| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೮. ಲೋಕಾಯತಿಕಸುತ್ತವಣ್ಣನಾ
8. Lokāyatikasuttavaṇṇanā
೪೮. ಅಟ್ಠಮೇ ಲೋಕಾಯತಿಕೋತಿ ವಿತಣ್ಡಸತ್ಥೇ ಲೋಕಾಯತೇ ಕತಪರಿಚಯೋ। ಜೇಟ್ಠಮೇತಂ ಲೋಕಾಯತನ್ತಿ ಪಠಮಂ ಲೋಕಾಯತಂ। ಲೋಕಾಯತನ್ತಿ ಚ ಲೋಕಸ್ಸೇವ ಆಯತಂ, ಬಾಲಪುಥುಜ್ಜನಲೋಕಸ್ಸ ಆಯತಂ, ಮಹನ್ತಂ ಗಮ್ಭೀರನ್ತಿ ಉಪಧಾರಿತಬ್ಬಂ ಪರಿತ್ತಂ ಭಾವಂ ದಿಟ್ಠಿಗತಂ। ಏಕತ್ತನ್ತಿ ಏಕಸಭಾವಂ, ನಿಚ್ಚಸಭಾವಮೇವಾತಿ ಪುಚ್ಛತಿ। ಪುಥುತ್ತನ್ತಿ ಪುರಿಮಸಭಾವೇನ ನಾನಾಸಭಾವಂ, ದೇವಮನುಸ್ಸಾದಿಭಾವೇನ ಪಠಮಂ ಹುತ್ವಾ ಪಚ್ಛಾ ನ ಹೋತೀತಿ ಉಚ್ಛೇದಂ ಸನ್ಧಾಯ ಪುಚ್ಛತಿ। ಏವಮೇತ್ಥ ‘‘ಸಬ್ಬಮತ್ಥಿ, ಸಬ್ಬಮೇಕತ್ತ’’ನ್ತಿ ಇಮಾ ದ್ವೇಪಿ ಸಸ್ಸತದಿಟ್ಠಿಯೋ, ‘‘ಸಬ್ಬಂ ನತ್ಥಿ, ಸಬ್ಬಂ ಪುಥುತ್ತ’’ನ್ತಿ ಇಮಾ ದ್ವೇ ಉಚ್ಛೇದದಿಟ್ಠಿಯೋತಿ ವೇದಿತಬ್ಬಾ। ಅಟ್ಠಮಂ।
48. Aṭṭhame lokāyatikoti vitaṇḍasatthe lokāyate kataparicayo. Jeṭṭhametaṃ lokāyatanti paṭhamaṃ lokāyataṃ. Lokāyatanti ca lokasseva āyataṃ, bālaputhujjanalokassa āyataṃ, mahantaṃ gambhīranti upadhāritabbaṃ parittaṃ bhāvaṃ diṭṭhigataṃ. Ekattanti ekasabhāvaṃ, niccasabhāvamevāti pucchati. Puthuttanti purimasabhāvena nānāsabhāvaṃ, devamanussādibhāvena paṭhamaṃ hutvā pacchā na hotīti ucchedaṃ sandhāya pucchati. Evamettha ‘‘sabbamatthi, sabbamekatta’’nti imā dvepi sassatadiṭṭhiyo, ‘‘sabbaṃ natthi, sabbaṃ puthutta’’nti imā dve ucchedadiṭṭhiyoti veditabbā. Aṭṭhamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೮. ಲೋಕಾಯತಿಕಸುತ್ತಂ • 8. Lokāyatikasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೮. ಲೋಕಾಯತಿಕಸುತ್ತವಣ್ಣನಾ • 8. Lokāyatikasuttavaṇṇanā
