| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. ลสุณทายกเตฺถรอปทานํ
7. Lasuṇadāyakattheraapadānaṃ
๘๙.
89.
‘‘หิมวนฺตสฺสาวิทูเร , ตาปโส อาสหํ ตทา;
‘‘Himavantassāvidūre , tāpaso āsahaṃ tadā;
ลสุณํ อุปชีวามิ, ลสุณํ มยฺหโภชนํฯ
Lasuṇaṃ upajīvāmi, lasuṇaṃ mayhabhojanaṃ.
๙๐.
90.
‘‘ขาริโย ปูรยิตฺวาน, สงฺฆารามมคจฺฉหํ;
‘‘Khāriyo pūrayitvāna, saṅghārāmamagacchahaṃ;
หโฎฺฐ หเฎฺฐน จิเตฺตน, สงฺฆสฺส ลสุณํ อทํฯ
Haṭṭho haṭṭhena cittena, saṅghassa lasuṇaṃ adaṃ.
๙๑.
91.
‘‘วิปสฺสิสฺส นรคฺคสฺส, สาสเน นิรตสฺสหํ;
‘‘Vipassissa naraggassa, sāsane niratassahaṃ;
สงฺฆสฺส ลสุณํ ทตฺวา, กปฺปํ สคฺคมฺหิ โมทหํฯ
Saṅghassa lasuṇaṃ datvā, kappaṃ saggamhi modahaṃ.
๙๒.
92.
‘‘เอกนวุติโต กเปฺป, ลสุณํ ยมทํ ตทา;
‘‘Ekanavutito kappe, lasuṇaṃ yamadaṃ tadā;
ทุคฺคติํ นาภิชานามิ, ลสุณสฺส อิทํ ผลํฯ
Duggatiṃ nābhijānāmi, lasuṇassa idaṃ phalaṃ.
๙๓.
93.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ลสุณทายโก เถโร อิมา คาถาโย อภาสิตฺถาติ;
Itthaṃ sudaṃ āyasmā lasuṇadāyako thero imā gāthāyo abhāsitthāti;
ลสุณทายกเตฺถรสฺสาปทานํ สตฺตมํฯ
Lasuṇadāyakattherassāpadānaṃ sattamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๗. ลสุณทายกเตฺถรอปทานวณฺณนา • 7. Lasuṇadāyakattheraapadānavaṇṇanā
