| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৫. পপাতৰগ্গো
5. Papātavaggo
১. লোকচিন্তাসুত্তৰণ্ণনা
1. Lokacintāsuttavaṇṇanā
১১১১. পঞ্চমস্স পঠমে সুমাগধায পোক্খরণিযাতি এৰংনামিকায পোক্খরণিযা। লোকচিন্তং চিন্তেন্তোতি, ‘‘কেন নু খো চন্দিমসূরিযা কতা, কেন মহাপথৰী, কেন মহাসমুদ্দো, কেন সত্তা উপ্পাদিতা, কেন পব্বতা, কেন অম্বতালনাল়িকেরাদযো’’তি এৰরূপং লোকচিন্তং চিন্তেন্তো নিসীদি।
1111. Pañcamassa paṭhame sumāgadhāya pokkharaṇiyāti evaṃnāmikāya pokkharaṇiyā. Lokacintaṃ cintentoti, ‘‘kena nu kho candimasūriyā katā, kena mahāpathavī, kena mahāsamuddo, kena sattā uppāditā, kena pabbatā, kena ambatālanāḷikerādayo’’ti evarūpaṃ lokacintaṃ cintento nisīdi.
ৰিচেতোতি ৰিগতচিত্তো ৰিক্খিত্তচিত্তো ৰা। ভূতংযেৰ অদ্দসাতি তে কির অসুরা সম্বরিমাযং সম্পরিৰত্তেত্ৰা যথা নে সো পুরিসো হত্থিঅস্সাদীসু আরুহন্তে উক্খিপিত্ৰা, ভিসমুল়ালচ্ছিদ্দেহি পৰিসন্তে পস্সতি, এৰং অধিট্ঠহিংসু। তং সন্ধায সত্থা ‘‘ভূতংযেৰ অদ্দসা’’তি আহ। দেৰানংযেৰ মোহযমানাতি দেৰানং চিত্তং মোহযন্তা। তস্মাতি যস্মা লোকচিন্তং চিন্তেন্তো উম্মত্তকোপি হোতি, তস্মা।
Vicetoti vigatacitto vikkhittacitto vā. Bhūtaṃyeva addasāti te kira asurā sambarimāyaṃ samparivattetvā yathā ne so puriso hatthiassādīsu āruhante ukkhipitvā, bhisamuḷālacchiddehi pavisante passati, evaṃ adhiṭṭhahiṃsu. Taṃ sandhāya satthā ‘‘bhūtaṃyeva addasā’’ti āha. Devānaṃyeva mohayamānāti devānaṃ cittaṃ mohayantā. Tasmāti yasmā lokacintaṃ cintento ummattakopi hoti, tasmā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. লোকচিন্তাসুত্তং • 1. Lokacintāsuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১. লোকচিন্তাসুত্তৰণ্ণনা • 1. Lokacintāsuttavaṇṇanā
