| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਮਧੁਰਾਸੁਤ੍ਤવਣ੍ਣਨਾ
10. Madhurāsuttavaṇṇanā
੨੨੦. ਦਸਮੇ ਪਞ੍ਚਿਮੇ, ਭਿਕ੍ਖવੇ, ਆਦੀਨવਾ ਮਧੁਰਾਯਨ੍ਤਿ ਏਕਂ ਸਮਯਂ ਭਗવਾ ਭਿਕ੍ਖੁਸਙ੍ਘਪਰਿવੁਤੋ ਚਾਰਿਕਂ ਚਰਮਾਨੋ ਮਧੁਰਾਨਗਰਂ ਸਮ੍ਪਾਪੁਣਿਤ੍વਾ ਅਨ੍ਤੋਨਗਰਂ ਪવਿਸਿਤੁਂ ਆਰਭਿ। ਅਥੇਕਾ ਮਿਚ੍ਛਾਦਿਟ੍ਠਿਕਾ ਯਕ੍ਖਿਨੀ ਅਚੇਲਾ ਹੁਤ੍વਾ ਦ੍વੇ ਹਤ੍ਥੇ ਪਸਾਰੇਤ੍વਾ ਜਿવ੍ਹਂ ਨਿਲ੍ਲਾਲੇਤ੍વਾ ਦਸਬਲਸ੍ਸ ਪੁਰਤੋ ਅਟ੍ਠਾਸਿ। ਸਤ੍ਥਾ ਅਨ੍ਤੋਨਗਰਂ ਅਪ੍ਪવਿਸਿਤ੍વਾ ਤਤੋવ ਨਿਕ੍ਖਮਿਤ੍વਾ વਿਹਾਰਂ ਅਗਮਾਸਿ। ਮਹਾਜਨੋ ਖਾਦਨੀਯਭੋਜਨੀਯਞ੍ਚੇવ ਸਕ੍ਕਾਰਸਮ੍ਮਾਨਞ੍ਚ ਆਦਾਯ વਿਹਾਰਂ ਗਨ੍ਤ੍વਾ ਬੁਦ੍ਧਪ੍ਪਮੁਖਸ੍ਸ ਭਿਕ੍ਖੁਸਙ੍ਘਸ੍ਸ ਦਾਨਂ ਅਦਾਸਿ। ਸਤ੍ਥਾ ਤਸ੍ਸ ਨਗਰਸ੍ਸ ਨਿਗ੍ਗਣ੍ਹਨਤ੍ਥਾਯ ਇਮਂ ਸੁਤ੍ਤਂ ਆਰਭਿ। ਤਤ੍ਥ વਿਸਮਾਤਿ ਨ ਸਮਤਲਾ। ਬਹੁਰਜਾਤਿ વਾਤਪਹਰਣਕਾਲੇ ਉਦ੍ਧਤੇਨ ਰਜਕ੍ਖਨ੍ਧੇਨ ਪਰਿਯੋਨਦ੍ਧਾ વਿਯ ਹੋਤਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
220. Dasame pañcime, bhikkhave, ādīnavā madhurāyanti ekaṃ samayaṃ bhagavā bhikkhusaṅghaparivuto cārikaṃ caramāno madhurānagaraṃ sampāpuṇitvā antonagaraṃ pavisituṃ ārabhi. Athekā micchādiṭṭhikā yakkhinī acelā hutvā dve hatthe pasāretvā jivhaṃ nillāletvā dasabalassa purato aṭṭhāsi. Satthā antonagaraṃ appavisitvā tatova nikkhamitvā vihāraṃ agamāsi. Mahājano khādanīyabhojanīyañceva sakkārasammānañca ādāya vihāraṃ gantvā buddhappamukhassa bhikkhusaṅghassa dānaṃ adāsi. Satthā tassa nagarassa niggaṇhanatthāya imaṃ suttaṃ ārabhi. Tattha visamāti na samatalā. Bahurajāti vātapaharaṇakāle uddhatena rajakkhandhena pariyonaddhā viya hoti. Sesaṃ sabbattha uttānamevāti.
ਅਕ੍ਕੋਸਕવਗ੍ਗੋ ਦੁਤਿਯੋ।
Akkosakavaggo dutiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਮਧੁਰਾਸੁਤ੍ਤਂ • 10. Madhurāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩-੧੦. ਸੀਲਸੁਤ੍ਤਾਦਿવਣ੍ਣਨਾ • 3-10. Sīlasuttādivaṇṇanā
