| Library / Tipiṭaka / തിപിടക • Tipiṭaka / ഥേരഗാഥാപാളി • Theragāthāpāḷi |
൨. ലകുണ്ഡകഭദ്ദിയത്ഥേരഗാഥാ
2. Lakuṇḍakabhaddiyattheragāthā
൪൬൬.
466.
പരേ അമ്ബാടകാരാമേ, വനസണ്ഡമ്ഹി ഭദ്ദിയോ;
Pare ambāṭakārāme, vanasaṇḍamhi bhaddiyo;
൪൬൭.
467.
അഹഞ്ച രുക്ഖമൂലസ്മിം, രതോ ബുദ്ധസ്സ സാസനേ.
Ahañca rukkhamūlasmiṃ, rato buddhassa sāsane.
൪൬൮.
468.
‘‘ബുദ്ധോ ചേ 5 മേ വരം ദജ്ജാ, സോ ച ലബ്ഭേഥ മേ വരോ;
‘‘Buddho ce 6 me varaṃ dajjā, so ca labbhetha me varo;
ഗണ്ഹേഹം സബ്ബലോകസ്സ, നിച്ചം കായഗതം സതിം.
Gaṇhehaṃ sabbalokassa, niccaṃ kāyagataṃ satiṃ.
൪൬൯.
469.
‘‘യേ മം രൂപേന പാമിംസു, യേ ച ഘോസേന അന്വഗൂ;
‘‘Ye maṃ rūpena pāmiṃsu, ye ca ghosena anvagū;
ഛന്ദരാഗവസൂപേതാ, ന മം ജാനന്തി തേ ജനാ.
Chandarāgavasūpetā, na maṃ jānanti te janā.
൪൭൦.
470.
‘‘അജ്ഝത്തഞ്ച ന ജാനാതി, ബഹിദ്ധാ ച ന പസ്സതി;
‘‘Ajjhattañca na jānāti, bahiddhā ca na passati;
സമന്താവരണോ ബാലോ, സ വേ ഘോസേന വുയ്ഹതി.
Samantāvaraṇo bālo, sa ve ghosena vuyhati.
൪൭൧.
471.
‘‘അജ്ഝത്തഞ്ച ന ജാനാതി, ബഹിദ്ധാ ച വിപസ്സതി;
‘‘Ajjhattañca na jānāti, bahiddhā ca vipassati;
ബഹിദ്ധാ ഫലദസ്സാവീ, സോപി ഘോസേന വുയ്ഹതി.
Bahiddhā phaladassāvī, sopi ghosena vuyhati.
൪൭൨.
472.
‘‘അജ്ഝത്തഞ്ച പജാനാതി, ബഹിദ്ധാ ച വിപസ്സതി;
‘‘Ajjhattañca pajānāti, bahiddhā ca vipassati;
അനാവരണദസ്സാവീ, ന സോ ഘോസേന വുയ്ഹതീ’’തി.
Anāvaraṇadassāvī, na so ghosena vuyhatī’’ti.
… ലകുണ്ഡകഭദ്ദിയോ ഥേരോ….
… Lakuṇḍakabhaddiyo thero….
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / ഥേരഗാഥാ-അട്ഠകഥാ • Theragāthā-aṭṭhakathā / ൨. ലകുണ്ഡകഭദ്ദിയത്ഥേരഗാഥാവണ്ണനാ • 2. Lakuṇḍakabhaddiyattheragāthāvaṇṇanā
