| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૮-૧૦. લિચ્છવિકુમારકસુત્તાદિવણ્ણના
8-10. Licchavikumārakasuttādivaṇṇanā
૫૮-૬૦. અટ્ઠમે સાપતેય્યન્તિ એત્થ સં વુચ્ચતિ ધનં, તસ્સ પતીતિ સપતિ, ધનસામિકો. તસ્સ હિતાવહત્તા સાપતેય્યં, દ્રબ્યં, ધનન્તિ અત્થો. અત્તનો રુચિવસેન ગામકિચ્ચં નેતીતિ ગામનિયો, ગામનિયોયેવ ગામણિકો.
58-60. Aṭṭhame sāpateyyanti ettha saṃ vuccati dhanaṃ, tassa patīti sapati, dhanasāmiko. Tassa hitāvahattā sāpateyyaṃ, drabyaṃ, dhananti attho. Attano rucivasena gāmakiccaṃ netīti gāmaniyo, gāmaniyoyeva gāmaṇiko.
અન્વાય ઉપનિસ્સાય જીવનસીલા અનુજીવિનોતિ આહ ‘‘યે ચ એતં ઉપનિસ્સાય જીવન્તી’’તિ. એકં મહાકુલં નિસ્સાય પણ્ણાસમ્પિ સટ્ઠિપિ કુલાનિ જીવન્તિ, તે મનુસ્સે સન્ધાયેતં વુત્તં. સેસં સુવિઞ્ઞેય્યમેવ. નવમાદીનિ ઉત્તાનત્થાનેવ.
Anvāya upanissāya jīvanasīlā anujīvinoti āha ‘‘ye ca etaṃ upanissāya jīvantī’’ti. Ekaṃ mahākulaṃ nissāya paṇṇāsampi saṭṭhipi kulāni jīvanti, te manusse sandhāyetaṃ vuttaṃ. Sesaṃ suviññeyyameva. Navamādīni uttānatthāneva.
લિચ્છવિકુમારકસુત્તાદિવણ્ણના નિટ્ઠિતા.
Licchavikumārakasuttādivaṇṇanā niṭṭhitā.
નીવરણવગ્ગવણ્ણના નિટ્ઠિતા.
Nīvaraṇavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૮. લિચ્છવિકુમારકસુત્તં • 8. Licchavikumārakasuttaṃ
૯. પઠમવુડ્ઢપબ્બજિતસુત્તં • 9. Paṭhamavuḍḍhapabbajitasuttaṃ
૧૦. દુતિયવુડ્ઢપબ્બજિતસુત્તં • 10. Dutiyavuḍḍhapabbajitasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā)
૮. લિચ્છવિકુમારકસુત્તવણ્ણના • 8. Licchavikumārakasuttavaṇṇanā
૯-૧૦. વુડ્ઢપબ્બજિતસુત્તદ્વયવણ્ણના • 9-10. Vuḍḍhapabbajitasuttadvayavaṇṇanā
