| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༨. ལོཀསུཏྟཾ
8. Lokasuttaṃ
༣༩༤. ཏཾཡེཝ ནིདཱནཾ། ཨེཀམནྟཾ ནིསིནྣོ ཁོ ཨཱཡསྨཱ སཱརིཔུཏྟོ ཨཱཡསྨནྟཾ ཨནུརུདྡྷཾ ཨེཏདཝོཙ – ‘‘ཀཏམེསཾ, ཨཱཝུསོ ཨནུརུདྡྷ, དྷམྨཱནཾ བྷཱཝིཏཏྟཱ བཧུལཱིཀཏཏྟཱ མཧཱབྷིཉྙཏཾ 1 པཏྟོ’’ཏི? ‘‘ཙཏུནྣཾ , ཨཱཝུསོ, སཏིཔཊྛཱནཱནཾ བྷཱཝིཏཏྟཱ བཧུལཱིཀཏཏྟཱ མཧཱབྷིཉྙཏཾ པཏྟོ’’།
394. Taṃyeva nidānaṃ. Ekamantaṃ nisinno kho āyasmā sāriputto āyasmantaṃ anuruddhaṃ etadavoca – ‘‘katamesaṃ, āvuso anuruddha, dhammānaṃ bhāvitattā bahulīkatattā mahābhiññataṃ 2 patto’’ti? ‘‘Catunnaṃ , āvuso, satipaṭṭhānānaṃ bhāvitattā bahulīkatattā mahābhiññataṃ patto’’.
‘‘ཀཏམེསཾ ཙཏུནྣཾ? ཨིདྷཱཧཾ, ཨཱཝུསོ, ཀཱཡེ ཀཱཡཱནུཔསྶཱི ཝིཧརཱམི ཨཱཏཱཔཱི སམྤཛཱནོ སཏིམཱ, ཝིནེཡྻ ལོཀེ ཨབྷིཛ྄ཛྷཱདོམནསྶཾ; ཝེདནཱསུ…པེ॰… ཙིཏྟེ…པེ॰… དྷམྨེསུ དྷམྨཱནུཔསྶཱི ཝིཧརཱམི ཨཱཏཱཔཱི སམྤཛཱནོ སཏིམཱ, ཝིནེཡྻ ལོཀེ ཨབྷིཛ྄ཛྷཱདོམནསྶཾ། ཨིམེསཾ ཁྭཱཧཾ, ཨཱཝུསོ , ཙཏུནྣཾ སཏིཔཊྛཱནཱནཾ བྷཱཝིཏཏྟཱ བཧུལཱིཀཏཏྟཱ མཧཱབྷིཉྙཏཾ པཏྟོ། ཨིམེསཉྩ པནཱཧཾ, ཨཱཝུསོ, ཙཏུནྣཾ སཏིཔཊྛཱནཱནཾ བྷཱཝིཏཏྟཱ བཧུལཱིཀཏཏྟཱ སཧསྶཾ ལོཀཾ ཨབྷིཛཱནཱམཱི’’ཏི། ཨཊྛམཾ།
‘‘Katamesaṃ catunnaṃ? Idhāhaṃ, āvuso, kāye kāyānupassī viharāmi ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharāmi ātāpī sampajāno satimā, vineyya loke abhijjhādomanassaṃ. Imesaṃ khvāhaṃ, āvuso , catunnaṃ satipaṭṭhānānaṃ bhāvitattā bahulīkatattā mahābhiññataṃ patto. Imesañca panāhaṃ, āvuso, catunnaṃ satipaṭṭhānānaṃ bhāvitattā bahulīkatattā sahassaṃ lokaṃ abhijānāmī’’ti. Aṭṭhamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༨-༡༠. ལོཀསུཏྟཱདིཝཎྞནཱ • 8-10. Lokasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༨-༡༠. ལོཀསུཏྟཱདིཝཎྞནཱ • 8-10. Lokasuttādivaṇṇanā
