| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. логанд̇аг̇аманасуд̇д̇аван̣н̣анаа
3. Lokantagamanasuttavaṇṇanā
116. логияанд̇и зд̇т̇а сад̇д̇агааяабхууд̇аг̇аамаад̣̇ийд̇и лого, жаггаваал̣о. сан̇кааро бана луж̇ж̇анабалуж̇ж̇анадтзна лого. анд̇анд̇и осаанам̣. саб̣б̣ан̃н̃уд̇ан̃н̃аан̣зна сам̣санд̣̇ид̇ваад̇и саб̣б̣ан̃н̃уд̇ан̃н̃аан̣аг̇ад̇ияаа самаанзд̇ваа авирод̇хзд̇ваа. т̇омзссаамийд̇и басам̣сиссаами.
116. Lokiyanti ettha sattakāyabhūtagāmādīti loko, cakkavāḷo. Saṅkhāro pana lujjanapalujjanaṭṭhena loko. Antanti osānaṃ. Sabbaññutaññāṇena saṃsanditvāti sabbaññutaññāṇagatiyā samānetvā avirodhetvā. Thomessāmīti pasaṃsissāmi.
звам̣самбад̇д̇иганд̇и звам̣самбаж̇ж̇анагам̣ звам̣бассид̇аб̣б̣ам̣ ид̣̇ам̣ мама аж̇жхзсанам̣. д̇знааха ‘‘ийд̣̇исанд̇и ад̇т̇о’’д̇и. ж̇аанам̣ ж̇аанаад̇ийд̇и саб̣б̣ан̃н̃уд̇ан̃н̃аан̣зна ж̇аанид̇аб̣б̣ам̣ ж̇аанаад̇и зва. на хи бад̣̇зсан̃н̃аан̣з тид̇о ж̇аанид̇аб̣б̣ам̣ саб̣б̣ам̣ ж̇аанаад̇и. уггадтанид̣̇д̣̇зсзна хи ависзсаг̇г̇ахан̣зна жа ‘‘ж̇аана’’нд̇и иминаа ниравасзсам̣ н̃зяяаж̇аад̇ам̣ бариг̇г̇аяхад̇ийд̇и д̇аб̣б̣исаяааяа ж̇аананагирияааяа саб̣б̣ан̃н̃уд̇ан̃н̃аан̣амзва гаран̣ам̣ бхавид̇ум̣ яуд̇д̇ам̣. багаран̣авасзна ‘‘бхаг̇аваа’’д̇и бад̣̇асаннид̇хаанзна жа аяамад̇т̇о вибхаавзд̇аб̣б̣о. бассид̇аб̣б̣амзва бассад̇ийд̇и д̣̇иб̣б̣ажагку-бан̃н̃аажагку-д̇хаммажагку-б̣уд̣̇д̇хажагку-саманд̇ажагку-сан̇каад̇зхи н̃аан̣ажагкуухи бассид̇аб̣б̣ам̣ бассад̇и зва. ат̇а ваа ж̇аанам̣ ж̇аанаад̇ийд̇и яат̇аа ан̃н̃з савибаллаасаа гаамаруубабарин̃н̃ааваад̣̇ино ж̇аананд̇ааби вибаллаасавасзна ж̇аананд̇и, на звам̣ бхаг̇аваа. бхаг̇аваа бана бахийнавибаллаасад̇д̇аа ж̇аананд̇о ж̇аанаад̇и зва, д̣̇идтид̣̇ассанасса абхааваа бассанд̇о бассад̇и зваад̇и ад̇т̇о.
Evaṃsampattikanti evaṃsampajjanakaṃ evaṃpassitabbaṃ idaṃ mama ajjhesanaṃ. Tenāha ‘‘īdisanti attho’’ti. Jānaṃ jānātīti sabbaññutaññāṇena jānitabbaṃ jānāti eva. Na hi padesaññāṇe ṭhito jānitabbaṃ sabbaṃ jānāti. Ukkaṭṭhaniddesena hi avisesaggahaṇena ca ‘‘jāna’’nti iminā niravasesaṃ ñeyyajātaṃ pariggayhatīti tabbisayāya jānanakiriyāya sabbaññutaññāṇameva karaṇaṃ bhavituṃ yuttaṃ. Pakaraṇavasena ‘‘bhagavā’’ti padasannidhānena ca ayamattho vibhāvetabbo. Passitabbameva passatīti dibbacakkhu-paññācakkhu-dhammacakkhu-buddhacakkhu-samantacakkhu-saṅkhātehi ñāṇacakkhūhi passitabbaṃ passati eva. Atha vā jānaṃ jānātīti yathā aññe savipallāsā kāmarūpapariññāvādino jānantāpi vipallāsavasena jānanti, na evaṃ bhagavā. Bhagavā pana pahīnavipallāsattā jānanto jānāti eva, diṭṭhidassanassa abhāvā passanto passati evāti attho.
д̣̇ассанабарин̣ааяагадтзнаад̇и яат̇аа жагку сад̇д̇аанам̣ д̣̇ассанад̇т̇ам̣ барин̣зд̇и саад̇хзд̇и, звам̣ логасса яаат̇аавад̣̇ассанасаад̇ханад̇оби д̣̇ассанагижжабарин̣ааяагадтзна жагкубхууд̇о, бан̃н̃аажагкумаяад̇д̇аа ваа саяамбхуун̃аан̣зна бан̃н̃аажагкум̣ бхууд̇о бад̇д̇од̇и ваа жагкубхууд̇о. н̃аан̣абхууд̇од̇и зд̇асса жа звамзва ад̇т̇о д̣̇адтаб̣б̣о. д̇хаммаа ваа б̣од̇хибагкияаа, д̇зхи уббаннад̇д̇аа логасса жа д̇ад̣̇уббаад̣̇анад̇о анан̃н̃асаад̇хааран̣ам̣ ваа д̇хаммам̣ бад̇д̇о ад̇хиг̇ад̇од̇и д̇хаммабхууд̇о. ‘‘б̣рахмаа’’вужжад̇и сздтадтзна маг̇г̇ан̃аан̣ам̣, д̇зна уббаннад̇д̇аа логасса жа д̇ад̣̇уббаад̣̇анад̇о д̇ан̃жа саяамбхуун̃аан̣зна бад̇д̇од̇и б̣рахмабхууд̇о. жад̇усажжад̇хаммам̣ вад̣̇ад̇ийд̇и вад̇д̇аа. жирам̣ сажжабадивзд̇хам̣ бавад̇д̇знд̇о вад̣̇ад̇ийд̇и бавад̇д̇аа. ад̇т̇ам̣ нийхарид̇ваад̇и д̣̇угкаад̣̇иад̇т̇ам̣ уд̣̇д̇харид̇ваа. барамад̇т̇ам̣ ваа ниб̣б̣аанам̣ баабаяид̇аа. амад̇асажчигирияам̣ сад̇д̇зсу уббаад̣̇знд̇о амад̇ам̣ д̣̇ад̣̇аад̇ийд̇и амад̇асса д̣̇аад̇аа. б̣од̇хибагкияад̇хаммаанам̣ д̇ад̣̇ааяад̇д̇абхаавад̇о д̇хаммассаамий. бунаббунам̣ яаажаабзнд̇о бхаарияам̣ гаронд̇о г̇арум̣ гарод̇и наама, д̇ат̇аа д̣̇увин̃н̃зяяам̣ гад̇ваа гат̇знд̇оби.
Dassanapariṇāyakaṭṭhenāti yathā cakkhu sattānaṃ dassanatthaṃ pariṇeti sādheti, evaṃ lokassa yāthāvadassanasādhanatopi dassanakiccapariṇāyakaṭṭhena cakkhubhūto, paññācakkhumayattā vā sayambhūñāṇena paññācakkhuṃ bhūto pattoti vā cakkhubhūto. Ñāṇabhūtoti etassa ca evameva attho daṭṭhabbo. Dhammā vā bodhipakkhiyā, tehi uppannattā lokassa ca taduppādanato anaññasādhāraṇaṃ vā dhammaṃ patto adhigatoti dhammabhūto. ‘‘Brahmā’’vuccati seṭṭhaṭṭhena maggañāṇaṃ, tena uppannattā lokassa ca taduppādanato tañca sayambhūñāṇena pattoti brahmabhūto. Catusaccadhammaṃ vadatīti vattā. Ciraṃ saccapaṭivedhaṃ pavattento vadatīti pavattā. Atthaṃ nīharitvāti dukkhādiatthaṃ uddharitvā. Paramatthaṃ vā nibbānaṃ pāpayitā. Amatasacchikiriyaṃ sattesu uppādento amataṃ dadātīti amatassa dātā. Bodhipakkhiyadhammānaṃ tadāyattabhāvato dhammassāmī. Punappunaṃ yācāpento bhāriyaṃ karonto garuṃ karoti nāma, tathā duviññeyyaṃ katvā kathentopi.
жагкунаа виж̇ж̇амаанзна логасан̃н̃ий ход̇и, на д̇асмим̣ асад̇и. на хи аж̇жхад̇д̇игааяад̇анавирахзна логасаман̃н̃аа ад̇т̇и. д̇знааха ‘‘жагкун̃хи лого’’д̇иаад̣̇и. аббахийнад̣̇идтийд̇и асамуухад̇асаггааяад̣̇идтиго гханавиниб̣бхог̇ам̣ гаад̇ум̣ асаггонд̇о самуд̣̇ааяам̣ вияа аваяавам̣ ‘‘лого’’д̇и сан̃ж̇аанаад̇и жзва ман̃н̃ад̇и жа. д̇ат̇аад̇и иминаа ‘‘логод̇и сан̃ж̇аанаад̇и жзва ман̃н̃ад̇и жаа’’д̇и бад̣̇ад̇д̇аяам̣ аагад̣дхад̇и. д̇ассаад̇и бут̇уж̇ж̇анасса, жаггаваал̣алогасса ваа. жагкаад̣̇имзва хи сахогаасзна ‘‘жаггаваал̣о’’д̇и бут̇уж̇ж̇ано сан̃ж̇аанаад̇и. г̇аманзнаад̇и бад̣̇асаа г̇аманзна. на саггаа д̇зсам̣ ананд̇ад̇д̇аа. луж̇ж̇анадтзнаад̇и абхисан̇кааралогавасзна логасса анд̇ам̣ д̣̇ассзд̇ум̣ вуд̇д̇ам̣. д̇асса анд̇о наама ниб̣б̣аанам̣. д̇ам̣ бад̇д̇ум̣ саггаа саммаабадибад̇д̇ияаа бад̇д̇аб̣б̣ад̇д̇аа. жаггаваал̣алогасса бана анд̇о наама, над̇т̇и д̇асса г̇аманзна аббад̇д̇аб̣б̣ад̇д̇аа.
Cakkhunā vijjamānena lokasaññī hoti, na tasmiṃ asati. Na hi ajjhattikāyatanavirahena lokasamaññā atthi. Tenāha ‘‘cakkhuñhi loko’’tiādi. Appahīnadiṭṭhīti asamūhatasakkāyadiṭṭhiko ghanavinibbhogaṃ kātuṃ asakkonto samudāyaṃ viya avayavaṃ ‘‘loko’’ti sañjānāti ceva maññati ca. Tathāti iminā ‘‘lokoti sañjānāti ceva maññati cā’’ti padattayaṃ ākaḍḍhati. Tassāti puthujjanassa, cakkavāḷalokassa vā. Cakkhādimeva hi sahokāsena ‘‘cakkavāḷo’’ti puthujjano sañjānāti. Gamanenāti padasā gamanena. Na sakkā tesaṃ anantattā. Lujjanaṭṭhenāti abhisaṅkhāralokavasena lokassa antaṃ dassetuṃ vuttaṃ. Tassa anto nāma nibbānaṃ. Taṃ pattuṃ sakkā sammāpaṭipattiyā pattabbattā. Cakkavāḷalokassa pana anto nāma, natthi tassa gamanena appattabbattā.
имзхи бад̣̇зхийд̇и имзхи ваагяавибхааг̇зхи бад̣̇зхи. д̇аани бана агкарасамуд̣̇ааяалагкан̣аанийд̇и ааха ‘‘агкарасамбин̣д̣анзхий’’д̇и. баадиязггаагкарзхийд̇и д̇асмим̣ д̇асмим̣ бад̣̇з бадинияад̇асаннивзсзхи висум̣ висум̣ жид̇д̇зна г̇аяхамаанзхи агкарзхийд̇и ад̇т̇о.
Imehi padehīti imehi vākyavibhāgehi padehi. Tāni pana akkharasamudāyalakkhaṇānīti āha ‘‘akkharasampiṇḍanehī’’ti. Pāṭiyekkaakkharehīti tasmiṃ tasmiṃ pade paṭiniyatasannivesehi visuṃ visuṃ cittena gayhamānehi akkharehīti attho.
г̇аманадтзна ‘‘бан̣д̣аа’’ вужжад̇и бан̃н̃аа, д̇ааяа ид̇о г̇ад̇о бад̇д̇од̇и бан̣д̣ид̇о, бан̃н̃аваа. махаабан̃н̃ад̇аа наама бадисамбхид̣̇аавасзна взд̣̇ид̇аб̣б̣аад̇и ааха ‘‘маханд̇з ад̇т̇з’’д̇иаад̣̇и. яат̇аа д̇анд̇и зд̇т̇а д̇анд̇и нибаад̇амад̇д̇ам̣ батамавигаббз, д̣̇уд̇ияавигаббз бана бажжаамасананд̇и ааха ‘‘д̇ам̣ б̣яаагад̇а’’нд̇и.
Gamanaṭṭhena ‘‘paṇḍā’’ vuccati paññā, tāya ito gato pattoti paṇḍito, paññavā. Mahāpaññatā nāma paṭisambhidāvasena veditabbāti āha ‘‘mahante atthe’’tiādi. Yathā tanti ettha tanti nipātamattaṃ paṭhamavikappe, dutiyavikappe pana paccāmasananti āha ‘‘taṃ byākata’’nti.
логанд̇аг̇аманасуд̇д̇аван̣н̣анаа нидтид̇аа.
Lokantagamanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. логанд̇аг̇аманасуд̇д̇ам̣ • 3. Lokantagamanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. логанд̇аг̇аманасуд̇д̇аван̣н̣анаа • 3. Lokantagamanasuttavaṇṇanā
