| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๖. มจฺฉทายกเตฺถรอปทานํ
6. Macchadāyakattheraapadānaṃ
๒๓.
23.
‘‘จนฺทภาคานทีตีเร, อุกฺกุโส อาสหํ ตทา;
‘‘Candabhāgānadītīre, ukkuso āsahaṃ tadā;
มหนฺตํ มจฺฉํ ปคฺคยฺห, สิทฺธตฺถมุนิโน อทํฯ
Mahantaṃ macchaṃ paggayha, siddhatthamunino adaṃ.
๒๔.
24.
‘‘จตุนฺนวุติโต กเปฺป, ยํ มจฺฉมททิํ ตทา;
‘‘Catunnavutito kappe, yaṃ macchamadadiṃ tadā;
ทุคฺคติํ นาภิชานามิ, มจฺฉทานสฺสิทํ ผลํฯ
Duggatiṃ nābhijānāmi, macchadānassidaṃ phalaṃ.
๒๕.
25.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา มจฺฉทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā macchadāyako thero imā gāthāyo abhāsitthāti.
มจฺฉทายกเตฺถรสฺสาปทานํ ฉฎฺฐํฯ
Macchadāyakattherassāpadānaṃ chaṭṭhaṃ.
