| Library / Tipiṭaka / ติปิฎก • Tipiṭaka / ปฎิสมฺภิทามคฺคปาฬิ • Paṭisambhidāmaggapāḷi |
๑๔. โลกวาทปฎิสํยุตฺตทิฎฺฐินิเทฺทโส
14. Lokavādapaṭisaṃyuttadiṭṭhiniddeso
๑๔๗. โลกวาทปฎิสํยุตฺตาย ทิฎฺฐิยา กตเมหิ อฎฺฐหิ อากาเรหิ อภินิเวโส โหติ? สสฺสโต อตฺตา จ โลโก จาติ – อภินิเวสปรามาโส โลกวาทปฎิสํยุตฺตา ทิฎฺฐิฯ ทิฎฺฐิ น วตฺถุ, วตฺถุ น ทิฎฺฐิฯ อญฺญา, ทิฎฺฐิ, อญฺญํ วตฺถุฯ ยา จ ทิฎฺฐิ ยญฺจ วตฺถุ – อยํ ปฐมา โลกวาทปฎิสํยุตฺตา ทิฎฺฐิฯ โลกวาทปฎิสํยุตฺตา ทิฎฺฐิ มิจฺฉาทิฎฺฐิ…เป.… อิมานิ สโญฺญชนานิ, น จ ทิฎฺฐิโยฯ
147. Lokavādapaṭisaṃyuttāya diṭṭhiyā katamehi aṭṭhahi ākārehi abhiniveso hoti? Sassato attā ca loko cāti – abhinivesaparāmāso lokavādapaṭisaṃyuttā diṭṭhi. Diṭṭhi na vatthu, vatthu na diṭṭhi. Aññā, diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā lokavādapaṭisaṃyuttā diṭṭhi. Lokavādapaṭisaṃyuttā diṭṭhi micchādiṭṭhi…pe… imāni saññojanāni, na ca diṭṭhiyo.
อสสฺสโต อตฺตา จ โลโก จาติ…เป.… สสฺสโต จ อสสฺสโต จ อตฺตา จ โลโก จาติ…เป.… เนว สสฺสโต นาสสฺสโต อตฺตา จ โลโก จาติ… อนฺตวา อตฺตา จ โลโก จาติ… อนนฺตวา อตฺตา จ โลโก จาติ… อนฺตวา จ อนนฺตวา จ อตฺตา จ โลโก จาติ… เนว อนฺตวา น อนนฺตวา อตฺตา จ โลโก จาติ อภินิเวสปรามาโส โลกวาทปฎิสํยุตฺตา ทิฎฺฐิฯ ทิฎฺฐิ น วตฺถุ, วตฺถุ น ทิฎฺฐิฯ อญฺญา ทิฎฺฐิ, อญฺญํ วตฺถุฯ ยา จ ทิฎฺฐิ ยญฺจ วตฺถุ – อยํ อฎฺฐมี โลกวาทปฎิสํยุตฺตา ทิฎฺฐิฯ โลกวาทปฎิสํยุตฺตา ทิฎฺฐิ มิจฺฉาทิฎฺฐิ …เป.… อิมานิ สโญฺญชนานิ, น จ ทิฎฺฐิโยฯ โลกวาทปฎิสํยุตฺตาย ทิฎฺฐิยา อิเมหิ อฎฺฐหิ อากาเรหิ อภินิเวโส โหติฯ
Asassato attā ca loko cāti…pe… sassato ca asassato ca attā ca loko cāti…pe… neva sassato nāsassato attā ca loko cāti… antavā attā ca loko cāti… anantavā attā ca loko cāti… antavā ca anantavā ca attā ca loko cāti… neva antavā na anantavā attā ca loko cāti abhinivesaparāmāso lokavādapaṭisaṃyuttā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ aṭṭhamī lokavādapaṭisaṃyuttā diṭṭhi. Lokavādapaṭisaṃyuttā diṭṭhi micchādiṭṭhi …pe… imāni saññojanāni, na ca diṭṭhiyo. Lokavādapaṭisaṃyuttāya diṭṭhiyā imehi aṭṭhahi ākārehi abhiniveso hoti.
โลกวาทปฎิสํยุตฺตทิฎฺฐินิเทฺทโส จุทฺทสโมฯ
Lokavādapaṭisaṃyuttadiṭṭhiniddeso cuddasamo.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ปฎิสมฺภิทามคฺค-อฎฺฐกถา • Paṭisambhidāmagga-aṭṭhakathā / ๑๔. โลกวาทปฎิสํยุตฺตทิฎฺฐินิเทฺทสวณฺณนา • 14. Lokavādapaṭisaṃyuttadiṭṭhiniddesavaṇṇanā
