| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೬. ಲಕುಣ್ಡಕಭದ್ದಿಯಸುತ್ತವಣ್ಣನಾ
6. Lakuṇḍakabhaddiyasuttavaṇṇanā
೨೪೦. ವಿರೂಪಸರೀರವಣ್ಣನ್ತಿ ಅಸುನ್ದರಛವಿವಣ್ಣಞ್ಚೇವ ಅಸುನ್ದರಸಣ್ಠಾನಞ್ಚ। ಪಮಾಣವಸೇನಾತಿ ಸರೀರಪ್ಪಮಾಣವಸೇನ। ಇಚ್ಛಿತಿಚ್ಛಿತನ್ತಿ ಅತ್ತನಾ ಇಚ್ಛಿತಿಚ್ಛಿತಂ। ಮಹಾಸಾರಜ್ಜನ್ತಿ ಮಹನ್ತೋ ಮಙ್ಕುಭಾವೋ।
240.Virūpasarīravaṇṇanti asundarachavivaṇṇañceva asundarasaṇṭhānañca. Pamāṇavasenāti sarīrappamāṇavasena. Icchiticchitanti attanā icchiticchitaṃ. Mahāsārajjanti mahanto maṅkubhāvo.
ಗುಣೇ ಆವಜ್ಜೇತ್ವಾತಿ ಅತ್ತನಾ ಜಾನನಕನಿಯಾಮೇನ ಸತ್ಥುನೋ ಕಾಯಗುಣೇ ಚ ಚಾರಿತ್ತಗುಣೇ ಚ ಆವಜ್ಜೇತ್ವಾ ಮನಸಿ ಕತ್ವಾ।
Guṇe āvajjetvāti attanā jānanakaniyāmena satthuno kāyaguṇe ca cārittaguṇe ca āvajjetvā manasi katvā.
ಯೋಜನಾವಟ್ಟನ್ತಿ ಯೋಜನಪರಿಕ್ಖೇಪಂ।
Yojanāvaṭṭanti yojanaparikkhepaṃ.
‘‘ಕಾಯಸ್ಮೀ’’ತಿ ಗಾಥಾಸುಖತ್ಥಂ ನಿರನುನಾಸಿಕಂ ಕತ್ವಾ ನಿದ್ದೇಸೋತಿ ವುತ್ತಂ ‘‘ಕಾಯಸ್ಮಿ’’ನ್ತಿ। ಅಕಾರಣಂ ಕಾಯಪ್ಪಮಾಣನ್ತಿ ಸರೀರಪ್ಪಮಾಣಂ ನಾಮ ಅಪ್ಪಮಾಣಂ, ಸೀಲಾದಿಗುಣಾವ ಪಮಾಣನ್ತಿ ಅಧಿಪ್ಪಾಯೋ।
‘‘Kāyasmī’’ti gāthāsukhatthaṃ niranunāsikaṃ katvā niddesoti vuttaṃ ‘‘kāyasmi’’nti. Akāraṇaṃ kāyappamāṇanti sarīrappamāṇaṃ nāma appamāṇaṃ, sīlādiguṇāva pamāṇanti adhippāyo.
ಲಕುಣ್ಡಕಭದ್ದಿಯಸುತ್ತವಣ್ಣನಾ ನಿಟ್ಠಿತಾ।
Lakuṇḍakabhaddiyasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೬. ಲಕುಣ್ಡಕಭದ್ದಿಯಸುತ್ತಂ • 6. Lakuṇḍakabhaddiyasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೬. ಲಕುಣ್ಡಕಭದ್ದಿಯಸುತ್ತವಣ್ಣನಾ • 6. Lakuṇḍakabhaddiyasuttavaṇṇanā
