| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၁၀. မစ္ဆရိယသုတ္တံ
10. Macchariyasuttaṃ
၁၀. ‘‘သတ္တိမာနိ, ဘိက္ခဝေ, သံယောဇနာနိ။ ကတမာနိ သတ္တ? အနုနယသံယောဇနံ, ပဋိဃသံယောဇနံ, ဒိဋ္ဌိသံယောဇနံ, ဝိစိကိစ္ဆာသံယောဇနံ, မာနသံယောဇနံ, ဣသ္သာသံယောဇနံ, မစ္ဆရိယသံယောဇနံ။ ဣမာနိ ခော, ဘိက္ခဝေ, သတ္တ သံယောဇနာနီ’’တိ။ ဒသမံ။
10. ‘‘Sattimāni, bhikkhave, saṃyojanāni. Katamāni satta? Anunayasaṃyojanaṃ, paṭighasaṃyojanaṃ, diṭṭhisaṃyojanaṃ, vicikicchāsaṃyojanaṃ, mānasaṃyojanaṃ, issāsaṃyojanaṃ, macchariyasaṃyojanaṃ. Imāni kho, bhikkhave, satta saṃyojanānī’’ti. Dasamaṃ.
ဓနဝဂ္ဂော ပဌမော။
Dhanavaggo paṭhamo.
တသ္သုဒ္ဒာနံ –
Tassuddānaṃ –
ဒ္ဝေ ပိယာနိ ဗလံ ဓနံ၊ သံခိတ္တဉ္စေဝ ဝိတ္ထတံ။
Dve piyāni balaṃ dhanaṃ, saṃkhittañceva vitthataṃ;
ဥဂ္ဂံ သံယောဇနဉ္စေဝ၊ ပဟာနံ မစ္ဆရိယေန စာတိ။
Uggaṃ saṃyojanañceva, pahānaṃ macchariyena cāti.
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁. ဓနဝဂ္ဂဝဏ္ဏနာ • 1. Dhanavaggavaṇṇanā
