| Library / Tipiṭaka / ติปิฎก • Tipiṭaka / เถรคาถาปาฬิ • Theragāthāpāḷi |
๒. ลกุณฺฑกภทฺทิยเตฺถรคาถา
2. Lakuṇḍakabhaddiyattheragāthā
๔๖๖.
466.
ปเร อมฺพาฎการาเม, วนสณฺฑมฺหิ ภทฺทิโย;
Pare ambāṭakārāme, vanasaṇḍamhi bhaddiyo;
๔๖๗.
467.
อหญฺจ รุกฺขมูลสฺมิํ, รโต พุทฺธสฺส สาสเนฯ
Ahañca rukkhamūlasmiṃ, rato buddhassa sāsane.
๔๖๘.
468.
‘‘พุโทฺธ เจ 5 เม วรํ ทชฺชา, โส จ ลเพฺภถ เม วโร;
‘‘Buddho ce 6 me varaṃ dajjā, so ca labbhetha me varo;
คเณฺหหํ สพฺพโลกสฺส, นิจฺจํ กายคตํ สติํฯ
Gaṇhehaṃ sabbalokassa, niccaṃ kāyagataṃ satiṃ.
๔๖๙.
469.
‘‘เย มํ รูเปน ปามิํสุ, เย จ โฆเสน อนฺวคู;
‘‘Ye maṃ rūpena pāmiṃsu, ye ca ghosena anvagū;
ฉนฺทราควสูเปตา, น มํ ชานนฺติ เต ชนาฯ
Chandarāgavasūpetā, na maṃ jānanti te janā.
๔๗๐.
470.
‘‘อชฺฌตฺตญฺจ น ชานาติ, พหิทฺธา จ น ปสฺสติ;
‘‘Ajjhattañca na jānāti, bahiddhā ca na passati;
สมนฺตาวรโณ พาโล, ส เว โฆเสน วุยฺหติฯ
Samantāvaraṇo bālo, sa ve ghosena vuyhati.
๔๗๑.
471.
‘‘อชฺฌตฺตญฺจ น ชานาติ, พหิทฺธา จ วิปสฺสติ;
‘‘Ajjhattañca na jānāti, bahiddhā ca vipassati;
พหิทฺธา ผลทสฺสาวี, โสปิ โฆเสน วุยฺหติฯ
Bahiddhā phaladassāvī, sopi ghosena vuyhati.
๔๗๒.
472.
‘‘อชฺฌตฺตญฺจ ปชานาติ, พหิทฺธา จ วิปสฺสติ;
‘‘Ajjhattañca pajānāti, bahiddhā ca vipassati;
อนาวรณทสฺสาวี, น โส โฆเสน วุยฺหตี’’ติฯ
Anāvaraṇadassāvī, na so ghosena vuyhatī’’ti.
… ลกุณฺฑกภทฺทิโย เถโร…ฯ
… Lakuṇḍakabhaddiyo thero….
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรคาถา-อฎฺฐกถา • Theragāthā-aṭṭhakathā / ๒. ลกุณฺฑกภทฺทิยเตฺถรคาถาวณฺณนา • 2. Lakuṇḍakabhaddiyattheragāthāvaṇṇanā
