| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೨. ಲಬುಜದಾಯಕತ್ಥೇರಅಪದಾನಂ
2. Labujadāyakattheraapadānaṃ
೭.
7.
‘‘ನಗರೇ ಬನ್ಧುಮತಿಯಾ, ಆಸಿಂ ಆರಾಮಿಕೋ ತದಾ।
‘‘Nagare bandhumatiyā, āsiṃ ārāmiko tadā;
ಅದ್ದಸಂ ವಿರಜಂ ಬುದ್ಧಂ, ಗಚ್ಛನ್ತಂ ಅನಿಲಞ್ಜಸೇ॥
Addasaṃ virajaṃ buddhaṃ, gacchantaṃ anilañjase.
೮.
8.
‘‘ಲಬುಜಸ್ಸ ಫಲಂ ಗಯ್ಹ, ಬುದ್ಧಸೇಟ್ಠಸ್ಸದಾಸಹಂ।
‘‘Labujassa phalaṃ gayha, buddhaseṭṭhassadāsahaṃ;
ಆಕಾಸೇ ಠಿತಕೋ ಸನ್ತೋ, ಪಟಿಗಣ್ಹಿ ಮಹಾಯಸೋ॥
Ākāse ṭhitako santo, paṭigaṇhi mahāyaso.
೯.
9.
‘‘ವಿತ್ತಿಸಞ್ಜನನಂ ಮಯ್ಹಂ, ದಿಟ್ಠಧಮ್ಮಸುಖಾವಹಂ।
‘‘Vittisañjananaṃ mayhaṃ, diṭṭhadhammasukhāvahaṃ;
ಫಲಂ ಬುದ್ಧಸ್ಸ ದತ್ವಾನ, ವಿಪ್ಪಸನ್ನೇನ ಚೇತಸಾ॥
Phalaṃ buddhassa datvāna, vippasannena cetasā.
೧೦.
10.
‘‘ಅಧಿಗಚ್ಛಿಂ ತದಾ ಪೀತಿಂ, ವಿಪುಲಞ್ಚ ಸುಖುತ್ತಮಂ।
‘‘Adhigacchiṃ tadā pītiṃ, vipulañca sukhuttamaṃ;
ಉಪ್ಪಜ್ಜತೇವ ರತನಂ, ನಿಬ್ಬತ್ತಸ್ಸ ತಹಿಂ ತಹಿಂ॥
Uppajjateva ratanaṃ, nibbattassa tahiṃ tahiṃ.
೧೧.
11.
‘‘ಏಕನವುತಿತೋ ಕಪ್ಪೇ, ಯಂ ಫಲಮದದಿಂ ತದಾ।
‘‘Ekanavutito kappe, yaṃ phalamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಫಲದಾನಸ್ಸಿದಂ ಫಲಂ॥
Duggatiṃ nābhijānāmi, phaladānassidaṃ phalaṃ.
೧೨.
12.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವೋ॥
‘‘Kilesā jhāpitā mayhaṃ…pe… viharāmi anāsavo.
೧೩.
13.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೧೪.
14.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಲಬುಜದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā labujadāyako thero imā gāthāyo abhāsitthāti.
ಲಬುಜದಾಯಕತ್ಥೇರಸ್ಸಾಪದಾನಂ ದುತಿಯಂ।
Labujadāyakattherassāpadānaṃ dutiyaṃ.
