| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਲੋਕਾਯਤਿਕਸੁਤ੍ਤવਣ੍ਣਨਾ
8. Lokāyatikasuttavaṇṇanā
੪੮. ਆਯਤਿਂ ਹਿਤਂ ਤੇਨ ਲੋਕੋ ਨ ਯਤਤਿ ਨ ਈਹਤੀਤਿ ਲੋਕਾਯਤਂ। ਨ ਹਿ ਤਂ ਲਦ੍ਧਿਂ ਨਿਸ੍ਸਾਯ ਸਤ੍ਤਾ ਪੁਞ੍ਞਕਿਰਿਯਾਯ ਚਿਤ੍ਤਮ੍ਪਿ ਉਪ੍ਪਾਦੇਨ੍ਤਿ, ਕੁਤੋ ਪਯੋਗੋ, ਤਂ ਏਤਸ੍ਸ ਅਤ੍ਥਿ, ਤਤ੍ਥ વਾ ਨਿਯੁਤ੍ਤੋਤਿ ਲੋਕਾਯਤਿਕੋ। ਪਠਮਸਦ੍ਦੋ ਆਦਿਅਤ੍ਥવਾਚਕਤ੍ਤਾ ਜੇਟ੍ਠવੇવਚਨੋਤਿ ਆਹ ‘‘ਪਠਮਂ ਲੋਕਾਯਤ’’ਨ੍ਤਿ। ਸਾਧਾਰਣવਚਨੋਪਿ ਲੋਕਸਦ੍ਦੋ વਿਸਿਟ੍ਠવਿਸਯੋ ਇਧਾਧਿਪ੍ਪੇਤੋਤਿ ਆਹ ‘‘ਬਾਲਪੁਥੁਜ੍ਜਨਲੋਕਸ੍ਸਾ’’ਤਿ। ਇਤ੍ਤਰਭਾવੇਨ ਲਕੁਣ੍ਡਕਭਾવੇਨ ਤਸ੍ਸ વਿਪੁਲਾਦਿਭਾવੇਨ ਬਾਲਾਨਂ ਉਪਟ੍ਠਾਨਮਤ੍ਤਨ੍ਤਿ ਦਸ੍ਸੇਨ੍ਤੋ ‘‘ਆਯਤਂ ਮਹਨ੍ਤ’’ਨ੍ਤਿਆਦਿਮਾਹ। ਪਰਿਤ੍ਤਨ੍ਤਿ ਖੁਦ੍ਦਕਂ। ਏਕਸਭਾવਨ੍ਤਿ ਏਕਂ ਸਭਾવਂ। ਅવਿਪਰਿਣਾਮਧਮ੍ਮਤਾਯਾਤਿ ਆਹ ‘‘ਨਿਚ੍ਚਸਭਾવਮੇવਾਤਿ ਪੁਚ੍ਛਤੀ’’ਤਿ। ਪੁਰਿਮਸਭਾવੇਨ ਨਾਨਾਸਭਾવਨ੍ਤਿ ਪੁਰਿਮਸਭਾવਤੋ ਭਿਨ੍ਨਸਭਾવਂ। ਪਚ੍ਛਾ ਨ ਹੋਤੀਤਿ ਪਚ੍ਛਾ ਕਿਞ੍ਚਿ ਨ ਹੋਤਿ ਸਬ੍ਬਸੋ ਸਮੁਚ੍ਛਿਜ੍ਜਨਤੋ। ਤੇਨਾਹ ‘‘ਉਚ੍ਛੇਦਂ ਸਨ੍ਧਾਯ ਪੁਚ੍ਛਤੀ’’ਤਿ। ਏਕਤ੍ਤਨ੍ਤਿ ਸਬ੍ਬਕਾਲਂ ਅਤ੍ਤਸਮ੍ਭવਂ। ਤਥਾ ਚੇવ ਗਹਣੇਨ ਦ੍વੇਪਿ વਾਦਾ ਸਸ੍ਸਤਦਿਟ੍ਠਿਯੋ ਹੋਨ੍ਤਿ। ਨਤ੍ਥਿ ਨ ਹੋਤਿ। ਪੁਥੁਤ੍ਤਂ ਨਾਨਾਸਭਾવਂ, ਏਕਰੂਪਂ ਨ ਹੋਤੀਤਿ વਾ ਗਹਣੇਨ ਦ੍વੇਪਿ વਾਦਾ ਉਚ੍ਛੇਦਦਿਟ੍ਠਿਯੋਤਿ।
48. Āyatiṃ hitaṃ tena loko na yatati na īhatīti lokāyataṃ. Na hi taṃ laddhiṃ nissāya sattā puññakiriyāya cittampi uppādenti, kuto payogo, taṃ etassa atthi, tattha vā niyuttoti lokāyatiko. Paṭhamasaddo ādiatthavācakattā jeṭṭhavevacanoti āha ‘‘paṭhamaṃ lokāyata’’nti. Sādhāraṇavacanopi lokasaddo visiṭṭhavisayo idhādhippetoti āha ‘‘bālaputhujjanalokassā’’ti. Ittarabhāvena lakuṇḍakabhāvena tassa vipulādibhāvena bālānaṃ upaṭṭhānamattanti dassento ‘‘āyataṃ mahanta’’ntiādimāha. Parittanti khuddakaṃ. Ekasabhāvanti ekaṃ sabhāvaṃ. Avipariṇāmadhammatāyāti āha ‘‘niccasabhāvamevāti pucchatī’’ti. Purimasabhāvena nānāsabhāvanti purimasabhāvato bhinnasabhāvaṃ. Pacchā na hotīti pacchā kiñci na hoti sabbaso samucchijjanato. Tenāha ‘‘ucchedaṃ sandhāya pucchatī’’ti. Ekattanti sabbakālaṃ attasambhavaṃ. Tathā ceva gahaṇena dvepi vādā sassatadiṭṭhiyo honti. Natthi na hoti. Puthuttaṃ nānāsabhāvaṃ, ekarūpaṃ na hotīti vā gahaṇena dvepi vādā ucchedadiṭṭhiyoti.
ਲੋਕਾਯਤਿਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Lokāyatikasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਲੋਕਾਯਤਿਕਸੁਤ੍ਤਂ • 8. Lokāyatikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਲੋਕਾਯਤਿਕਸੁਤ੍ਤવਣ੍ਣਨਾ • 8. Lokāyatikasuttavaṇṇanā
