| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၅. မစ္ဆရိယပ္ပဟာနသုတ္တံ
5. Macchariyappahānasuttaṃ
၂၅၅. ‘‘ပဉ္စန္နံ , ဘိက္ခဝေ, မစ္ဆရိယာနံ ပဟာနာယ သမုစ္ဆေဒာယ ဗ္ရဟ္မစရိယံ ဝုသ္သတိ။ ကတမေသံ ပဉ္စန္နံ? အာဝာသမစ္ဆရိယသ္သ ပဟာနာယ သမုစ္ဆေဒာယ ဗ္ရဟ္မစရိယံ ဝုသ္သတိ; ကုလမစ္ဆရိယသ္သ။ပေ.။ လာဘမစ္ဆရိယသ္သ။ ဝဏ္ဏမစ္ဆရိယသ္သ။ ဓမ္မမစ္ဆရိယသ္သ ပဟာနာယ သမုစ္ဆေဒာယ ဗ္ရဟ္မစရိယံ ဝုသ္သတိ။ ဣမေသံ ခော, ဘိက္ခဝေ, ပဉ္စန္နံ မစ္ဆရိယာနံ ပဟာနာယ သမုစ္ဆေဒာယ ဗ္ရဟ္မစရိယံ ဝုသ္သတီ’’တိ။ ပဉ္စမံ။
255. ‘‘Pañcannaṃ , bhikkhave, macchariyānaṃ pahānāya samucchedāya brahmacariyaṃ vussati. Katamesaṃ pañcannaṃ? Āvāsamacchariyassa pahānāya samucchedāya brahmacariyaṃ vussati; kulamacchariyassa…pe… lābhamacchariyassa… vaṇṇamacchariyassa… dhammamacchariyassa pahānāya samucchedāya brahmacariyaṃ vussati. Imesaṃ kho, bhikkhave, pañcannaṃ macchariyānaṃ pahānāya samucchedāya brahmacariyaṃ vussatī’’ti. Pañcamaṃ.
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၁၀. ပဌမဒီဃစာရိကသုတ္တာဒိဝဏ္ဏနာ • 1-10. Paṭhamadīghacārikasuttādivaṇṇanā
