| Library / Tipiṭaka / तिपिटक • Tipiṭaka / थेरगाथापाळि • Theragāthāpāḷi |
२. लकुण्डकभद्दियत्थेरगाथा
2. Lakuṇḍakabhaddiyattheragāthā
४६६.
466.
परे अम्बाटकारामे, वनसण्डम्हि भद्दियो।
Pare ambāṭakārāme, vanasaṇḍamhi bhaddiyo;
४६७.
467.
अहञ्च रुक्खमूलस्मिं, रतो बुद्धस्स सासने॥
Ahañca rukkhamūlasmiṃ, rato buddhassa sāsane.
४६८.
468.
‘‘बुद्धो चे 5 मे वरं दज्जा, सो च लब्भेथ मे वरो।
‘‘Buddho ce 6 me varaṃ dajjā, so ca labbhetha me varo;
गण्हेहं सब्बलोकस्स, निच्चं कायगतं सतिं॥
Gaṇhehaṃ sabbalokassa, niccaṃ kāyagataṃ satiṃ.
४६९.
469.
‘‘ये मं रूपेन पामिंसु, ये च घोसेन अन्वगू।
‘‘Ye maṃ rūpena pāmiṃsu, ye ca ghosena anvagū;
छन्दरागवसूपेता, न मं जानन्ति ते जना॥
Chandarāgavasūpetā, na maṃ jānanti te janā.
४७०.
470.
‘‘अज्झत्तञ्च न जानाति, बहिद्धा च न पस्सति।
‘‘Ajjhattañca na jānāti, bahiddhā ca na passati;
समन्तावरणो बालो, स वे घोसेन वुय्हति॥
Samantāvaraṇo bālo, sa ve ghosena vuyhati.
४७१.
471.
‘‘अज्झत्तञ्च न जानाति, बहिद्धा च विपस्सति।
‘‘Ajjhattañca na jānāti, bahiddhā ca vipassati;
बहिद्धा फलदस्सावी, सोपि घोसेन वुय्हति॥
Bahiddhā phaladassāvī, sopi ghosena vuyhati.
४७२.
472.
‘‘अज्झत्तञ्च पजानाति, बहिद्धा च विपस्सति।
‘‘Ajjhattañca pajānāti, bahiddhā ca vipassati;
अनावरणदस्सावी, न सो घोसेन वुय्हती’’ति॥
Anāvaraṇadassāvī, na so ghosena vuyhatī’’ti.
… लकुण्डकभद्दियो थेरो…।
… Lakuṇḍakabhaddiyo thero….
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / थेरगाथा-अट्ठकथा • Theragāthā-aṭṭhakathā / २. लकुण्डकभद्दियत्थेरगाथावण्णना • 2. Lakuṇḍakabhaddiyattheragāthāvaṇṇanā
