| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๖. ลกุณฺฑกภทฺทิยสุตฺตวณฺณนา
6. Lakuṇḍakabhaddiyasuttavaṇṇanā
๒๔๐. วิรูปสรีรวณฺณนฺติ อสุนฺทรฉวิวณฺณเญฺจว อสุนฺทรสณฺฐานญฺจฯ ปมาณวเสนาติ สรีรปฺปมาณวเสนฯ อิจฺฉิติจฺฉิตนฺติ อตฺตนา อิจฺฉิติจฺฉิตํฯ มหาสารชฺชนฺติ มหโนฺต มงฺกุภาโวฯ
240.Virūpasarīravaṇṇanti asundarachavivaṇṇañceva asundarasaṇṭhānañca. Pamāṇavasenāti sarīrappamāṇavasena. Icchiticchitanti attanā icchiticchitaṃ. Mahāsārajjanti mahanto maṅkubhāvo.
คุเณ อาวเชฺชตฺวาติ อตฺตนา ชานนกนิยาเมน สตฺถุโน กายคุเณ จ จาริตฺตคุเณ จ อาวเชฺชตฺวา มนสิ กตฺวาฯ
Guṇe āvajjetvāti attanā jānanakaniyāmena satthuno kāyaguṇe ca cārittaguṇe ca āvajjetvā manasi katvā.
โยชนาวฎฺฎนฺติ โยชนปริเกฺขปํฯ
Yojanāvaṭṭanti yojanaparikkhepaṃ.
‘‘กายสฺมี’’ติ คาถาสุขตฺถํ นิรนุนาสิกํ กตฺวา นิเทฺทโสติ วุตฺตํ ‘‘กายสฺมิ’’นฺติฯ อการณํ กายปฺปมาณนฺติ สรีรปฺปมาณํ นาม อปฺปมาณํ, สีลาทิคุณาว ปมาณนฺติ อธิปฺปาโยฯ
‘‘Kāyasmī’’ti gāthāsukhatthaṃ niranunāsikaṃ katvā niddesoti vuttaṃ ‘‘kāyasmi’’nti. Akāraṇaṃ kāyappamāṇanti sarīrappamāṇaṃ nāma appamāṇaṃ, sīlādiguṇāva pamāṇanti adhippāyo.
ลกุณฺฑกภทฺทิยสุตฺตวณฺณนา นิฎฺฐิตาฯ
Lakuṇḍakabhaddiyasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๖. ลกุณฺฑกภทฺทิยสุตฺตํ • 6. Lakuṇḍakabhaddiyasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๖. ลกุณฺฑกภทฺทิยสุตฺตวณฺณนา • 6. Lakuṇḍakabhaddiyasuttavaṇṇanā
