| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૯. કુતૂહલસાલાસુત્તવણ્ણના
9. Kutūhalasālāsuttavaṇṇanā
૪૧૮. નવમે કુતૂહલસાલાયન્તિ કુતૂહલસાલા નામ પચ્ચેકસાલા નત્થિ, યત્થ પન નાનાતિત્થિયા સમણબ્રાહ્મણા નાનાવિધં કથં પવત્તેન્તિ, સા બહૂનં ‘‘અયં કિં વદતિ, અયં કિં વદતી’’તિ કુતૂહલુપ્પવત્તિટ્ઠાનતો કુતૂહલસાલાતિ વુચ્ચતિ. દૂરમ્પિ ગચ્છતીતિ યાવ આભસ્સરબ્રહ્મલોકા ગચ્છતિ. ઇમઞ્ચ કાયં નિક્ખિપતીતિ ચુતિચિત્તેન નિક્ખિપતિ. અનુપપન્નો હોતીતિ ચુતિક્ખણેયેવ પટિસન્ધિચિત્તસ્સ અનુપ્પન્નત્તા અનુપપન્નો હોતિ.
418. Navame kutūhalasālāyanti kutūhalasālā nāma paccekasālā natthi, yattha pana nānātitthiyā samaṇabrāhmaṇā nānāvidhaṃ kathaṃ pavattenti, sā bahūnaṃ ‘‘ayaṃ kiṃ vadati, ayaṃ kiṃ vadatī’’ti kutūhaluppavattiṭṭhānato kutūhalasālāti vuccati. Dūrampi gacchatīti yāva ābhassarabrahmalokā gacchati. Imañca kāyaṃ nikkhipatīti cuticittena nikkhipati. Anupapanno hotīti cutikkhaṇeyeva paṭisandhicittassa anuppannattā anupapanno hoti.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૯. કુતૂહલસાલાસુત્તં • 9. Kutūhalasālāsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૯. કુતૂહલસાલાસુત્તવણ્ણના • 9. Kutūhalasālāsuttavaṇṇanā
