| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၂. လက္ခဏသုတ္တဝဏ္ဏနာ
2. Lakkhaṇasuttavaṇṇanā
၂. ဒုတိယေ လက္ခီယတိ ဗာလော အယန္တိ ဉာယတိ ဧတေနာတိ လက္ခဏံ, ကမ္မံ လက္ခဏမေတသ္သာတိ ကမ္မလက္ခဏောတိ အာဟ ‘‘ကာယဒ္ဝာရာဒိပဝတ္တံ ကမ္မ’’န္တိအာဒိ။ အပဒီယန္တိ ဒောသာ ဧတေန ရက္ခီယန္တိ, လူယန္တိ ဆိဇ္ဇန္တိ ဝာတိ အပဒာနံ, သတ္တာနံ သမ္မာ, မိစ္ဆာ ဝာ ပဝတ္တပ္ပယောဂော။ တေန သောဘတီတိ အပဒာနသောဘနီ ။ တေနာဟ ‘‘ပညာ နာမာ’’တိအာဒိ။ အတ္တနော စရိတေနေဝာတိ အတ္တနော စရိယာယ ဧဝ။ သေသမေတ္ထ ဥတ္တာနမေဝ။
2. Dutiye lakkhīyati bālo ayanti ñāyati etenāti lakkhaṇaṃ, kammaṃ lakkhaṇametassāti kammalakkhaṇoti āha ‘‘kāyadvārādipavattaṃ kamma’’ntiādi. Apadīyanti dosā etena rakkhīyanti, lūyanti chijjanti vāti apadānaṃ, sattānaṃ sammā, micchā vā pavattappayogo. Tena sobhatīti apadānasobhanī. Tenāha ‘‘paññā nāmā’’tiādi. Attano caritenevāti attano cariyāya eva. Sesamettha uttānameva.
လက္ခဏသုတ္တဝဏ္ဏနာ နိဋ္ဌိတာ။
Lakkhaṇasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၂. လက္ခဏသုတ္တံ • 2. Lakkhaṇasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၂. လက္ခဏသုတ္တဝဏ္ဏနာ • 2. Lakkhaṇasuttavaṇṇanā
