| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
7. ласун̣ад̣̇ааяагад̇т̇зраабад̣̇аанаван̣н̣анаа
7. Lasuṇadāyakattheraapadānavaṇṇanā
химаванд̇ассаавид̣̇уурзд̇иаад̣̇игам̣ ааяасмад̇о ласун̣ад̣̇ааяагад̇т̇зрасса абад̣̇аанам̣. зсобааяасмаа буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз згасмим̣ гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о гхарааваасз аад̣̇ийнавам̣ д̣̇исваа г̇зхам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇ам̣ ниссааяа ванз васанд̇о б̣ахууни ласун̣аани робзд̇ваа д̇ад̣̇зва ванамуулапалан̃жа каад̣̇анд̇о вихааси. со б̣ахууни ласун̣аани гааж̇знаад̣̇ааяа мануссабат̇ам̣ аахарид̇ваа басанно д̣̇аанам̣ д̣̇ад̇ваа б̣уд̣̇д̇хаббамукасса бхигкусан̇гхасса бхзсаж̇ж̇ад̇т̇ааяа д̣̇ад̇ваа г̇ажчад̇и. звам̣ со яааваж̇ийвам̣ бун̃н̃аани гад̇ваа д̇знзва бун̃н̃аб̣алзна д̣̇звамануссзсу сам̣саранд̇о убхаяасамбад̇д̇им̣ анубхавид̇ваа гамзна имасмим̣ б̣уд̣̇д̇хуббаад̣̇з уббанно бадилад̣̇д̇хасад̣̇д̇хо баб̣б̣аж̇ид̇ваа вибассанам̣ вад̣дхзд̇ваа нажирассзва арахад̇д̇ам̣ бад̇д̇о буб̣б̣агаммавасзна ласун̣ад̣̇ааяагад̇т̇зрод̇и баагадо.
Himavantassāvidūretiādikaṃ āyasmato lasuṇadāyakattherassa apadānaṃ. Esopāyasmā purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ kulagehe nibbattitvā viññutaṃ patto gharāvāse ādīnavaṃ disvā gehaṃ pahāya tāpasapabbajjaṃ pabbajitvā himavantaṃ nissāya vane vasanto bahūni lasuṇāni ropetvā tadeva vanamūlaphalañca khādanto vihāsi. So bahūni lasuṇāni kājenādāya manussapathaṃ āharitvā pasanno dānaṃ datvā buddhappamukhassa bhikkhusaṅghassa bhesajjatthāya datvā gacchati. Evaṃ so yāvajīvaṃ puññāni katvā teneva puññabalena devamanussesu saṃsaranto ubhayasampattiṃ anubhavitvā kamena imasmiṃ buddhuppāde uppanno paṭiladdhasaddho pabbajitvā vipassanaṃ vaḍḍhetvā nacirasseva arahattaṃ patto pubbakammavasena lasuṇadāyakattheroti pākaṭo.
89. ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о химаванд̇ассаавид̣̇уурзд̇иаад̣̇имааха. д̇ад̇т̇а химаалаяабаб̣б̣ад̇асса барияосаанз мануссаанам̣ сан̃жаран̣адтаанз яад̣̇аа вибассий бхаг̇аваа уд̣̇абаад̣̇и, д̇ад̣̇аа ахам̣ д̇аабасо ахосинд̇и самб̣анд̇хо. ласун̣ам̣ убаж̇ийваамийд̇и рад̇д̇аласун̣ам̣ робзд̇ваа д̇ад̣̇зва г̇ожарам̣ гад̇ваа ж̇ийвигам̣ габбзмийд̇и ад̇т̇о. д̇зна вуд̇д̇ам̣ ‘‘ласун̣ам̣ маяхабхож̇ана’’нд̇и.
89. Attano pubbakammaṃ saritvā somanassajāto pubbacaritāpadānaṃ pakāsento himavantassāvidūretiādimāha. Tattha himālayapabbatassa pariyosāne manussānaṃ sañcaraṇaṭṭhāne yadā vipassī bhagavā udapādi, tadā ahaṃ tāpaso ahosinti sambandho. Lasuṇaṃ upajīvāmīti rattalasuṇaṃ ropetvā tadeva gocaraṃ katvā jīvikaṃ kappemīti attho. Tena vuttaṃ ‘‘lasuṇaṃ mayhabhojana’’nti.
90. каарияо буураяид̇ваанаад̇и д̇аабасабхааж̇анаани ласун̣зна буураяид̇ваа гааж̇знаад̣̇ааяа сан̇гхаараамам̣ сан̇гхасса васанадтаанам̣ хзманд̇аад̣̇ийсу д̇ийсу гаалзсу сан̇гхасса жад̇уухи ирияаабат̇зхи васанавихаарам̣ аг̇ажчим̣ аг̇амаасинд̇и ад̇т̇о. хадто хадтзна жид̇д̇знаад̇и ахам̣ санд̇удто соманассаяуд̇д̇ажид̇д̇зна сан̇гхасса ласун̣ам̣ ад̣̇аасинд̇и ад̇т̇о.
90.Khāriyo pūrayitvānāti tāpasabhājanāni lasuṇena pūrayitvā kājenādāya saṅghārāmaṃ saṅghassa vasanaṭṭhānaṃ hemantādīsu tīsu kālesu saṅghassa catūhi iriyāpathehi vasanavihāraṃ agacchiṃ agamāsinti attho. Haṭṭho haṭṭhena cittenāti ahaṃ santuṭṭho somanassayuttacittena saṅghassa lasuṇaṃ adāsinti attho.
91. вибассисса…бз… нирад̇ассаханд̇и нараанам̣ аг̇г̇асса сздтасса асса вибассисса бхаг̇авад̇о саасанз нирад̇о ниссзсзна рад̇о аханд̇и самб̣анд̇хо. сан̇гхасса…бз… мод̣̇аханд̇и ахам̣ сан̇гхасса ласун̣ад̣̇аанам̣ д̣̇ад̇ваа саг̇г̇амхи судту аг̇г̇асмим̣ д̣̇звалогз ааяугаббам̣ д̣̇иб̣б̣асамбад̇д̇им̣ анубхавамаано мод̣̇им̣, санд̇удто бхаваамийд̇и ад̇т̇о. сзсам̣ сувин̃н̃зяяамзваад̇и.
91.Vipassissa…pe…niratassahanti narānaṃ aggassa seṭṭhassa assa vipassissa bhagavato sāsane nirato nissesena rato ahanti sambandho. Saṅghassa…pe… modahanti ahaṃ saṅghassa lasuṇadānaṃ datvā saggamhi suṭṭhu aggasmiṃ devaloke āyukappaṃ dibbasampattiṃ anubhavamāno modiṃ, santuṭṭho bhavāmīti attho. Sesaṃ suviññeyyamevāti.
ласун̣ад̣̇ааяагад̇т̇зраабад̣̇аанаван̣н̣анаа самад̇д̇аа.
Lasuṇadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 7. ласун̣ад̣̇ааяагад̇т̇зраабад̣̇аанам̣ • 7. Lasuṇadāyakattheraapadānaṃ
