| Library / Tipiṭaka / तिपिटक • Tipiṭaka / नेत्तिप्पकरण-अट्ठकथा • Nettippakaraṇa-aṭṭhakathā |
५. लक्खणहारसम्पातवण्णना
5. Lakkhaṇahārasampātavaṇṇanā
६७. इन्द्रियेसु गुत्तद्वारता सतिसंवरो, सतिबलेन च नेक्खम्मवितक्कादिबहुलो होतीति वुत्तं – ‘‘तस्मा रक्खितचित्तस्स सम्मासङ्कप्पगोचरोति इदं सतिन्द्रिय’’न्ति। तस्सत्थो – ‘‘तस्मा रक्खितचित्तस्स सम्मासङ्कप्पगोचरो’’ति एत्थ रक्खितचित्तताय च सम्मासङ्कप्पगोचरता कारणूपचारेन इदं सतिन्द्रियं, गहितानि भवन्ति पञ्चिन्द्रियानि इन्द्रियलक्खणेन विमुत्तिपरिपाचनभावेन वा एकलक्खणत्ताति अधिप्पायो। गहितो भवतीति एत्थ मग्गलक्खणेन गहणं सुविञ्ञेय्यन्ति तं ठपेत्वा कारणतो गहणं दस्सेतुं ‘‘सम्मादिट्ठितो हि सम्मासङ्कप्पो पभवती’’तिआदि वुत्तं। ततो एव गहितो भवति अरियो अट्ठङ्गिको मग्गोति वत्वा विमुत्तिविमुत्तिञाणदस्सनानिपि वुत्तानि।
67. Indriyesu guttadvāratā satisaṃvaro, satibalena ca nekkhammavitakkādibahulo hotīti vuttaṃ – ‘‘tasmā rakkhitacittassa sammāsaṅkappagocaroti idaṃ satindriya’’nti. Tassattho – ‘‘tasmā rakkhitacittassa sammāsaṅkappagocaro’’ti ettha rakkhitacittatāya ca sammāsaṅkappagocaratā kāraṇūpacārena idaṃ satindriyaṃ, gahitāni bhavanti pañcindriyāni indriyalakkhaṇena vimuttiparipācanabhāvena vā ekalakkhaṇattāti adhippāyo. Gahito bhavatīti ettha maggalakkhaṇena gahaṇaṃ suviññeyyanti taṃ ṭhapetvā kāraṇato gahaṇaṃ dassetuṃ ‘‘sammādiṭṭhito hi sammāsaṅkappo pabhavatī’’tiādi vuttaṃ. Tato eva gahito bhavati ariyo aṭṭhaṅgiko maggoti vatvā vimuttivimuttiñāṇadassanānipi vuttāni.
लक्खणहारसम्पातवण्णना निट्ठिता।
Lakkhaṇahārasampātavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / खुद्दकनिकाय • Khuddakanikāya / नेत्तिप्पकरणपाळि • Nettippakaraṇapāḷi / ५. लक्खणहारसम्पातो • 5. Lakkhaṇahārasampāto
टीका • Tīkā / सुत्तपिटक (टीका) • Suttapiṭaka (ṭīkā) / खुद्दकनिकाय (टीका) • Khuddakanikāya (ṭīkā) / नेत्तिविभाविनी • Nettivibhāvinī / ५. लक्खणहारसम्पातविभावना • 5. Lakkhaṇahārasampātavibhāvanā
