༢. ལཀྑཎསུཏྟཾ

2. Lakkhaṇasuttaṃ

༢. ‘‘ཀམྨལཀྑཎོ , བྷིཀྑཝེ, བཱལོ, ཀམྨལཀྑཎོ པཎྜིཏོ, ཨཔདཱནསོབྷནཱི ¹ པཉྙཱཏི ²། ཏཱིཧི, བྷིཀྑཝེ, དྷམྨེཧི སམནྣཱགཏོ བཱལོ ཝེདིཏབྦོ། ཀཏམེཧི ཏཱིཧི? ཀཱཡདུཙྩརིཏེན, ཝཙཱིདུཙྩརིཏེན, མནོདུཙྩརིཏེན། ཨིམེཧི ཁོ, བྷིཀྑཝེ, ཏཱིཧི དྷམྨེཧི སམནྣཱགཏོ བཱལོ ཝེདིཏབྦོ།

2. ‘‘Kammalakkhaṇo , bhikkhave, bālo, kammalakkhaṇo paṇḍito, apadānasobhanī ³ paññāti ⁴. Tīhi, bhikkhave, dhammehi samannāgato bālo veditabbo. Katamehi tīhi? Kāyaduccaritena, vacīduccaritena, manoduccaritena. Imehi kho, bhikkhave, tīhi dhammehi samannāgato bālo veditabbo.

‘‘ཏཱིཧི, བྷིཀྑཝེ, དྷམྨེཧི སམནྣཱགཏོ པཎྜིཏོ ཝེདིཏབྦོ། ཀཏམེཧི ཏཱིཧི? ཀཱཡསུཙརིཏེན, ཝཙཱིསུཙརིཏེན, མནོསུཙརིཏེན། ཨིམེཧི ཁོ, བྷིཀྑཝེ, ཏཱིཧི དྷམྨེཧི སམནྣཱགཏོ པཎྜིཏོ ཝེདིཏབྦོ།

‘‘Tīhi, bhikkhave, dhammehi samannāgato paṇḍito veditabbo. Katamehi tīhi? Kāyasucaritena, vacīsucaritena, manosucaritena. Imehi kho, bhikkhave, tīhi dhammehi samannāgato paṇḍito veditabbo.

‘‘ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘ཡེཧི ཏཱིཧི དྷམྨེཧི སམནྣཱགཏོ བཱལོ ཝེདིཏབྦོ ཏེ ཏཡོ དྷམྨེ ཨབྷིནིཝཛྫེཏྭཱ, ཡེཧི ཏཱིཧི དྷམྨེཧི སམནྣཱགཏོ པཎྜིཏོ ཝེདིཏབྦོ ཏེ ཏཡོ དྷམྨེ སམཱདཱཡ ཝཏྟིསྶཱམཱ’ཏི། ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི། དུཏིཡཾ།

‘‘Tasmātiha, bhikkhave, evaṃ sikkhitabbaṃ – ‘yehi tīhi dhammehi samannāgato bālo veditabbo te tayo dhamme abhinivajjetvā, yehi tīhi dhammehi samannāgato paṇḍito veditabbo te tayo dhamme samādāya vattissāmā’ti. Evañhi vo, bhikkhave, sikkhitabba’’nti. Dutiyaṃ.

Next: ༣. ཙིནྟཱིསུཏྟཾ • 3. Cintīsuttaṃ

Footnotes:

1. ཨཔདཱནེ སོབྷཏི (སྱཱ॰ ཀཾ॰ པཱི॰)

2. པཉྙཏྟི (?)

3. apadāne sobhati (syā. kaṃ. pī.)

4. paññatti (?)

Related texts:

ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༢. ལཀྑཎསུཏྟཝཎྞནཱ • 2. Lakkhaṇasuttavaṇṇanā

ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༢. ལཀྑཎསུཏྟཝཎྞནཱ • 2. Lakkhaṇasuttavaṇṇanā

© 1991-2026 Titi Tudorancea Yoga Bulletin | Titi Tudorancea^® is a Registered Trademark | Terms of use and privacy policy
Contact