| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๓๓. โลมสกสฺสปชาตกํ (๗)
433. Lomasakassapajātakaṃ (7)
๖๐.
60.
อสฺส อินฺทสโม ราช, อจฺจนฺตํ อชรามโร;
Assa indasamo rāja, accantaṃ ajarāmaro;
สเจ ตฺวํ ยญฺญํ ยาเชยฺย, อิสิํ โลมสกสฺสปํฯ
Sace tvaṃ yaññaṃ yājeyya, isiṃ lomasakassapaṃ.
๖๑.
61.
สสมุทฺทปริยายํ, มหิํ สาครกุณฺฑลํ;
Sasamuddapariyāyaṃ, mahiṃ sāgarakuṇḍalaṃ;
๖๒.
62.
ธิรตฺถุ ตํ ยสลาภํ, ธนลาภญฺจ พฺราหฺมณ;
Dhiratthu taṃ yasalābhaṃ, dhanalābhañca brāhmaṇa;
ยา วุตฺติ วินิปาเตน, อธมฺมจรเณน วาฯ
Yā vutti vinipātena, adhammacaraṇena vā.
๖๓.
63.
อปิ เจ ปตฺตมาทาย, อนคาโร ปริพฺพเช;
Api ce pattamādāya, anagāro paribbaje;
สาเยว ชีวิกา เสโยฺย, ยา จาธเมฺมน เอสนาฯ
Sāyeva jīvikā seyyo, yā cādhammena esanā.
๖๔.
64.
อปิ เจ ปตฺตมาทาย, อนคาโร ปริพฺพเช;
Api ce pattamādāya, anagāro paribbaje;
อญฺญํ อหิํสยํ โลเก, อปิ รเชฺชน ตํ วรํฯ
Aññaṃ ahiṃsayaṃ loke, api rajjena taṃ varaṃ.
๖๕.
65.
พลํ จโนฺท พลํ สุริโย, พลํ สมณพฺราหฺมณา;
Balaṃ cando balaṃ suriyo, balaṃ samaṇabrāhmaṇā;
พลํ เวลา สมุทฺทสฺส, พลาติพลมิตฺถิโยฯ
Balaṃ velā samuddassa, balātibalamitthiyo.
๖๖.
66.
ยถา อุคฺคตปํ สนฺตํ, อิสิํ โลมสกสฺสปํ;
Yathā uggatapaṃ santaṃ, isiṃ lomasakassapaṃ;
๖๗.
67.
ตํ โลภปกตํ กมฺมํ, กฎุกํ กามเหตุกํ;
Taṃ lobhapakataṃ kammaṃ, kaṭukaṃ kāmahetukaṃ;
ตสฺส มูลํ คเวสิสฺสํ, เฉจฺฉํ ราคํ สพนฺธนํฯ
Tassa mūlaṃ gavesissaṃ, checchaṃ rāgaṃ sabandhanaṃ.
๖๘.
68.
ธิรตฺถุ กาเม สุพหูปิ โลเก, ตโปว เสโยฺย กามคุเณหิ ราช;
Dhiratthu kāme subahūpi loke, tapova seyyo kāmaguṇehi rāja;
ตโป กริสฺสามิ ปหาย กาเม, ตเวว รฎฺฐํ จนฺทวตี จ โหตูติฯ
Tapo karissāmi pahāya kāme, taveva raṭṭhaṃ candavatī ca hotūti.
โลมสกสฺสปชาตกํ สตฺตมํฯ
Lomasakassapajātakaṃ sattamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๓๓] ๗. โลมสกสฺสปชาตกวณฺณนา • [433] 7. Lomasakassapajātakavaṇṇanā
