| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. มธุปิณฺฑิกเตฺถรอปทานํ
7. Madhupiṇḍikattheraapadānaṃ
๓๗.
37.
สิทฺธตฺถํ อิสินํ เสฎฺฐํ, อาหุตีนํ ปฎิคฺคหํฯ
Siddhatthaṃ isinaṃ seṭṭhaṃ, āhutīnaṃ paṭiggahaṃ.
๓๘.
38.
โอสธิํว วิโรจนฺตํ, เทวสงฺฆนมสฺสิตํฯ
Osadhiṃva virocantaṃ, devasaṅghanamassitaṃ.
๓๙.
39.
วุฎฺฐิตสฺส สมาธิมฺหา, มธุํ ทตฺวาน สตฺถุโนฯ
Vuṭṭhitassa samādhimhā, madhuṃ datvāna satthuno.
๔๐.
40.
‘‘วนฺทิตฺวา สตฺถุโน ปาเท, ปกฺกามิํ ปาจินามุโข;
‘‘Vanditvā satthuno pāde, pakkāmiṃ pācināmukho;
จตุตฺติํสมฺหิ กปฺปมฺหิ, ราชา อาสิํ สุทสฺสโนฯ
Catuttiṃsamhi kappamhi, rājā āsiṃ sudassano.
๔๑.
41.
‘‘มธุ ภิเสหิ สวติ, โภชนมฺหิ จ ตาวเท;
‘‘Madhu bhisehi savati, bhojanamhi ca tāvade;
มธุวสฺสํ ปวสฺสิตฺถ, ปุพฺพกมฺมสฺสิทํ ผลํฯ
Madhuvassaṃ pavassittha, pubbakammassidaṃ phalaṃ.
๔๒.
42.
‘‘จตุนฺนวุติโต กเปฺป, ยํ มธุํ อททิํ ตทา;
‘‘Catunnavutito kappe, yaṃ madhuṃ adadiṃ tadā;
ทุคฺคติํ นาภิชานามิ, มธุทานสฺสิทํ ผลํฯ
Duggatiṃ nābhijānāmi, madhudānassidaṃ phalaṃ.
๔๓.
43.
‘‘จตุตฺติํเส อิโต กเปฺป, จตฺตาโร เต สุทสฺสนา;
‘‘Catuttiṃse ito kappe, cattāro te sudassanā;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๔๔.
44.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา มธุปิณฺฑิโก เถโร อิมา คาถาโย อภาสิตฺถาติฯ
Itthaṃ sudaṃ āyasmā madhupiṇḍiko thero imā gāthāyo abhāsitthāti.
มธุปิณฺฑิกเตฺถรสฺสาปทานํ สตฺตมํฯ
Madhupiṇḍikattherassāpadānaṃ sattamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๗. มธุปิณฺฑิกเตฺถรอปทานวณฺณนา • 7. Madhupiṇḍikattheraapadānavaṇṇanā
