcevā’’ti.
219. анд̇араад̇и батамуббад̇д̇и ж̇араамаран̣аанам̣ взмаж̇жхз. убахад̇од̇и бид̇д̇асзмхаад̣̇ид̣̇осзхи д̣̇уусид̇абхаавзна гат̇ид̇о. бид̇д̇аад̣̇ид̣̇осз бана бхзсаж̇ж̇асзванааяа нивад̇д̇знд̇о убахад̇ам̣ бадибаагад̇игам̣ гаронд̇о жагкууни уббаад̣̇зд̇и наама. винадтаанийд̇и ануббад̇д̇ид̇хаммад̇ам̣ аабаннаани.
219.Antarāti paṭhamuppatti jarāmaraṇānaṃ vemajjhe. Upahatoti pittasemhādidosehi dūsitabhāvena kathito. Pittādidose pana bhesajjasevanāya nivattento upahataṃ paṭipākatikaṃ karonto cakkhūni uppādeti nāma. Vinaṭṭhānīti anuppattidhammataṃ āpannāni.
220. буб̣б̣з вуд̇д̇з саахул̣ияажийрз. ваддз ануг̇ад̇ажид̇д̇знаад̇и анамад̇аг̇г̇з сам̣саараваддз анаад̣̇ийнавад̣̇ассид̇ааяа ануг̇аамижид̇д̇зна.
220.Pubbe vutte sāhuḷiyacīre. Vaṭṭe anugatacittenāti anamatagge saṃsāravaṭṭe anādīnavadassitāya anugāmicittena.
221. д̇хаммассаад̇и ниб̣б̣аанасса. ануд̇хамманд̇и ануруубам̣ нияяаанад̇хаммам̣. д̇знааха ‘‘анужчавигам̣ бадибад̣̇а’’нд̇и. бан̃жагканд̇хзд̇и бан̃жубаад̣̇аанагканд̇хз д̣̇ассзд̇и. ‘‘д̣̇ийгхарад̇д̇ам̣ вад̇а, бхо’’д̇иаад̣̇инаа баал̣ияам̣ виваддам̣ д̣̇ассид̇ам̣. д̇знааха ‘‘убаад̣̇аананирод̇хаад̇и виваддам̣ д̣̇ассзнд̇о’’д̇и. сзсам̣ сувин̃н̃зяяамзва.
221.Dhammassāti nibbānassa. Anudhammanti anurūpaṃ niyyānadhammaṃ. Tenāha ‘‘anucchavikaṃ paṭipada’’nti. Pañcakkhandheti pañcupādānakkhandhe dasseti. ‘‘Dīgharattaṃ vata, bho’’tiādinā pāḷiyaṃ vivaṭṭaṃ dassitaṃ. Tenāha ‘‘upādānanirodhāti vivaṭṭaṃ dassento’’ti. Sesaṃ suviññeyyameva.
мааг̇ан̣д̣ияасуд̇д̇аван̣н̣анааяа лийнад̇т̇аббагаасанаа самад̇д̇аа.
Māgaṇḍiyasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. мааг̇ан̣д̣ияасуд̇д̇ам̣ • 5. Māgaṇḍiyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. мааг̇ан̣д̣ияасуд̇д̇аван̣н̣анаа • 5. Māgaṇḍiyasuttavaṇṇanā
