| Library / Tipiṭaka / തിപിടക • Tipiṭaka / നേത്തിപ്പകരണ-അട്ഠകഥാ • Nettippakaraṇa-aṭṭhakathā |
൫. ലക്ഖണഹാരസമ്പാതവണ്ണനാ
5. Lakkhaṇahārasampātavaṇṇanā
൬൭. ഇന്ദ്രിയേസു ഗുത്തദ്വാരതാ സതിസംവരോ, സതിബലേന ച നേക്ഖമ്മവിതക്കാദിബഹുലോ ഹോതീതി വുത്തം – ‘‘തസ്മാ രക്ഖിതചിത്തസ്സ സമ്മാസങ്കപ്പഗോചരോതി ഇദം സതിന്ദ്രിയ’’ന്തി. തസ്സത്ഥോ – ‘‘തസ്മാ രക്ഖിതചിത്തസ്സ സമ്മാസങ്കപ്പഗോചരോ’’തി ഏത്ഥ രക്ഖിതചിത്തതായ ച സമ്മാസങ്കപ്പഗോചരതാ കാരണൂപചാരേന ഇദം സതിന്ദ്രിയം, ഗഹിതാനി ഭവന്തി പഞ്ചിന്ദ്രിയാനി ഇന്ദ്രിയലക്ഖണേന വിമുത്തിപരിപാചനഭാവേന വാ ഏകലക്ഖണത്താതി അധിപ്പായോ. ഗഹിതോ ഭവതീതി ഏത്ഥ മഗ്ഗലക്ഖണേന ഗഹണം സുവിഞ്ഞേയ്യന്തി തം ഠപേത്വാ കാരണതോ ഗഹണം ദസ്സേതും ‘‘സമ്മാദിട്ഠിതോ ഹി സമ്മാസങ്കപ്പോ പഭവതീ’’തിആദി വുത്തം. തതോ ഏവ ഗഹിതോ ഭവതി അരിയോ അട്ഠങ്ഗികോ മഗ്ഗോതി വത്വാ വിമുത്തിവിമുത്തിഞാണദസ്സനാനിപി വുത്താനി.
67. Indriyesu guttadvāratā satisaṃvaro, satibalena ca nekkhammavitakkādibahulo hotīti vuttaṃ – ‘‘tasmā rakkhitacittassa sammāsaṅkappagocaroti idaṃ satindriya’’nti. Tassattho – ‘‘tasmā rakkhitacittassa sammāsaṅkappagocaro’’ti ettha rakkhitacittatāya ca sammāsaṅkappagocaratā kāraṇūpacārena idaṃ satindriyaṃ, gahitāni bhavanti pañcindriyāni indriyalakkhaṇena vimuttiparipācanabhāvena vā ekalakkhaṇattāti adhippāyo. Gahito bhavatīti ettha maggalakkhaṇena gahaṇaṃ suviññeyyanti taṃ ṭhapetvā kāraṇato gahaṇaṃ dassetuṃ ‘‘sammādiṭṭhito hi sammāsaṅkappo pabhavatī’’tiādi vuttaṃ. Tato eva gahito bhavati ariyo aṭṭhaṅgiko maggoti vatvā vimuttivimuttiñāṇadassanānipi vuttāni.
ലക്ഖണഹാരസമ്പാതവണ്ണനാ നിട്ഠിതാ.
Lakkhaṇahārasampātavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / ഖുദ്ദകനികായ • Khuddakanikāya / നേത്തിപ്പകരണപാളി • Nettippakaraṇapāḷi / ൫. ലക്ഖണഹാരസമ്പാതോ • 5. Lakkhaṇahārasampāto
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / ഖുദ്ദകനികായ (ടീകാ) • Khuddakanikāya (ṭīkā) / നേത്തിവിഭാവിനീ • Nettivibhāvinī / ൫. ലക്ഖണഹാരസമ്പാതവിഭാവനാ • 5. Lakkhaṇahārasampātavibhāvanā
