| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭. ਲੋਕਾਯਤਿਕਸੁਤ੍ਤવਣ੍ਣਨਾ
7. Lokāyatikasuttavaṇṇanā
੩੮. ਸਤ੍ਤਮੇ ਲੋਕਾਯਤવਾਦਕਾਤਿ ਆਯਤਿਂ ਹਿਤਂ ਲੋਕੋ ਨ ਯਤਤਿ ਨ વਿਰੁਹਤਿ ਏਤੇਨਾਤਿ ਲੋਕਾਯਤਂ, વਿਤਣ੍ਡਸਤ੍ਥਂ। ਤਞ੍ਹਿ ਗਨ੍ਥਂ ਨਿਸ੍ਸਾਯ ਸਤ੍ਤਾ ਪੁਞ੍ਞਕਿਰਿਯਾਯ ਚਿਤ੍ਤਮ੍ਪਿ ਨ ਉਪ੍ਪਾਦੇਨ੍ਤਿ, ਤਂ વਦਨ੍ਤੀਤਿ ਲੋਕਾਯਤવਾਦਕਾ।
38. Sattame lokāyatavādakāti āyatiṃ hitaṃ loko na yatati na viruhati etenāti lokāyataṃ, vitaṇḍasatthaṃ. Tañhi ganthaṃ nissāya sattā puññakiriyāya cittampi na uppādenti, taṃ vadantīti lokāyatavādakā.
ਦਲ਼੍ਹਂ ਥਿਰਂ ਧਨੁ ਏਤਸ੍ਸਾਤਿ ਦਲ਼੍ਹਧਨ੍વਾ (ਅ॰ ਨਿ॰ ਟੀ॰ ੨.੪.੪੫-੪੬; ਸਂ॰ ਨਿ॰ ਟੀ॰ ੧.੧.੧੦੭), ਸੋ ਏવ ‘‘ਦਲ਼੍ਹਧਮ੍ਮਾ’’ਤਿ વੁਤ੍ਤੋ। ਪਟਿਸਤ੍ਤੁવਿਧਮਨਤ੍ਥਂ ਧਨੁਂ ਗਣ੍ਹਾਤੀਤਿ ਧਨੁਗ੍ਗਹੋ। ਸੋ ਏવ ਉਸੁਂ ਸਰਂ ਅਸਤਿ ਖਿਪਤੀਤਿ ਇਸ੍ਸਾਸੋ। ਦ੍વਿਸਹਸ੍ਸਥਾਮਨ੍ਤਿ ਲੋਹਾਦਿਭਾਰਂ વਹਿਤੁਂ ਸਮਤ੍ਥਂ ਦ੍વਿਸਹਸ੍ਸਥਾਮਂ। ਤੇਨਾਹ ‘‘ਦ੍વਿਸਹਸ੍ਸਥਾਮਂ ਨਾਮਾ’’ਤਿਆਦਿ। ਦਣ੍ਡੇਤਿ ਧਨੁਦਣ੍ਡੇ। ਯਾવ ਕਣ੍ਡਪ੍ਪਮਾਣਾਤਿ ਦੀਘਤੋ ਯਤ੍ਤਕਂ ਕਣ੍ਡਸ੍ਸ ਪਮਾਣਂ, ਤਤ੍ਤਕੇ ਧਨੁਦਣ੍ਡੇ ਉਕ੍ਖਿਤ੍ਤਮਤ੍ਤੇ ਆਰੋਪਿਤੇਸੁਯੇવ ਜਿਯਾਦਣ੍ਡੇਸੁ ਸੋ ਚੇ ਭਾਰੋ ਪਥવਿਤੋ ਮੁਚ੍ਚਤਿ, ਏવਂ ਇਦਂ ਦ੍વਿਸਹਸ੍ਸਥਾਮਂ ਨਾਮ ਧਨੂਤਿ ਦਟ੍ਠਬ੍ਬਂ। ਉਗ੍ਗਹਿਤਸਿਪ੍ਪੋਤਿ ਉਗ੍ਗਹਿਤਧਨੁਸਿਪ੍ਪੋ। ਕਤਹਤ੍ਥੋਤਿ ਥਿਰਤਰਂ ਲਕ੍ਖੇਸੁ ਅવਿਰਜ੍ਝਨਸਰਕ੍ਖੇਪੋ। ਈਦਿਸੋ ਪਨ ਤਤ੍ਥ વਸਿਭੂਤੋ ਕਤਹਤ੍ਥੋ ਨਾਮ ਹੋਤੀਤਿ ਆਹ ‘‘ਚਿਣ੍ਣવਸਿਭਾવੋ’’ਤਿ। ਕਤਂ ਰਾਜਕੁਲਾਦੀਸੁ ਉਪੇਚ੍ਚ ਅਸਨਂ ਏਤੇਨ ਸੋ ਕਤੂਪਾਸਨੋਤਿ ਆਹ ‘‘ਰਾਜਕੁਲਾਦੀਸੁ ਦਸ੍ਸਿਤਸਿਪ੍ਪੋ’’ਤਿ। ਏવਂ ਕਤਨ੍ਤਿ ਏવਂ ਅਨ੍ਤੋਸੁਸਿਰਕਰਣਾਦਿਨਾ ਸਲ੍ਲਹੁਕਂ ਕਤਂ।
Daḷhaṃ thiraṃ dhanu etassāti daḷhadhanvā (a. ni. ṭī. 2.4.45-46; saṃ. ni. ṭī. 1.1.107), so eva ‘‘daḷhadhammā’’ti vutto. Paṭisattuvidhamanatthaṃ dhanuṃ gaṇhātīti dhanuggaho. So eva usuṃ saraṃ asati khipatīti issāso. Dvisahassathāmanti lohādibhāraṃ vahituṃ samatthaṃ dvisahassathāmaṃ. Tenāha ‘‘dvisahassathāmaṃ nāmā’’tiādi. Daṇḍeti dhanudaṇḍe. Yāva kaṇḍappamāṇāti dīghato yattakaṃ kaṇḍassa pamāṇaṃ, tattake dhanudaṇḍe ukkhittamatte āropitesuyeva jiyādaṇḍesu so ce bhāro pathavito muccati, evaṃ idaṃ dvisahassathāmaṃ nāma dhanūti daṭṭhabbaṃ. Uggahitasippoti uggahitadhanusippo. Katahatthoti thirataraṃ lakkhesu avirajjhanasarakkhepo. Īdiso pana tattha vasibhūto katahattho nāma hotīti āha ‘‘ciṇṇavasibhāvo’’ti. Kataṃ rājakulādīsu upecca asanaṃ etena so katūpāsanoti āha ‘‘rājakulādīsu dassitasippo’’ti. Evaṃ katanti evaṃ antosusirakaraṇādinā sallahukaṃ kataṃ.
ਲੋਕਾਯਤਿਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Lokāyatikasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਲੋਕਾਯਤਿਕਸੁਤ੍ਤਂ • 7. Lokāyatikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. ਲੋਕਾਯਤਿਕਸੁਤ੍ਤવਣ੍ਣਨਾ • 7. Lokāyatikasuttavaṇṇanā
