| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
९. कुतूहलसालासुत्तवण्णना
9. Kutūhalasālāsuttavaṇṇanā
४१८. नवमे कुतूहलसालायन्ति कुतूहलसाला नाम पच्चेकसाला नत्थि, यत्थ पन नानातित्थिया समणब्राह्मणा नानाविधं कथं पवत्तेन्ति, सा बहूनं ‘‘अयं किं वदति, अयं किं वदती’’ति कुतूहलुप्पवत्तिट्ठानतो कुतूहलसालाति वुच्चति। दूरम्पि गच्छतीति याव आभस्सरब्रह्मलोका गच्छति। इमञ्च कायं निक्खिपतीति चुतिचित्तेन निक्खिपति। अनुपपन्नो होतीति चुतिक्खणेयेव पटिसन्धिचित्तस्स अनुप्पन्नत्ता अनुपपन्नो होति।
418. Navame kutūhalasālāyanti kutūhalasālā nāma paccekasālā natthi, yattha pana nānātitthiyā samaṇabrāhmaṇā nānāvidhaṃ kathaṃ pavattenti, sā bahūnaṃ ‘‘ayaṃ kiṃ vadati, ayaṃ kiṃ vadatī’’ti kutūhaluppavattiṭṭhānato kutūhalasālāti vuccati. Dūrampi gacchatīti yāva ābhassarabrahmalokā gacchati. Imañca kāyaṃ nikkhipatīti cuticittena nikkhipati. Anupapanno hotīti cutikkhaṇeyeva paṭisandhicittassa anuppannattā anupapanno hoti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ९. कुतूहलसालासुत्तं • 9. Kutūhalasālāsuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ९. कुतूहलसालासुत्तवण्णना • 9. Kutūhalasālāsuttavaṇṇanā
