| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૫. પપાતવગ્ગો
5. Papātavaggo
૧. લોકચિન્તાસુત્તવણ્ણના
1. Lokacintāsuttavaṇṇanā
૧૧૧૧. પઞ્ચમસ્સ પઠમે સુમાગધાય પોક્ખરણિયાતિ એવંનામિકાય પોક્ખરણિયા. લોકચિન્તં ચિન્તેન્તોતિ, ‘‘કેન નુ ખો ચન્દિમસૂરિયા કતા, કેન મહાપથવી, કેન મહાસમુદ્દો, કેન સત્તા ઉપ્પાદિતા, કેન પબ્બતા, કેન અમ્બતાલનાળિકેરાદયો’’તિ એવરૂપં લોકચિન્તં ચિન્તેન્તો નિસીદિ.
1111. Pañcamassa paṭhame sumāgadhāya pokkharaṇiyāti evaṃnāmikāya pokkharaṇiyā. Lokacintaṃ cintentoti, ‘‘kena nu kho candimasūriyā katā, kena mahāpathavī, kena mahāsamuddo, kena sattā uppāditā, kena pabbatā, kena ambatālanāḷikerādayo’’ti evarūpaṃ lokacintaṃ cintento nisīdi.
વિચેતોતિ વિગતચિત્તો વિક્ખિત્તચિત્તો વા. ભૂતંયેવ અદ્દસાતિ તે કિર અસુરા સમ્બરિમાયં સમ્પરિવત્તેત્વા યથા ને સો પુરિસો હત્થિઅસ્સાદીસુ આરુહન્તે ઉક્ખિપિત્વા, ભિસમુળાલચ્છિદ્દેહિ પવિસન્તે પસ્સતિ, એવં અધિટ્ઠહિંસુ. તં સન્ધાય સત્થા ‘‘ભૂતંયેવ અદ્દસા’’તિ આહ. દેવાનંયેવ મોહયમાનાતિ દેવાનં ચિત્તં મોહયન્તા. તસ્માતિ યસ્મા લોકચિન્તં ચિન્તેન્તો ઉમ્મત્તકોપિ હોતિ, તસ્મા.
Vicetoti vigatacitto vikkhittacitto vā. Bhūtaṃyeva addasāti te kira asurā sambarimāyaṃ samparivattetvā yathā ne so puriso hatthiassādīsu āruhante ukkhipitvā, bhisamuḷālacchiddehi pavisante passati, evaṃ adhiṭṭhahiṃsu. Taṃ sandhāya satthā ‘‘bhūtaṃyeva addasā’’ti āha. Devānaṃyeva mohayamānāti devānaṃ cittaṃ mohayantā. Tasmāti yasmā lokacintaṃ cintento ummattakopi hoti, tasmā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧. લોકચિન્તાસુત્તં • 1. Lokacintāsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧. લોકચિન્તાસુત્તવણ્ણના • 1. Lokacintāsuttavaṇṇanā
