| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. লোকসুত্তং
3. Lokasuttaṃ
১৩৪. সাৰত্থিনিদানং । একমন্তং নিসিন্নো খো রাজা পসেনদি কোসলো ভগৰন্তং এতদৰোচ – ‘‘কতি নু খো, ভন্তে, লোকস্স ধম্মা উপ্পজ্জমানা উপ্পজ্জন্তি অহিতায দুক্খায অফাসুৰিহারাযা’’তি? ‘‘তযো খো, মহারাজ, লোকস্স ধম্মা উপ্পজ্জমানা উপ্পজ্জন্তি অহিতায দুক্খায অফাসুৰিহারায। কতমে তযো? লোভো খো, মহারাজ, লোকস্স ধম্মো, উপ্পজ্জমানো উপ্পজ্জতি অহিতায দুক্খায অফাসুৰিহারায। দোসো খো, মহারাজ, লোকস্স ধম্মো, উপ্পজ্জমানো উপ্পজ্জতি অহিতায দুক্খায অফাসুৰিহারায। মোহো খো, মহারাজ, লোকস্স ধম্মো, উপ্পজ্জমানো উপ্পজ্জতি অহিতায দুক্খায অফাসুৰিহারায। ইমে খো, মহারাজ, তযো লোকস্স ধম্মা উপ্পজ্জমানা উপ্পজ্জন্তি অহিতায দুক্খায অফাসুৰিহারাযা’’তি। ইদমৰোচ…পে॰…
134. Sāvatthinidānaṃ . Ekamantaṃ nisinno kho rājā pasenadi kosalo bhagavantaṃ etadavoca – ‘‘kati nu kho, bhante, lokassa dhammā uppajjamānā uppajjanti ahitāya dukkhāya aphāsuvihārāyā’’ti? ‘‘Tayo kho, mahārāja, lokassa dhammā uppajjamānā uppajjanti ahitāya dukkhāya aphāsuvihārāya. Katame tayo? Lobho kho, mahārāja, lokassa dhammo, uppajjamāno uppajjati ahitāya dukkhāya aphāsuvihārāya. Doso kho, mahārāja, lokassa dhammo, uppajjamāno uppajjati ahitāya dukkhāya aphāsuvihārāya. Moho kho, mahārāja, lokassa dhammo, uppajjamāno uppajjati ahitāya dukkhāya aphāsuvihārāya. Ime kho, mahārāja, tayo lokassa dhammā uppajjamānā uppajjanti ahitāya dukkhāya aphāsuvihārāyā’’ti. Idamavoca…pe…
‘‘লোভো দোসো চ মোহো চ, পুরিসং পাপচেতসং।
‘‘Lobho doso ca moho ca, purisaṃ pāpacetasaṃ;
হিংসন্তি অত্তসম্ভূতা, তচসারংৰ সম্ফল’’ন্তি॥
Hiṃsanti attasambhūtā, tacasāraṃva samphala’’nti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২. অয্যিকাসুত্তৰণ্ণনা • 2. Ayyikāsuttavaṇṇanā
