| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
433. ලොමසකස්සපජාතකං (7)
433. Lomasakassapajātakaṃ (7)
60.
60.
අස්ස ඉන්දසමො රාජ, අච්චන්තං අජරාමරො;
Assa indasamo rāja, accantaṃ ajarāmaro;
සචෙ ත්වං යඤ්ඤං යාජෙය්ය, ඉසිං ලොමසකස්සපං.
Sace tvaṃ yaññaṃ yājeyya, isiṃ lomasakassapaṃ.
61.
61.
සසමුද්දපරියායං, මහිං සාගරකුණ්ඩලං;
Sasamuddapariyāyaṃ, mahiṃ sāgarakuṇḍalaṃ;
62.
62.
ධිරත්ථු තං යසලාභං, ධනලාභඤ්ච බ්රාහ්මණ;
Dhiratthu taṃ yasalābhaṃ, dhanalābhañca brāhmaṇa;
යා වුත්ති විනිපාතෙන, අධම්මචරණෙන වා.
Yā vutti vinipātena, adhammacaraṇena vā.
63.
63.
අපි චෙ පත්තමාදාය, අනගාරො පරිබ්බජෙ;
Api ce pattamādāya, anagāro paribbaje;
සායෙව ජීවිකා සෙය්යො, යා චාධම්මෙන එසනා.
Sāyeva jīvikā seyyo, yā cādhammena esanā.
64.
64.
අපි චෙ පත්තමාදාය, අනගාරො පරිබ්බජෙ;
Api ce pattamādāya, anagāro paribbaje;
අඤ්ඤං අහිංසයං ලොකෙ, අපි රජ්ජෙන තං වරං.
Aññaṃ ahiṃsayaṃ loke, api rajjena taṃ varaṃ.
65.
65.
බලං චන්දො බලං සුරියො, බලං සමණබ්රාහ්මණා;
Balaṃ cando balaṃ suriyo, balaṃ samaṇabrāhmaṇā;
බලං වෙලා සමුද්දස්ස, බලාතිබලමිත්ථියො.
Balaṃ velā samuddassa, balātibalamitthiyo.
66.
66.
යථා උග්ගතපං සන්තං, ඉසිං ලොමසකස්සපං;
Yathā uggatapaṃ santaṃ, isiṃ lomasakassapaṃ;
67.
67.
තං ලොභපකතං කම්මං, කටුකං කාමහෙතුකං;
Taṃ lobhapakataṃ kammaṃ, kaṭukaṃ kāmahetukaṃ;
තස්ස මූලං ගවෙසිස්සං, ඡෙච්ඡං රාගං සබන්ධනං.
Tassa mūlaṃ gavesissaṃ, checchaṃ rāgaṃ sabandhanaṃ.
68.
68.
ධිරත්ථු කාමෙ සුබහූපි ලොකෙ, තපොව සෙය්යො කාමගුණෙහි රාජ;
Dhiratthu kāme subahūpi loke, tapova seyyo kāmaguṇehi rāja;
තපො කරිස්සාමි පහාය කාමෙ, තවෙව රට්ඨං චන්දවතී ච හොතූති.
Tapo karissāmi pahāya kāme, taveva raṭṭhaṃ candavatī ca hotūti.
ලොමසකස්සපජාතකං සත්තමං.
Lomasakassapajātakaṃ sattamaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ජාතක-අට්ඨකථා • Jātaka-aṭṭhakathā / [433] 7. ලොමසකස්සපජාතකවණ්ණනා • [433] 7. Lomasakassapajātakavaṇṇanā
