| Library / Tipiṭaka / තිපිටක • Tipiṭaka / ඉතිවුත්තකපාළි • Itivuttakapāḷi |
9. ලොභපරිඤ්ඤාසුත්තං
9. Lobhapariññāsuttaṃ
9. වුත්තඤ්හෙතං භගවතා, වුත්තමරහතාති මෙ සුතං –
9. Vuttañhetaṃ bhagavatā, vuttamarahatāti me sutaṃ –
‘‘ලොභං, භික්ඛවෙ , අනභිජානං අපරිජානං තත්ථ චිත්තං අවිරාජයං අප්පජහං අභබ්බො දුක්ඛක්ඛයාය. ලොභඤ්ච ඛො, භික්ඛවෙ, අභිජානං පරිජානං තත්ථ චිත්තං විරාජයං පජහං භබ්බො දුක්ඛක්ඛයායා’’ති. එතමත්ථං භගවා අවොච. තත්ථෙතං ඉති වුච්චති –
‘‘Lobhaṃ, bhikkhave , anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Lobhañca kho, bhikkhave, abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā’’ti. Etamatthaṃ bhagavā avoca. Tatthetaṃ iti vuccati –
‘‘යෙන ලොභෙන ලුද්ධාසෙ, සත්තා ගච්ඡන්ති දුග්ගතිං;
‘‘Yena lobhena luddhāse, sattā gacchanti duggatiṃ;
තං ලොභං සම්මදඤ්ඤාය, පජහන්ති විපස්සිනො;
Taṃ lobhaṃ sammadaññāya, pajahanti vipassino;
පහාය න පුනායන්ති, ඉමං ලොකං කුදාචන’’න්ති.
Pahāya na punāyanti, imaṃ lokaṃ kudācana’’nti.
අයම්පි අත්ථො වුත්තො භගවතා, ඉති මෙ සුතන්ති. නවමං.
Ayampi attho vutto bhagavatā, iti me sutanti. Navamaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ඉතිවුත්තක-අට්ඨකථා • Itivuttaka-aṭṭhakathā / 9-10. ලොභදොසපරිඤ්ඤාසුත්තද්වයවණ්ණනා • 9-10. Lobhadosapariññāsuttadvayavaṇṇanā
