| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. ලසුණදායකත්ථෙරඅපදානං
7. Lasuṇadāyakattheraapadānaṃ
89.
89.
‘‘හිමවන්තස්සාවිදූරෙ , තාපසො ආසහං තදා;
‘‘Himavantassāvidūre , tāpaso āsahaṃ tadā;
ලසුණං උපජීවාමි, ලසුණං මය්හභොජනං.
Lasuṇaṃ upajīvāmi, lasuṇaṃ mayhabhojanaṃ.
90.
90.
‘‘ඛාරියො පූරයිත්වාන, සඞ්ඝාරාමමගච්ඡහං;
‘‘Khāriyo pūrayitvāna, saṅghārāmamagacchahaṃ;
හට්ඨො හට්ඨෙන චිත්තෙන, සඞ්ඝස්ස ලසුණං අදං.
Haṭṭho haṭṭhena cittena, saṅghassa lasuṇaṃ adaṃ.
91.
91.
‘‘විපස්සිස්ස නරග්ගස්ස, සාසනෙ නිරතස්සහං;
‘‘Vipassissa naraggassa, sāsane niratassahaṃ;
සඞ්ඝස්ස ලසුණං දත්වා, කප්පං සග්ගම්හි මොදහං.
Saṅghassa lasuṇaṃ datvā, kappaṃ saggamhi modahaṃ.
92.
92.
‘‘එකනවුතිතො කප්පෙ, ලසුණං යමදං තදා;
‘‘Ekanavutito kappe, lasuṇaṃ yamadaṃ tadā;
දුග්ගතිං නාභිජානාමි, ලසුණස්ස ඉදං ඵලං.
Duggatiṃ nābhijānāmi, lasuṇassa idaṃ phalaṃ.
93.
93.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා ලසුණදායකො ථෙරො ඉමා ගාථායො අභාසිත්ථාති;
Itthaṃ sudaṃ āyasmā lasuṇadāyako thero imā gāthāyo abhāsitthāti;
ලසුණදායකත්ථෙරස්සාපදානං සත්තමං.
Lasuṇadāyakattherassāpadānaṃ sattamaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / අපදාන-අට්ඨකථා • Apadāna-aṭṭhakathā / 7. ලසුණදායකත්ථෙරඅපදානවණ්ණනා • 7. Lasuṇadāyakattheraapadānavaṇṇanā
