| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
6. ладугигобамасуд̇д̇ам̣
6. Laṭukikopamasuttaṃ
148. звам̣ мз суд̇ам̣ – згам̣ самаяам̣ бхаг̇аваа ан̇г̇уд̇д̇араабзсу вихарад̇и аабан̣ам̣ наама ан̇г̇уд̇д̇араабаанам̣ ниг̇амо. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа аабан̣ам̣ бин̣д̣ааяа баависи. аабан̣з бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язнан̃н̃ад̇аро ванасан̣д̣о д̇знубасан̇гами д̣̇иваавихаарааяа. д̇ам̣ ванасан̣д̣ам̣ аж̇жхог̇аахзд̇ваа ан̃н̃ад̇арасмим̣ ругкамуулз д̣̇иваавихаарам̣ нисийд̣̇и. ааяасмааби ко уд̣̇ааяий буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа аабан̣ам̣ бин̣д̣ааяа баависи. аабан̣з бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язна со ванасан̣д̣о д̇знубасан̇гами д̣̇иваавихаарааяа. д̇ам̣ ванасан̣д̣ам̣ аж̇жхог̇аахзд̇ваа ан̃н̃ад̇арасмим̣ ругкамуулз д̣̇иваавихаарам̣ нисийд̣̇и. ат̇а ко ааяасмад̇о уд̣̇ааяисса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘б̣ахуунам̣ 1 вад̇а но бхаг̇аваа д̣̇угкад̇хаммаанам̣ абахад̇д̇аа, б̣ахуунам̣ вад̇а но бхаг̇аваа сукад̇хаммаанам̣ убахад̇д̇аа; б̣ахуунам̣ вад̇а но бхаг̇аваа агусалаанам̣ д̇хаммаанам̣ абахад̇д̇аа, б̣ахуунам̣ вад̇а но бхаг̇аваа гусалаанам̣ д̇хаммаанам̣ убахад̇д̇аа’’д̇и. ат̇а ко ааяасмаа уд̣̇ааяий сааяанхасамаяам̣ бадисаллаанаа вудтид̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и .
148. Evaṃ me sutaṃ – ekaṃ samayaṃ bhagavā aṅguttarāpesu viharati āpaṇaṃ nāma aṅguttarāpānaṃ nigamo. Atha kho bhagavā pubbaṇhasamayaṃ nivāsetvā pattacīvaramādāya āpaṇaṃ piṇḍāya pāvisi. Āpaṇe piṇḍāya caritvā pacchābhattaṃ piṇḍapātapaṭikkanto yenaññataro vanasaṇḍo tenupasaṅkami divāvihārāya. Taṃ vanasaṇḍaṃ ajjhogāhetvā aññatarasmiṃ rukkhamūle divāvihāraṃ nisīdi. Āyasmāpi kho udāyī pubbaṇhasamayaṃ nivāsetvā pattacīvaramādāya āpaṇaṃ piṇḍāya pāvisi. Āpaṇe piṇḍāya caritvā pacchābhattaṃ piṇḍapātapaṭikkanto yena so vanasaṇḍo tenupasaṅkami divāvihārāya. Taṃ vanasaṇḍaṃ ajjhogāhetvā aññatarasmiṃ rukkhamūle divāvihāraṃ nisīdi. Atha kho āyasmato udāyissa rahogatassa paṭisallīnassa evaṃ cetaso parivitakko udapādi – ‘‘bahūnaṃ 2 vata no bhagavā dukkhadhammānaṃ apahattā, bahūnaṃ vata no bhagavā sukhadhammānaṃ upahattā; bahūnaṃ vata no bhagavā akusalānaṃ dhammānaṃ apahattā, bahūnaṃ vata no bhagavā kusalānaṃ dhammānaṃ upahattā’’ti. Atha kho āyasmā udāyī sāyanhasamayaṃ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi .
149. згаманд̇ам̣ нисинно ко ааяасмаа уд̣̇ааяий бхаг̇аванд̇ам̣ зд̇ад̣̇авожа – ‘‘ид̇ха маяхам̣, бханд̇з, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘б̣ахуунам̣ вад̇а но бхаг̇аваа д̣̇угкад̇хаммаанам̣ абахад̇д̇аа, б̣ахуунам̣ вад̇а но бхаг̇аваа сукад̇хаммаанам̣ убахад̇д̇аа; б̣ахуунам̣ вад̇а но бхаг̇аваа агусалаанам̣ д̇хаммаанам̣ абахад̇д̇аа, б̣ахуунам̣ вад̇а но бхаг̇аваа гусалаанам̣ д̇хаммаанам̣ убахад̇д̇аа’д̇и. маяан̃хи, бханд̇з, буб̣б̣з сааяан̃жзва бхун̃ж̇аама баад̇о жа д̣̇иваа жа вигаалз. аху ко со, бханд̇з, самаяо яам̣ бхаг̇аваа бхигкуу ааманд̇зси – ‘ин̇гха д̇умхз, бхигкавз, зд̇ам̣ д̣̇иваавигаалабхож̇анам̣ баж̇ахат̇аа’д̇и. д̇асса маяхам̣, бханд̇з, ахуд̣̇зва ан̃н̃ат̇ад̇д̇ам̣, ахуд̣̇зва 3 д̣̇оманассам̣ – ‘яамби но сад̣̇д̇хаа г̇ахабад̇игаа д̣̇иваа вигаалз бан̣ийд̇ам̣ каад̣̇анийяам̣ бхож̇анийяам̣ д̣̇знд̇и д̇ассаби но бхаг̇аваа бахаанамааха, д̇ассаби но суг̇ад̇о бадиниссаг̇г̇амаахаа’д̇и. д̇з маяам̣, бханд̇з, бхаг̇авад̇и бзман̃жа г̇аараван̃жа хирин̃жа од̇д̇аббан̃жа самбассамаанаа звам̣ д̇ам̣ д̣̇иваавигаалабхож̇анам̣ баж̇ахимхаа. д̇з маяам̣, бханд̇з, сааяан̃жзва бхун̃ж̇аама баад̇о жа. аху ко со, бханд̇з, самаяо яам̣ бхаг̇аваа бхигкуу ааманд̇зси – ‘ин̇гха д̇умхз, бхигкавз, зд̇ам̣ рад̇д̇им̣вигаалабхож̇анам̣ баж̇ахат̇аа’д̇и. д̇асса маяхам̣, бханд̇з, ахуд̣̇зва ан̃н̃ат̇ад̇д̇ам̣ ахуд̣̇зва д̣̇оманассам̣ – ‘яамби но имзсам̣ д̣̇виннам̣ бхад̇д̇аанам̣ бан̣ийд̇асан̇каад̇ад̇арам̣ д̇ассаби но бхаг̇аваа бахаанамааха, д̇ассаби но суг̇ад̇о бадиниссаг̇г̇амаахаа’д̇и. бхууд̇абуб̣б̣ам̣, бханд̇з, ан̃н̃ад̇аро бурисо д̣̇иваа суубзяяам̣ лабхид̇ваа звамааха – ‘ханд̣̇а жа имам̣ нигкибат̇а, сааяам̣ саб̣б̣зва самаг̇г̇аа бхун̃ж̇иссаамаа’д̇и. яаа гаажи, бханд̇з, сан̇кад̇ияо саб̣б̣аа д̇аа рад̇д̇им̣, аббаа д̣̇иваа. д̇з маяам̣, бханд̇з, бхаг̇авад̇и бзман̃жа г̇аараван̃жа хирин̃жа од̇д̇аббан̃жа самбассамаанаа звам̣ д̇ам̣ рад̇д̇им̣вигаалабхож̇анам̣ баж̇ахимхаа. бхууд̇абуб̣б̣ам̣, бханд̇з, бхигкуу рад̇д̇анд̇хагаарад̇имисааяам̣ бин̣д̣ааяа жаранд̇аа жанд̣̇анигамби бависанд̇и, олиг̇аллзби бабад̇анд̇и, ган̣дагааваадамби 4 аароханд̇и, суд̇д̇амби г̇аавим̣ аароханд̇и, маан̣авзхиби самааг̇ажчанд̇и гад̇агаммзхиби агад̇агаммзхиби, маад̇уг̇аамоби д̇з 5 асад̣̇д̇хаммзна ниманд̇зд̇и. бхууд̇абуб̣б̣аахам̣, бханд̇з, рад̇д̇анд̇хагаарад̇имисааяам̣ бин̣д̣ааяа жараами. ад̣̇д̣̇асаа ко мам̣, бханд̇з, ан̃н̃ад̇араа ид̇т̇ий виж̇ж̇анд̇аригааяа бхааж̇анам̣ д̇хованд̇ий. д̣̇исваа мам̣ бхийд̇аа виссарамагааси – ‘абхуммз 6 бисаажо вад̇а ма’нд̇и! звам̣ вуд̇д̇з, ахам̣, бханд̇з, д̇ам̣ ид̇т̇им̣ зд̇ад̣̇авожам̣ – ‘наахам̣, бхаг̇ини, бисаажо; бхигку бин̣д̣ааяа тид̇о’д̇и. ‘бхигкусса аад̇умаарий, бхигкусса маад̇умаарий 7! варам̣ д̇з, бхигку, д̇ин̣хзна г̇овиганд̇анзна гужчи бариганд̇о, на д̇взва варам̣ яам̣ 8 рад̇д̇анд̇хагаарад̇имисааяам̣ гужчихзд̇у бин̣д̣ааяа жарасий’д̇и 9. д̇асса маяхам̣, бханд̇з, д̇ад̣̇ануссарад̇о звам̣ ход̇и – ‘б̣ахуунам̣ вад̇а но бхаг̇аваа д̣̇угкад̇хаммаанам̣ абахад̇д̇аа, б̣ахуунам̣ вад̇а но бхаг̇аваа сукад̇хаммаанам̣ убахад̇д̇аа; б̣ахуунам̣ вад̇а но бхаг̇аваа агусалаанам̣ д̇хаммаанам̣ абахад̇д̇аа, б̣ахуунам̣ вад̇а но бхаг̇аваа гусалаанам̣ д̇хаммаанам̣ убахад̇д̇аа’’’д̇и.
149. Ekamantaṃ nisinno kho āyasmā udāyī bhagavantaṃ etadavoca – ‘‘idha mayhaṃ, bhante, rahogatassa paṭisallīnassa evaṃ cetaso parivitakko udapādi – ‘bahūnaṃ vata no bhagavā dukkhadhammānaṃ apahattā, bahūnaṃ vata no bhagavā sukhadhammānaṃ upahattā; bahūnaṃ vata no bhagavā akusalānaṃ dhammānaṃ apahattā, bahūnaṃ vata no bhagavā kusalānaṃ dhammānaṃ upahattā’ti. Mayañhi, bhante, pubbe sāyañceva bhuñjāma pāto ca divā ca vikāle. Ahu kho so, bhante, samayo yaṃ bhagavā bhikkhū āmantesi – ‘iṅgha tumhe, bhikkhave, etaṃ divāvikālabhojanaṃ pajahathā’ti. Tassa mayhaṃ, bhante, ahudeva aññathattaṃ, ahudeva 10 domanassaṃ – ‘yampi no saddhā gahapatikā divā vikāle paṇītaṃ khādanīyaṃ bhojanīyaṃ denti tassapi no bhagavā pahānamāha, tassapi no sugato paṭinissaggamāhā’ti. Te mayaṃ, bhante, bhagavati pemañca gāravañca hiriñca ottappañca sampassamānā evaṃ taṃ divāvikālabhojanaṃ pajahimhā. Te mayaṃ, bhante, sāyañceva bhuñjāma pāto ca. Ahu kho so, bhante, samayo yaṃ bhagavā bhikkhū āmantesi – ‘iṅgha tumhe, bhikkhave, etaṃ rattiṃvikālabhojanaṃ pajahathā’ti. Tassa mayhaṃ, bhante, ahudeva aññathattaṃ ahudeva domanassaṃ – ‘yampi no imesaṃ dvinnaṃ bhattānaṃ paṇītasaṅkhātataraṃ tassapi no bhagavā pahānamāha, tassapi no sugato paṭinissaggamāhā’ti. Bhūtapubbaṃ, bhante, aññataro puriso divā sūpeyyaṃ labhitvā evamāha – ‘handa ca imaṃ nikkhipatha, sāyaṃ sabbeva samaggā bhuñjissāmā’ti. Yā kāci, bhante, saṅkhatiyo sabbā tā rattiṃ, appā divā. Te mayaṃ, bhante, bhagavati pemañca gāravañca hiriñca ottappañca sampassamānā evaṃ taṃ rattiṃvikālabhojanaṃ pajahimhā. Bhūtapubbaṃ, bhante, bhikkhū rattandhakāratimisāyaṃ piṇḍāya carantā candanikampi pavisanti, oligallepi papatanti, kaṇṭakāvāṭampi 11 ārohanti, suttampi gāviṃ ārohanti, māṇavehipi samāgacchanti katakammehipi akatakammehipi, mātugāmopi te 12 asaddhammena nimanteti. Bhūtapubbāhaṃ, bhante, rattandhakāratimisāyaṃ piṇḍāya carāmi. Addasā kho maṃ, bhante, aññatarā itthī vijjantarikāya bhājanaṃ dhovantī. Disvā maṃ bhītā vissaramakāsi – ‘abhumme 13 pisāco vata ma’nti! Evaṃ vutte, ahaṃ, bhante, taṃ itthiṃ etadavocaṃ – ‘nāhaṃ, bhagini, pisāco; bhikkhu piṇḍāya ṭhito’ti. ‘Bhikkhussa ātumārī, bhikkhussa mātumārī 14! Varaṃ te, bhikkhu, tiṇhena govikantanena kucchi parikanto, na tveva varaṃ yaṃ 15 rattandhakāratimisāyaṃ kucchihetu piṇḍāya carasī’ti 16. Tassa mayhaṃ, bhante, tadanussarato evaṃ hoti – ‘bahūnaṃ vata no bhagavā dukkhadhammānaṃ apahattā, bahūnaṃ vata no bhagavā sukhadhammānaṃ upahattā; bahūnaṃ vata no bhagavā akusalānaṃ dhammānaṃ apahattā, bahūnaṃ vata no bhagavā kusalānaṃ dhammānaṃ upahattā’’’ti.
150. ‘‘звамзва бануд̣̇ааяи, ид̇хзгажжз могхабурисаа ‘ид̣̇ам̣ баж̇ахат̇аа’д̇и маяаа вужжамаанаа д̇з звамаахам̣су – ‘гим̣ банимасса аббамад̇д̇агасса орамад̇д̇агасса ад̇хисалликад̇звааяам̣ саман̣о’д̇и. д̇з д̇ан̃жзва наббаж̇аханд̇и, маяи жа аббажжаяам̣ убадтаабзнд̇и. яз жа бхигкуу сигкаагаамаа д̇зсам̣ д̇ам̣, уд̣̇ааяи, ход̇и б̣алавам̣ б̣анд̇ханам̣, д̣̇ал̣хам̣ б̣анд̇ханам̣, т̇ирам̣ б̣анд̇ханам̣, абууд̇игам̣ б̣анд̇ханам̣, т̇ууло, галин̇г̇аро – сзяяат̇ааби, уд̣̇ааяи, ладугигаа сагун̣игаа бууд̇илад̇ааяа б̣анд̇ханзна б̣ад̣̇д̇хаа д̇ад̇т̇зва вад̇хам̣ ваа б̣анд̇хам̣ ваа маран̣ам̣ ваа ааг̇амзд̇и. яо ну ко, уд̣̇ааяи, звам̣ вад̣̇зяяа – ‘язна саа ладугигаа сагун̣игаа бууд̇илад̇ааяа б̣анд̇ханзна б̣ад̣̇д̇хаа д̇ад̇т̇зва вад̇хам̣ ваа б̣анд̇хам̣ ваа маран̣ам̣ ваа ааг̇амзд̇и, д̇ан̃хи д̇ассаа аб̣алам̣ б̣анд̇ханам̣ , д̣̇уб̣б̣алам̣ б̣анд̇ханам̣, бууд̇игам̣ б̣анд̇ханам̣, асаарагам̣ б̣анд̇хана’нд̇и; саммаа ну ко со, уд̣̇ааяи, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з. язна саа, бханд̇з, ладугигаа сагун̣игаа бууд̇илад̇ааяа б̣анд̇ханзна б̣ад̣̇д̇хаа д̇ад̇т̇зва вад̇хам̣ ваа б̣анд̇хам̣ ваа маран̣ам̣ ваа ааг̇амзд̇и, д̇ан̃хи д̇ассаа б̣алавам̣ б̣анд̇ханам̣, д̣̇ал̣хам̣ б̣анд̇ханам̣, т̇ирам̣ б̣анд̇ханам̣ абууд̇игам̣ б̣анд̇ханам̣, т̇ууло, галин̇г̇аро’’д̇и. ‘‘звамзва ко, уд̣̇ааяи, ид̇хзгажжз могхабурисаа ‘ид̣̇ам̣ баж̇ахат̇аа’д̇и маяаа вужжамаанаа д̇з звамаахам̣су – ‘гим̣ банимасса аббамад̇д̇агасса орамад̇д̇агасса ад̇хисалликад̇звааяам̣ саман̣о’д̇и? д̇з д̇ан̃жзва наббаж̇аханд̇и, маяи жа аббажжаяам̣ убадтаабзнд̇и. яз жа бхигкуу сигкаагаамаа д̇зсам̣ д̇ам̣, уд̣̇ааяи, ход̇и б̣алавам̣ б̣анд̇ханам̣, д̣̇ал̣хам̣ б̣анд̇ханам̣, т̇ирам̣ б̣анд̇ханам̣, абууд̇игам̣ б̣анд̇ханам̣, т̇ууло, галин̇г̇аро’’.
150. ‘‘Evameva panudāyi, idhekacce moghapurisā ‘idaṃ pajahathā’ti mayā vuccamānā te evamāhaṃsu – ‘kiṃ panimassa appamattakassa oramattakassa adhisallikhatevāyaṃ samaṇo’ti. Te tañceva nappajahanti, mayi ca appaccayaṃ upaṭṭhāpenti. Ye ca bhikkhū sikkhākāmā tesaṃ taṃ, udāyi, hoti balavaṃ bandhanaṃ, daḷhaṃ bandhanaṃ, thiraṃ bandhanaṃ, apūtikaṃ bandhanaṃ, thūlo, kaliṅgaro – seyyathāpi, udāyi, laṭukikā sakuṇikā pūtilatāya bandhanena baddhā tattheva vadhaṃ vā bandhaṃ vā maraṇaṃ vā āgameti. Yo nu kho, udāyi, evaṃ vadeyya – ‘yena sā laṭukikā sakuṇikā pūtilatāya bandhanena baddhā tattheva vadhaṃ vā bandhaṃ vā maraṇaṃ vā āgameti, tañhi tassā abalaṃ bandhanaṃ , dubbalaṃ bandhanaṃ, pūtikaṃ bandhanaṃ, asārakaṃ bandhana’nti; sammā nu kho so, udāyi, vadamāno vadeyyā’’ti? ‘‘No hetaṃ, bhante. Yena sā, bhante, laṭukikā sakuṇikā pūtilatāya bandhanena baddhā tattheva vadhaṃ vā bandhaṃ vā maraṇaṃ vā āgameti, tañhi tassā balavaṃ bandhanaṃ, daḷhaṃ bandhanaṃ, thiraṃ bandhanaṃ apūtikaṃ bandhanaṃ, thūlo, kaliṅgaro’’ti. ‘‘Evameva kho, udāyi, idhekacce moghapurisā ‘idaṃ pajahathā’ti mayā vuccamānā te evamāhaṃsu – ‘kiṃ panimassa appamattakassa oramattakassa adhisallikhatevāyaṃ samaṇo’ti? Te tañceva nappajahanti, mayi ca appaccayaṃ upaṭṭhāpenti. Ye ca bhikkhū sikkhākāmā tesaṃ taṃ, udāyi, hoti balavaṃ bandhanaṃ, daḷhaṃ bandhanaṃ, thiraṃ bandhanaṃ, apūtikaṃ bandhanaṃ, thūlo, kaliṅgaro’’.
151. ‘‘ид̇ха бануд̣̇ааяи, згажжз гулабуд̇д̇аа ‘ид̣̇ам̣ баж̇ахат̇аа’д̇и маяаа вужжамаанаа д̇з звамаахам̣су – ‘гим̣ банимасса аббамад̇д̇агасса орамад̇д̇агасса бахаад̇аб̣б̣асса яасса но бхаг̇аваа бахаанамааха, яасса но суг̇ад̇о бадиниссаг̇г̇амаахаа’д̇и? д̇з д̇ан̃жзва баж̇аханд̇и, маяи жа на аббажжаяам̣ убадтаабзнд̇и. яз жа бхигкуу сигкаагаамаа д̇з д̇ам̣ бахааяа аббоссуггаа банналомаа барад̣̇ад̇д̇авуд̇д̇аа 17 миг̇абхууд̇зна жзд̇асаа вихаранд̇и. д̇зсам̣ д̇ам̣, уд̣̇ааяи, ход̇и аб̣алам̣ б̣анд̇ханам̣, д̣̇уб̣б̣алам̣ б̣анд̇ханам̣, бууд̇игам̣ б̣анд̇ханам̣, асаарагам̣ б̣анд̇ханам̣ – сзяяат̇ааби, уд̣̇ааяи, ран̃н̃о нааг̇о ийсаад̣̇анд̇о уруул̣хаваа абхиж̇аад̇о сан̇г̇аамааважаро д̣̇ал̣хзхи варад̇д̇зхи б̣анд̇ханзхи б̣ад̣̇д̇хо ийсагам̣язва гааяам̣ саннаамзд̇ваа д̇аани б̣анд̇ханаани сам̣чинд̣̇ид̇ваа сам̣бад̣̇аалзд̇ваа язна гаамам̣ баггамад̇и. яо ну ко, уд̣̇ааяи, звам̣ вад̣̇зяяа – ‘язхи со ран̃н̃о нааг̇о ийсаад̣̇анд̇о уруул̣хаваа абхиж̇аад̇о сан̇г̇аамааважаро д̣̇ал̣хзхи варад̇д̇зхи б̣анд̇ханзхи б̣ад̣̇д̇хо ийсагам̣язва гааяам̣ саннаамзд̇ваа д̇аани б̣анд̇ханаани сам̣чинд̣̇ид̇ваа сам̣бад̣̇аалзд̇ваа язна гаамам̣ баггамад̇и, д̇ан̃хи д̇асса б̣алавам̣ б̣анд̇ханам̣, д̣̇ал̣хам̣ б̣анд̇ханам̣, т̇ирам̣ б̣анд̇ханам̣, абууд̇игам̣ б̣анд̇ханам̣, т̇ууло, галин̇г̇аро’д̇и; саммаа ну ко со, уд̣̇ааяи, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з. язхи со, бханд̇з, ран̃н̃о нааг̇о ийсаад̣̇анд̇о уруул̣хаваа абхиж̇аад̇о сан̇г̇аамааважаро д̣̇ал̣хзхи варад̇д̇зхи б̣анд̇ханзхи б̣ад̣̇д̇хо ийсагам̣язва гааяам̣ саннаамзд̇ваа д̇аани б̣анд̇ханаани сам̣чинд̣̇ид̇ваа сам̣бад̣̇аалзд̇ваа язна гаамам̣ баггамад̇и, д̇ан̃хи д̇асса аб̣алам̣ б̣анд̇ханам̣…бз… асаарагам̣ б̣анд̇хана’’нд̇и. ‘‘звамзва ко, уд̣̇ааяи, ид̇хзгажжз гулабуд̇д̇аа ‘ид̣̇ам̣ баж̇ахат̇аа’д̇и маяаа вужжамаанаа д̇з звамаахам̣су – ‘гим̣ банимасса аббамад̇д̇агасса орамад̇д̇агасса бахаад̇аб̣б̣асса яасса но бхаг̇аваа бахаанамааха, яасса но суг̇ад̇о бадиниссаг̇г̇амаахаа’д̇и? д̇з д̇ан̃жзва баж̇аханд̇и, маяи жа на аббажжаяам̣ убадтаабзнд̇и. яз жа бхигкуу сигкаагаамаа д̇з д̇ам̣ бахааяа аббоссуггаа банналомаа барад̣̇ад̇д̇авуд̇д̇аа миг̇абхууд̇зна жзд̇асаа вихаранд̇и. д̇зсам̣ д̇ам̣, уд̣̇ааяи, ход̇и аб̣алам̣ б̣анд̇ханам̣, д̣̇уб̣б̣алам̣ б̣анд̇ханам̣, бууд̇игам̣ б̣анд̇ханам̣, асаарагам̣ б̣анд̇ханам̣’’.
151. ‘‘Idha panudāyi, ekacce kulaputtā ‘idaṃ pajahathā’ti mayā vuccamānā te evamāhaṃsu – ‘kiṃ panimassa appamattakassa oramattakassa pahātabbassa yassa no bhagavā pahānamāha, yassa no sugato paṭinissaggamāhā’ti? Te tañceva pajahanti, mayi ca na appaccayaṃ upaṭṭhāpenti. Ye ca bhikkhū sikkhākāmā te taṃ pahāya appossukkā pannalomā paradattavuttā 18 migabhūtena cetasā viharanti. Tesaṃ taṃ, udāyi, hoti abalaṃ bandhanaṃ, dubbalaṃ bandhanaṃ, pūtikaṃ bandhanaṃ, asārakaṃ bandhanaṃ – seyyathāpi, udāyi, rañño nāgo īsādanto urūḷhavā abhijāto saṅgāmāvacaro daḷhehi varattehi bandhanehi baddho īsakaṃyeva kāyaṃ sannāmetvā tāni bandhanāni saṃchinditvā saṃpadāletvā yena kāmaṃ pakkamati. Yo nu kho, udāyi, evaṃ vadeyya – ‘yehi so rañño nāgo īsādanto urūḷhavā abhijāto saṅgāmāvacaro daḷhehi varattehi bandhanehi baddho īsakaṃyeva kāyaṃ sannāmetvā tāni bandhanāni saṃchinditvā saṃpadāletvā yena kāmaṃ pakkamati, tañhi tassa balavaṃ bandhanaṃ, daḷhaṃ bandhanaṃ, thiraṃ bandhanaṃ, apūtikaṃ bandhanaṃ, thūlo, kaliṅgaro’ti; sammā nu kho so, udāyi, vadamāno vadeyyā’’ti? ‘‘No hetaṃ, bhante. Yehi so, bhante, rañño nāgo īsādanto urūḷhavā abhijāto saṅgāmāvacaro daḷhehi varattehi bandhanehi baddho īsakaṃyeva kāyaṃ sannāmetvā tāni bandhanāni saṃchinditvā saṃpadāletvā yena kāmaṃ pakkamati, tañhi tassa abalaṃ bandhanaṃ…pe… asārakaṃ bandhana’’nti. ‘‘Evameva kho, udāyi, idhekacce kulaputtā ‘idaṃ pajahathā’ti mayā vuccamānā te evamāhaṃsu – ‘kiṃ panimassa appamattakassa oramattakassa pahātabbassa yassa no bhagavā pahānamāha, yassa no sugato paṭinissaggamāhā’ti? Te tañceva pajahanti, mayi ca na appaccayaṃ upaṭṭhāpenti. Ye ca bhikkhū sikkhākāmā te taṃ pahāya appossukkā pannalomā paradattavuttā migabhūtena cetasā viharanti. Tesaṃ taṃ, udāyi, hoti abalaṃ bandhanaṃ, dubbalaṃ bandhanaṃ, pūtikaṃ bandhanaṃ, asārakaṃ bandhanaṃ’’.
152. ‘‘сзяяат̇ааби, уд̣̇ааяи, бурисо д̣̇алид̣̇д̣̇о ассаго анаал̣хияо; д̇асса’сса згам̣ аг̇аарагам̣ олуг̇г̇авилуг̇г̇ам̣ гаагаад̇ид̣̇ааяим̣ 19 набарамаруубам̣, згаа кадобигаа 20 олуг̇г̇авилуг̇г̇аа набарамаруубаа, згиссаа гумбхияаа д̇хан̃н̃асамаваабагам̣ набарамаруубам̣, згаа ж̇ааяигаа набарамаруубаа. со аараамаг̇ад̇ам̣ бхигкум̣ бассзяяа суд̇ход̇ахад̇т̇абаад̣̇ам̣ манун̃н̃ам̣ бхож̇анам̣ бхуд̇д̇аавим̣ сийд̇ааяа чааяааяа нисиннам̣ ад̇хижид̇д̇з яуд̇д̇ам̣. д̇асса звамасса – ‘сукам̣ вад̇а, бхо, сааман̃н̃ам̣, аарог̇яам̣ вад̇а, бхо, сааман̃н̃ам̣! со вад̇ассам̣ 21 яохам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со на саггун̣зяяа згам̣ аг̇аарагам̣ олуг̇г̇авилуг̇г̇ам̣ гаагаад̇ид̣̇ааяим̣ набарамаруубам̣ бахааяа, згам̣ кадобигам̣ олуг̇г̇авилуг̇г̇ам̣ набарамаруубам̣ бахааяа, згиссаа гумбхияаа д̇хан̃н̃асамаваабагам̣ набарамаруубам̣ бахааяа, згам̣ ж̇ааяигам̣ набарамаруубам̣ бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ум̣. яо ну ко, уд̣̇ааяи, звам̣ вад̣̇зяяа – ‘язхи со бурисо б̣анд̇ханзхи б̣ад̣̇д̇хо на саггод̇и згам̣ аг̇аарагам̣ олуг̇г̇авилуг̇г̇ам̣ гаагаад̇ид̣̇ааяим̣ набарамаруубам̣ бахааяа, згам̣ кадобигам̣ олуг̇г̇авилуг̇г̇ам̣ набарамаруубам̣ бахааяа, згиссаа гумбхияаа д̇хан̃н̃асамаваабагам̣ набарамаруубам̣ бахааяа, згам̣ ж̇ааяигам̣ набарамаруубам̣ бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ум̣; д̇ан̃хи д̇асса аб̣алам̣ б̣анд̇ханам̣, д̣̇уб̣б̣алам̣ б̣анд̇ханам̣, бууд̇игам̣ б̣анд̇ханам̣, асаарагам̣ б̣анд̇хана’нд̇и; саммаа ну ко со, уд̣̇ааяи, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з. язхи со, бханд̇з, бурисо б̣анд̇ханзхи б̣ад̣̇д̇хо, на саггод̇и згам̣ аг̇аарагам̣ олуг̇г̇авилуг̇г̇ам̣ гаагаад̇ид̣̇ааяим̣ набарамаруубам̣ бахааяа, згам̣ кадобигам̣ олуг̇г̇авилуг̇г̇ам̣ набарамаруубам̣ бахааяа, згиссаа гумбхияаа д̇хан̃н̃асамаваабагам̣ набарамаруубам̣ бахааяа, згам̣ ж̇ааяигам̣ набарамаруубам̣ бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ум̣; д̇ан̃хи д̇асса б̣алавам̣ б̣анд̇ханам̣, д̣̇ал̣хам̣ б̣анд̇ханам̣, т̇ирам̣ б̣анд̇ханам̣, абууд̇игам̣ б̣анд̇ханам̣, т̇ууло, галин̇г̇аро’’д̇и. ‘‘звамзва ко, уд̣̇ааяи, ид̇хзгажжз могхабурисаа ‘ид̣̇ам̣ баж̇ахат̇аа’д̇и маяаа вужжамаанаа д̇з звамаахам̣су – ‘гим̣ банимасса аббамад̇д̇агасса орамад̇д̇агасса ад̇хисалликад̇звааяам̣ саман̣о’д̇и? д̇з д̇ан̃жзва наббаж̇аханд̇и, маяи жа аббажжаяам̣ убадтаабзнд̇и. яз жа бхигкуу сигкаагаамаа д̇зсам̣ д̇ам̣, уд̣̇ааяи, ход̇и б̣алавам̣ б̣анд̇ханам̣, д̣̇ал̣хам̣ б̣анд̇ханам̣, т̇ирам̣ б̣анд̇ханам̣, абууд̇игам̣ б̣анд̇ханам̣, т̇ууло, галин̇г̇аро’’.
152. ‘‘Seyyathāpi, udāyi, puriso daliddo assako anāḷhiyo; tassa’ssa ekaṃ agārakaṃ oluggaviluggaṃ kākātidāyiṃ 22 naparamarūpaṃ, ekā khaṭopikā 23 oluggaviluggā naparamarūpā, ekissā kumbhiyā dhaññasamavāpakaṃ naparamarūpaṃ, ekā jāyikā naparamarūpā. So ārāmagataṃ bhikkhuṃ passeyya sudhotahatthapādaṃ manuññaṃ bhojanaṃ bhuttāviṃ sītāya chāyāya nisinnaṃ adhicitte yuttaṃ. Tassa evamassa – ‘sukhaṃ vata, bho, sāmaññaṃ, ārogyaṃ vata, bho, sāmaññaṃ! So vatassaṃ 24 yohaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’nti. So na sakkuṇeyya ekaṃ agārakaṃ oluggaviluggaṃ kākātidāyiṃ naparamarūpaṃ pahāya, ekaṃ khaṭopikaṃ oluggaviluggaṃ naparamarūpaṃ pahāya, ekissā kumbhiyā dhaññasamavāpakaṃ naparamarūpaṃ pahāya, ekaṃ jāyikaṃ naparamarūpaṃ pahāya kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajituṃ. Yo nu kho, udāyi, evaṃ vadeyya – ‘yehi so puriso bandhanehi baddho na sakkoti ekaṃ agārakaṃ oluggaviluggaṃ kākātidāyiṃ naparamarūpaṃ pahāya, ekaṃ khaṭopikaṃ oluggaviluggaṃ naparamarūpaṃ pahāya, ekissā kumbhiyā dhaññasamavāpakaṃ naparamarūpaṃ pahāya, ekaṃ jāyikaṃ naparamarūpaṃ pahāya kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajituṃ; tañhi tassa abalaṃ bandhanaṃ, dubbalaṃ bandhanaṃ, pūtikaṃ bandhanaṃ, asārakaṃ bandhana’nti; sammā nu kho so, udāyi, vadamāno vadeyyā’’ti? ‘‘No hetaṃ, bhante. Yehi so, bhante, puriso bandhanehi baddho, na sakkoti ekaṃ agārakaṃ oluggaviluggaṃ kākātidāyiṃ naparamarūpaṃ pahāya, ekaṃ khaṭopikaṃ oluggaviluggaṃ naparamarūpaṃ pahāya, ekissā kumbhiyā dhaññasamavāpakaṃ naparamarūpaṃ pahāya, ekaṃ jāyikaṃ naparamarūpaṃ pahāya kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajituṃ; tañhi tassa balavaṃ bandhanaṃ, daḷhaṃ bandhanaṃ, thiraṃ bandhanaṃ, apūtikaṃ bandhanaṃ, thūlo, kaliṅgaro’’ti. ‘‘Evameva kho, udāyi, idhekacce moghapurisā ‘idaṃ pajahathā’ti mayā vuccamānā te evamāhaṃsu – ‘kiṃ panimassa appamattakassa oramattakassa adhisallikhatevāyaṃ samaṇo’ti? Te tañceva nappajahanti, mayi ca appaccayaṃ upaṭṭhāpenti. Ye ca bhikkhū sikkhākāmā tesaṃ taṃ, udāyi, hoti balavaṃ bandhanaṃ, daḷhaṃ bandhanaṃ, thiraṃ bandhanaṃ, apūtikaṃ bandhanaṃ, thūlo, kaliṅgaro’’.
153. ‘‘сзяяат̇ааби , уд̣̇ааяи, г̇ахабад̇и ваа г̇ахабад̇ибуд̇д̇о ваа ад̣дхо махад̣̇д̇хано махаабхог̇о, нзгаанам̣ нигкаг̇ан̣аанам̣ жаяо, нзгаанам̣ д̇хан̃н̃аг̇ан̣аанам̣ жаяо, нзгаанам̣ кзд̇д̇аг̇ан̣аанам̣ жаяо, нзгаанам̣ вад̇т̇уг̇ан̣аанам̣ жаяо, нзгаанам̣ бхарияаг̇ан̣аанам̣ жаяо, нзгаанам̣ д̣̇аасаг̇ан̣аанам̣ жаяо, нзгаанам̣ д̣̇аасиг̇ан̣аанам̣ жаяо; со аараамаг̇ад̇ам̣ бхигкум̣ бассзяяа суд̇ход̇ахад̇т̇абаад̣̇ам̣ манун̃н̃ам̣ бхож̇анам̣ бхуд̇д̇аавим̣ сийд̇ааяа чааяааяа нисиннам̣ ад̇хижид̇д̇з яуд̇д̇ам̣. д̇асса звамасса – ‘сукам̣ вад̇а, бхо, сааман̃н̃ам̣, аарог̇яам̣ вад̇а, бхо, сааман̃н̃ам̣! со вад̇ассам̣ яохам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со саггун̣зяяа нзгаани нигкаг̇ан̣аани бахааяа, нзгаани д̇хан̃н̃аг̇ан̣аани бахааяа, нзгаани кзд̇д̇аг̇ан̣аани бахааяа, нзгаани вад̇т̇уг̇ан̣аани бахааяа, нзгаани бхарияаг̇ан̣аани бахааяа, нзгаани д̣̇аасаг̇ан̣аани бахааяа, нзгаани д̣̇аасиг̇ан̣аани бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ум̣. яо ну ко, уд̣̇ааяи, звам̣ вад̣̇зяяа – ‘язхи со г̇ахабад̇и ваа г̇ахабад̇ибуд̇д̇о ваа б̣анд̇ханзхи б̣ад̣̇д̇хо, саггод̇и нзгаани нигкаг̇ан̣аани бахааяа, нзгаани д̇хан̃н̃аг̇ан̣аани бахааяа, нзгаани кзд̇д̇аг̇ан̣аани бахааяа, нзгаани вад̇т̇уг̇ан̣аани бахааяа, нзгаани бхарияаг̇ан̣аани бахааяа, нзгаани д̣̇аасаг̇ан̣аани бахааяа, нзгаани д̣̇аасиг̇ан̣аани бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ум̣, д̇ан̃хи д̇асса б̣алавам̣ б̣анд̇ханам̣, д̣̇ал̣хам̣ б̣анд̇ханам̣, т̇ирам̣ б̣анд̇ханам̣, абууд̇игам̣ б̣анд̇ханам̣, т̇ууло, галин̇г̇аро’д̇и; саммаа ну ко со, уд̣̇ааяи, вад̣̇амаано вад̣̇зяяаа’’д̇и? ‘‘но хзд̇ам̣, бханд̇з. язхи со, бханд̇з, г̇ахабад̇и ваа г̇ахабад̇ибуд̇д̇о ваа б̣анд̇ханзхи б̣ад̣̇д̇хо, саггод̇и нзгаани нигкаг̇ан̣аани бахааяа, нзгаани д̇хан̃н̃аг̇ан̣аани бахааяа, нзгаани кзд̇д̇аг̇ан̣аани бахааяа, нзгаани вад̇т̇уг̇ан̣аани бахааяа, нзгаани бхарияаг̇ан̣аани бахааяа, нзгаани д̣̇аасаг̇ан̣аани бахааяа, нзгаани д̣̇аасиг̇ан̣аани бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ум̣; д̇ан̃хи д̇асса аб̣алам̣ б̣анд̇ханам̣, д̣̇уб̣б̣алам̣ б̣анд̇ханам̣, бууд̇игам̣ б̣анд̇ханам̣, асаарагам̣ б̣анд̇хана’’нд̇и. ‘‘звамзва ко, уд̣̇ааяи, ид̇хзгажжз гулабуд̇д̇аа ‘ид̣̇ам̣ баж̇ахат̇аа’д̇и маяаа вужжамаанаа д̇з звамаахам̣су – ‘гим̣ банимасса аббамад̇д̇агасса орамад̇д̇агасса бахаад̇аб̣б̣асса яасса но бхаг̇аваа бахаанамааха яасса, но суг̇ад̇о бадиниссаг̇г̇амаахаа’д̇и? д̇з д̇ан̃жзва баж̇аханд̇и, маяи жа на аббажжаяам̣ убадтаабзнд̇и. яз жа бхигкуу сигкаагаамаа д̇з д̇ам̣ бахааяа аббоссуггаа банналомаа барад̣̇ад̇д̇авуд̇д̇аа миг̇абхууд̇зна жзд̇асаа вихаранд̇и. д̇зсам̣ д̇ам̣, уд̣̇ааяи, ход̇и аб̣алам̣ б̣анд̇ханам̣, д̣̇уб̣б̣алам̣ б̣анд̇ханам̣, бууд̇игам̣ б̣анд̇ханам̣, асаарагам̣ б̣анд̇ханам̣’’.
153. ‘‘Seyyathāpi , udāyi, gahapati vā gahapatiputto vā aḍḍho mahaddhano mahābhogo, nekānaṃ nikkhagaṇānaṃ cayo, nekānaṃ dhaññagaṇānaṃ cayo, nekānaṃ khettagaṇānaṃ cayo, nekānaṃ vatthugaṇānaṃ cayo, nekānaṃ bhariyagaṇānaṃ cayo, nekānaṃ dāsagaṇānaṃ cayo, nekānaṃ dāsigaṇānaṃ cayo; so ārāmagataṃ bhikkhuṃ passeyya sudhotahatthapādaṃ manuññaṃ bhojanaṃ bhuttāviṃ sītāya chāyāya nisinnaṃ adhicitte yuttaṃ. Tassa evamassa – ‘sukhaṃ vata, bho, sāmaññaṃ, ārogyaṃ vata, bho, sāmaññaṃ! So vatassaṃ yohaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’nti. So sakkuṇeyya nekāni nikkhagaṇāni pahāya, nekāni dhaññagaṇāni pahāya, nekāni khettagaṇāni pahāya, nekāni vatthugaṇāni pahāya, nekāni bhariyagaṇāni pahāya, nekāni dāsagaṇāni pahāya, nekāni dāsigaṇāni pahāya kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajituṃ. Yo nu kho, udāyi, evaṃ vadeyya – ‘yehi so gahapati vā gahapatiputto vā bandhanehi baddho, sakkoti nekāni nikkhagaṇāni pahāya, nekāni dhaññagaṇāni pahāya, nekāni khettagaṇāni pahāya, nekāni vatthugaṇāni pahāya, nekāni bhariyagaṇāni pahāya, nekāni dāsagaṇāni pahāya, nekāni dāsigaṇāni pahāya kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajituṃ, tañhi tassa balavaṃ bandhanaṃ, daḷhaṃ bandhanaṃ, thiraṃ bandhanaṃ, apūtikaṃ bandhanaṃ, thūlo, kaliṅgaro’ti; sammā nu kho so, udāyi, vadamāno vadeyyā’’ti? ‘‘No hetaṃ, bhante. Yehi so, bhante, gahapati vā gahapatiputto vā bandhanehi baddho, sakkoti nekāni nikkhagaṇāni pahāya, nekāni dhaññagaṇāni pahāya, nekāni khettagaṇāni pahāya, nekāni vatthugaṇāni pahāya, nekāni bhariyagaṇāni pahāya, nekāni dāsagaṇāni pahāya, nekāni dāsigaṇāni pahāya kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajituṃ; tañhi tassa abalaṃ bandhanaṃ, dubbalaṃ bandhanaṃ, pūtikaṃ bandhanaṃ, asārakaṃ bandhana’’nti. ‘‘Evameva kho, udāyi, idhekacce kulaputtā ‘idaṃ pajahathā’ti mayā vuccamānā te evamāhaṃsu – ‘kiṃ panimassa appamattakassa oramattakassa pahātabbassa yassa no bhagavā pahānamāha yassa, no sugato paṭinissaggamāhā’ti? Te tañceva pajahanti, mayi ca na appaccayaṃ upaṭṭhāpenti. Ye ca bhikkhū sikkhākāmā te taṃ pahāya appossukkā pannalomā paradattavuttā migabhūtena cetasā viharanti. Tesaṃ taṃ, udāyi, hoti abalaṃ bandhanaṃ, dubbalaṃ bandhanaṃ, pūtikaṃ bandhanaṃ, asārakaṃ bandhanaṃ’’.
154. ‘‘жад̇д̇ааромз , уд̣̇ааяи, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? ид̇худ̣̇ааяи, згажжо буг̇г̇ало убад̇хибахаанааяа бадибанно ход̇и убад̇хибадиниссаг̇г̇ааяа. д̇амзнам̣ убад̇хибахаанааяа бадибаннам̣ убад̇хибадиниссаг̇г̇ааяа убад̇хибадисам̣яуд̇д̇аа сарасан̇габбаа самуд̣̇аажаранд̇и. со д̇з ад̇хиваасзд̇и, наббаж̇ахад̇и, на винод̣̇зд̇и, на б̣яанд̇ийгарод̇и, на анабхаавам̣ г̇амзд̇и. имам̣ ко ахам̣, уд̣̇ааяи, буг̇г̇алам̣ ‘сам̣яуд̇д̇о’д̇и вад̣̇аами но ‘висам̣яуд̇д̇о’. д̇ам̣ гисса хзд̇у? инд̣̇рияавзмад̇д̇ад̇аа хи мз, уд̣̇ааяи, имасмим̣ буг̇г̇алз вид̣̇ид̇аа.
154. ‘‘Cattārome , udāyi, puggalā santo saṃvijjamānā lokasmiṃ. Katame cattāro? Idhudāyi, ekacco puggalo upadhipahānāya paṭipanno hoti upadhipaṭinissaggāya. Tamenaṃ upadhipahānāya paṭipannaṃ upadhipaṭinissaggāya upadhipaṭisaṃyuttā sarasaṅkappā samudācaranti. So te adhivāseti, nappajahati, na vinodeti, na byantīkaroti, na anabhāvaṃ gameti. Imaṃ kho ahaṃ, udāyi, puggalaṃ ‘saṃyutto’ti vadāmi no ‘visaṃyutto’. Taṃ kissa hetu? Indriyavemattatā hi me, udāyi, imasmiṃ puggale viditā.
‘‘ид̇ха бануд̣̇ааяи, згажжо буг̇г̇ало убад̇хибахаанааяа бадибанно ход̇и убад̇хибадиниссаг̇г̇ааяа. д̇амзнам̣ убад̇хибахаанааяа бадибаннам̣ убад̇хибадиниссаг̇г̇ааяа убад̇хибадисам̣яуд̇д̇аа сарасан̇габбаа самуд̣̇аажаранд̇и. со д̇з наад̇хиваасзд̇и, баж̇ахад̇и, винод̣̇зд̇и, б̣яанд̇ийгарод̇и, анабхаавам̣ г̇амзд̇и. имамби ко ахам̣, уд̣̇ааяи , буг̇г̇алам̣ ‘сам̣яуд̇д̇о’д̇и вад̣̇аами но ‘висам̣яуд̇д̇о’. д̇ам̣ гисса хзд̇у? инд̣̇рияавзмад̇д̇ад̇аа хи мз, уд̣̇ааяи, имасмим̣ буг̇г̇алз вид̣̇ид̇аа.
‘‘Idha panudāyi, ekacco puggalo upadhipahānāya paṭipanno hoti upadhipaṭinissaggāya. Tamenaṃ upadhipahānāya paṭipannaṃ upadhipaṭinissaggāya upadhipaṭisaṃyuttā sarasaṅkappā samudācaranti. So te nādhivāseti, pajahati, vinodeti, byantīkaroti, anabhāvaṃ gameti. Imampi kho ahaṃ, udāyi , puggalaṃ ‘saṃyutto’ti vadāmi no ‘visaṃyutto’. Taṃ kissa hetu? Indriyavemattatā hi me, udāyi, imasmiṃ puggale viditā.
‘‘ид̇ха бануд̣̇ааяи, згажжо буг̇г̇ало убад̇хибахаанааяа бадибанно ход̇и убад̇хибадиниссаг̇г̇ааяа. д̇амзнам̣ убад̇хибахаанааяа бадибаннам̣ убад̇хибадиниссаг̇г̇ааяа гад̣̇аажи гарахажи сад̇исаммосаа убад̇хибадисам̣яуд̇д̇аа сарасан̇габбаа самуд̣̇аажаранд̇и; д̣̇анд̇хо, уд̣̇ааяи, сад̇уббаад̣̇о. ат̇а ко нам̣ киббамзва баж̇ахад̇и, винод̣̇зд̇и, б̣яанд̇ийгарод̇и, анабхаавам̣ г̇амзд̇и. сзяяат̇ааби, уд̣̇ааяи, бурисо д̣̇ивасам̣санд̇ад̇д̇з 25 аяогадаахз д̣̇вз ваа д̇ийн̣и ваа уд̣̇агапусид̇аани нибаад̇зяяа; д̣̇анд̇хо, уд̣̇ааяи, уд̣̇агапусид̇аанам̣ нибаад̇о. ат̇а ко нам̣ киббамзва баригкаяам̣ барияаад̣̇аанам̣ г̇ажчзяяа. звамзва ко, уд̣̇ааяи, ид̇хзгажжо буг̇г̇ало убад̇хибахаанааяа бадибанно ход̇и убад̇хибадиниссаг̇г̇ааяа. д̇амзнам̣ убад̇хибахаанааяа бадибаннам̣ убад̇хибадиниссаг̇г̇ааяа гад̣̇аажи гарахажи сад̇исаммосаа убад̇хибадисам̣яуд̇д̇аа сарасан̇габбаа самуд̣̇аажаранд̇и; д̣̇анд̇хо, уд̣̇ааяи, сад̇уббаад̣̇о. ат̇а ко нам̣ киббамзва баж̇ахад̇и, винод̣̇зд̇и, б̣яанд̇ийгарод̇и, анабхаавам̣ г̇амзд̇и. имамби ко ахам̣, уд̣̇ааяи, буг̇г̇алам̣ ‘сам̣яуд̇д̇о’д̇и вад̣̇аами но ‘висам̣яуд̇д̇о’. д̇ам̣ гисса хзд̇у? инд̣̇рияавзмад̇д̇ад̇аа хи мз, уд̣̇ааяи, имасмим̣ буг̇г̇алз вид̣̇ид̇аа.
‘‘Idha panudāyi, ekacco puggalo upadhipahānāya paṭipanno hoti upadhipaṭinissaggāya. Tamenaṃ upadhipahānāya paṭipannaṃ upadhipaṭinissaggāya kadāci karahaci satisammosā upadhipaṭisaṃyuttā sarasaṅkappā samudācaranti; dandho, udāyi, satuppādo. Atha kho naṃ khippameva pajahati, vinodeti, byantīkaroti, anabhāvaṃ gameti. Seyyathāpi, udāyi, puriso divasaṃsantatte 26 ayokaṭāhe dve vā tīṇi vā udakaphusitāni nipāteyya; dandho, udāyi, udakaphusitānaṃ nipāto. Atha kho naṃ khippameva parikkhayaṃ pariyādānaṃ gaccheyya. Evameva kho, udāyi, idhekacco puggalo upadhipahānāya paṭipanno hoti upadhipaṭinissaggāya. Tamenaṃ upadhipahānāya paṭipannaṃ upadhipaṭinissaggāya kadāci karahaci satisammosā upadhipaṭisaṃyuttā sarasaṅkappā samudācaranti; dandho, udāyi, satuppādo. Atha kho naṃ khippameva pajahati, vinodeti, byantīkaroti, anabhāvaṃ gameti. Imampi kho ahaṃ, udāyi, puggalaṃ ‘saṃyutto’ti vadāmi no ‘visaṃyutto’. Taṃ kissa hetu? Indriyavemattatā hi me, udāyi, imasmiṃ puggale viditā.
‘‘ид̇ха бануд̣̇ааяи, згажжо буг̇г̇ало ‘убад̇хи д̣̇угкасса муула’нд̇и – ид̇и вид̣̇ид̇ваа нирубад̇хи ход̇и, убад̇хисан̇каяз вимуд̇д̇о. имам̣ ко ахам̣, уд̣̇ааяи, буг̇г̇алам̣ ‘висам̣яуд̇д̇о’д̇и вад̣̇аами но ‘сам̣яуд̇д̇о’д̇и . д̇ам̣ гисса хзд̇у? инд̣̇рияавзмад̇д̇ад̇аа хи мз, уд̣̇ааяи, имасмим̣ буг̇г̇алз вид̣̇ид̇аа. имз ко, уд̣̇ааяи, жад̇д̇ааро буг̇г̇алаа санд̇о сам̣виж̇ж̇амаанаа логасмим̣.
‘‘Idha panudāyi, ekacco puggalo ‘upadhi dukkhassa mūla’nti – iti viditvā nirupadhi hoti, upadhisaṅkhaye vimutto. Imaṃ kho ahaṃ, udāyi, puggalaṃ ‘visaṃyutto’ti vadāmi no ‘saṃyutto’ti . Taṃ kissa hetu? Indriyavemattatā hi me, udāyi, imasmiṃ puggale viditā. Ime kho, udāyi, cattāro puggalā santo saṃvijjamānā lokasmiṃ.
155. ‘‘бан̃жа ко имз, уд̣̇ааяи, гаамаг̇ун̣аа. гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа. имз ко, уд̣̇ааяи, бан̃жа гаамаг̇ун̣аа. яам̣ ко, уд̣̇ааяи, имз бан̃жа гаамаг̇ун̣з бадижжа уббаж̇ж̇ад̇и сукам̣ соманассам̣ ид̣̇ам̣ вужжад̇и гаамасукам̣ мил̣хасукам̣ 27 бут̇уж̇ж̇анасукам̣ анарияасукам̣, на сзвид̇аб̣б̣ам̣, на бхаавзд̇аб̣б̣ам̣, на б̣ахулийгаад̇аб̣б̣ам̣; ‘бхааяид̇аб̣б̣ам̣ зд̇асса сукассаа’д̇и вад̣̇аами.
155. ‘‘Pañca kho ime, udāyi, kāmaguṇā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Ime kho, udāyi, pañca kāmaguṇā. Yaṃ kho, udāyi, ime pañca kāmaguṇe paṭicca uppajjati sukhaṃ somanassaṃ idaṃ vuccati kāmasukhaṃ miḷhasukhaṃ 28 puthujjanasukhaṃ anariyasukhaṃ, na sevitabbaṃ, na bhāvetabbaṃ, na bahulīkātabbaṃ; ‘bhāyitabbaṃ etassa sukhassā’ti vadāmi.
156. ‘‘ид̇худ̣̇ааяи , бхигку вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и, вид̇аггавижаараанам̣ вуубасамаа… д̣̇уд̇ияам̣ жхаанам̣ убасамбаж̇ж̇а вихарад̇и, бийд̇ияаа жа вирааг̇аа… д̇ад̇ияам̣ жхаанам̣ убасамбаж̇ж̇а вихарад̇и, сукасса жа бахаанаа… жад̇уд̇т̇ам̣ жхаанам̣ убасамбаж̇ж̇а вихарад̇и. ид̣̇ам̣ вужжад̇и нзгкаммасукам̣ бавивзгасукам̣ убасамасукам̣ самб̣од̇хасукам̣, аасзвид̇аб̣б̣ам̣, бхаавзд̇аб̣б̣ам̣, б̣ахулийгаад̇аб̣б̣ам̣; ‘на бхааяид̇аб̣б̣ам̣ зд̇асса сукассаа’д̇и вад̣̇аами.
156. ‘‘Idhudāyi , bhikkhu vivicceva kāmehi…pe… paṭhamaṃ jhānaṃ upasampajja viharati, vitakkavicārānaṃ vūpasamā… dutiyaṃ jhānaṃ upasampajja viharati, pītiyā ca virāgā… tatiyaṃ jhānaṃ upasampajja viharati, sukhassa ca pahānā… catutthaṃ jhānaṃ upasampajja viharati. Idaṃ vuccati nekkhammasukhaṃ pavivekasukhaṃ upasamasukhaṃ sambodhasukhaṃ, āsevitabbaṃ, bhāvetabbaṃ, bahulīkātabbaṃ; ‘na bhāyitabbaṃ etassa sukhassā’ti vadāmi.
‘‘ид̇худ̣̇ааяи, бхигку вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и; ид̣̇ам̣ ко ахам̣, уд̣̇ааяи, ин̃ж̇ид̇асмим̣ вад̣̇аами. гин̃жа д̇ад̇т̇а ин̃ж̇ид̇асмим̣? яад̣̇зва д̇ад̇т̇а вид̇аггавижаараа анируд̣̇д̇хаа хонд̇и ид̣̇ам̣ д̇ад̇т̇а ин̃ж̇ид̇асмим̣. ид̇худ̣̇ааяи, бхигку вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и; ид̣̇амби ко ахам̣, уд̣̇ааяи, ин̃ж̇ид̇асмим̣ вад̣̇аами. гин̃жа д̇ад̇т̇а ин̃ж̇ид̇асмим̣? яад̣̇зва д̇ад̇т̇а бийд̇исукам̣ анируд̣̇д̇хам̣ ход̇и ид̣̇ам̣ д̇ад̇т̇а ин̃ж̇ид̇асмим̣. ид̇худ̣̇ааяи, бхигку бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и; ид̣̇амби ко ахам̣, уд̣̇ааяи, ин̃ж̇ид̇асмим̣ вад̣̇аами. гин̃жа д̇ад̇т̇а ин̃ж̇ид̇асмим̣? яад̣̇зва д̇ад̇т̇а убзгкаасукам̣ анируд̣̇д̇хам̣ ход̇и ид̣̇ам̣ д̇ад̇т̇а ин̃ж̇ид̇асмим̣. ид̇худ̣̇ааяи, бхигку сукасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихарад̇и; ид̣̇ам̣ ко ахам̣, уд̣̇ааяи, анин̃ж̇ид̇асмим̣ вад̣̇аами.
‘‘Idhudāyi, bhikkhu vivicceva kāmehi…pe… paṭhamaṃ jhānaṃ upasampajja viharati; idaṃ kho ahaṃ, udāyi, iñjitasmiṃ vadāmi. Kiñca tattha iñjitasmiṃ? Yadeva tattha vitakkavicārā aniruddhā honti idaṃ tattha iñjitasmiṃ. Idhudāyi, bhikkhu vitakkavicārānaṃ vūpasamā…pe… dutiyaṃ jhānaṃ upasampajja viharati; idampi kho ahaṃ, udāyi, iñjitasmiṃ vadāmi. Kiñca tattha iñjitasmiṃ? Yadeva tattha pītisukhaṃ aniruddhaṃ hoti idaṃ tattha iñjitasmiṃ. Idhudāyi, bhikkhu pītiyā ca virāgā…pe… tatiyaṃ jhānaṃ upasampajja viharati; idampi kho ahaṃ, udāyi, iñjitasmiṃ vadāmi. Kiñca tattha iñjitasmiṃ? Yadeva tattha upekkhāsukhaṃ aniruddhaṃ hoti idaṃ tattha iñjitasmiṃ. Idhudāyi, bhikkhu sukhassa ca pahānā…pe… catutthaṃ jhānaṃ upasampajja viharati; idaṃ kho ahaṃ, udāyi, aniñjitasmiṃ vadāmi.
‘‘ид̇худ̣̇ааяи , бхигку вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и; ид̣̇ам̣ ко ахам̣, уд̣̇ааяи, ‘анала’нд̇и вад̣̇аами, ‘баж̇ахат̇аа’д̇и вад̣̇аами, ‘самад̇иггамат̇аа’д̇и вад̣̇аами. го жа д̇асса самад̇иггамо? ид̇худ̣̇ааяи, бхигку вид̇аггавижаараанам̣ вуубасамаа… д̣̇уд̇ияам̣ жхаанам̣ убасамбаж̇ж̇а вихарад̇и, аяам̣ д̇асса самад̇иггамо; ид̣̇амби ко ахам̣, уд̣̇ааяи, ‘анала’нд̇и вад̣̇аами, ‘баж̇ахат̇аа’д̇и вад̣̇аами, ‘самад̇иггамат̇аа’д̇и вад̣̇аами. го жа д̇асса самад̇иггамо? ид̇худ̣̇ааяи, бхигку бийд̇ияаа жа вирааг̇аа… д̇ад̇ияам̣ жхаанам̣ убасамбаж̇ж̇а вихарад̇и, аяам̣ д̇асса самад̇иггамо; ид̣̇амби ко ахам̣, уд̣̇ааяи, ‘анала’нд̇и вад̣̇аами, ‘баж̇ахат̇аа’д̇и вад̣̇аами, ‘самад̇иггамат̇аа’д̇и вад̣̇аами. го жа д̇асса самад̇иггамо? ид̇худ̣̇ааяи, бхигку сукасса жа бахаанаа… жад̇уд̇т̇ам̣ жхаанам̣ убасамбаж̇ж̇а вихарад̇и, аяам̣ д̇асса самад̇иггамо; ид̣̇амби ко ахам̣, уд̣̇ааяи, ‘анала’нд̇и вад̣̇аами, ‘баж̇ахат̇аа’д̇и вад̣̇аами, ‘самад̇иггамат̇аа’д̇и вад̣̇аами. го жа д̇асса самад̇иггамо? ид̇худ̣̇ааяи, бхигку саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и, аяам̣ д̇асса самад̇иггамо; ид̣̇амби ко ахам̣, уд̣̇ааяи, ‘анала’нд̇и вад̣̇аами, ‘баж̇ахат̇аа’д̇и вад̣̇аами, ‘самад̇иггамат̇аа’д̇и вад̣̇аами. го жа д̇асса самад̇иггамо? ид̇худ̣̇ааяи, бхигку саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и, аяам̣ д̇асса самад̇иггамо ; ид̣̇амби ко ахам̣, уд̣̇ааяи, ‘анала’нд̇и вад̣̇аами, ‘баж̇ахат̇аа’д̇и вад̣̇аами, ‘самад̇иггамат̇аа’д̇и вад̣̇аами. го жа д̇асса самад̇иггамо? ид̇худ̣̇ааяи, бхигку саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и, аяам̣ д̇асса самад̇иггамо; ид̣̇амби ко ахам̣, уд̣̇ааяи, ‘анала’нд̇и вад̣̇аами, ‘баж̇ахат̇аа’д̇и вад̣̇аами, ‘самад̇иггамат̇аа’д̇и вад̣̇аами. го жа д̇асса самад̇иггамо? ид̇худ̣̇ааяи, бхигку саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и, аяам̣ д̇асса самад̇иггамо; ид̣̇амби ко ахам̣, уд̣̇ааяи, ‘анала’нд̇и вад̣̇аами, ‘баж̇ахат̇аа’д̇и вад̣̇аами, ‘самад̇иггамат̇аа’д̇и вад̣̇аами. го жа д̇асса самад̇иггамо? ид̇худ̣̇ааяи, бхигку саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и, аяам̣ д̇асса самад̇иггамо; ид̇и ко ахам̣, уд̣̇ааяи, нзвасан̃н̃аанаасан̃н̃ааяад̇анассаби бахаанам̣ вад̣̇аами. бассаси но д̇вам̣, уд̣̇ааяи, д̇ам̣ сам̣яож̇анам̣ ан̣ум̣ ваа т̇уулам̣ ваа яассаахам̣ но бахаанам̣ вад̣̇аамий’’д̇и? ‘‘но хзд̇ам̣, бханд̇з’’д̇и.
‘‘Idhudāyi , bhikkhu vivicceva kāmehi…pe… paṭhamaṃ jhānaṃ upasampajja viharati; idaṃ kho ahaṃ, udāyi, ‘anala’nti vadāmi, ‘pajahathā’ti vadāmi, ‘samatikkamathā’ti vadāmi. Ko ca tassa samatikkamo? Idhudāyi, bhikkhu vitakkavicārānaṃ vūpasamā… dutiyaṃ jhānaṃ upasampajja viharati, ayaṃ tassa samatikkamo; idampi kho ahaṃ, udāyi, ‘anala’nti vadāmi, ‘pajahathā’ti vadāmi, ‘samatikkamathā’ti vadāmi. Ko ca tassa samatikkamo? Idhudāyi, bhikkhu pītiyā ca virāgā… tatiyaṃ jhānaṃ upasampajja viharati, ayaṃ tassa samatikkamo; idampi kho ahaṃ, udāyi, ‘anala’nti vadāmi, ‘pajahathā’ti vadāmi, ‘samatikkamathā’ti vadāmi. Ko ca tassa samatikkamo? Idhudāyi, bhikkhu sukhassa ca pahānā… catutthaṃ jhānaṃ upasampajja viharati, ayaṃ tassa samatikkamo; idampi kho ahaṃ, udāyi, ‘anala’nti vadāmi, ‘pajahathā’ti vadāmi, ‘samatikkamathā’ti vadāmi. Ko ca tassa samatikkamo? Idhudāyi, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati, ayaṃ tassa samatikkamo; idampi kho ahaṃ, udāyi, ‘anala’nti vadāmi, ‘pajahathā’ti vadāmi, ‘samatikkamathā’ti vadāmi. Ko ca tassa samatikkamo? Idhudāyi, bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati, ayaṃ tassa samatikkamo ; idampi kho ahaṃ, udāyi, ‘anala’nti vadāmi, ‘pajahathā’ti vadāmi, ‘samatikkamathā’ti vadāmi. Ko ca tassa samatikkamo? Idhudāyi, bhikkhu sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati, ayaṃ tassa samatikkamo; idampi kho ahaṃ, udāyi, ‘anala’nti vadāmi, ‘pajahathā’ti vadāmi, ‘samatikkamathā’ti vadāmi. Ko ca tassa samatikkamo? Idhudāyi, bhikkhu sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati, ayaṃ tassa samatikkamo; idampi kho ahaṃ, udāyi, ‘anala’nti vadāmi, ‘pajahathā’ti vadāmi, ‘samatikkamathā’ti vadāmi. Ko ca tassa samatikkamo? Idhudāyi, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, ayaṃ tassa samatikkamo; iti kho ahaṃ, udāyi, nevasaññānāsaññāyatanassapi pahānaṃ vadāmi. Passasi no tvaṃ, udāyi, taṃ saṃyojanaṃ aṇuṃ vā thūlaṃ vā yassāhaṃ no pahānaṃ vadāmī’’ti? ‘‘No hetaṃ, bhante’’ti.
ид̣̇амавожа бхаг̇аваа. ад̇д̇амано ааяасмаа уд̣̇ааяий бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā udāyī bhagavato bhāsitaṃ abhinandīti.
ладугигобамасуд̇д̇ам̣ нидтид̇ам̣ чадтам̣.
Laṭukikopamasuttaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. ладугигобамасуд̇д̇аван̣н̣анаа • 6. Laṭukikopamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. ладугигобамасуд̇д̇аван̣н̣анаа • 6. Laṭukikopamasuttavaṇṇanā
