| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৯. কুতূহলসালাসুত্তৰণ্ণনা
9. Kutūhalasālāsuttavaṇṇanā
৪১৮. নৰমে কুতূহলসালাযন্তি কুতূহলসালা নাম পচ্চেকসালা নত্থি, যত্থ পন নানাতিত্থিযা সমণব্রাহ্মণা নানাৰিধং কথং পৰত্তেন্তি, সা বহূনং ‘‘অযং কিং ৰদতি, অযং কিং ৰদতী’’তি কুতূহলুপ্পৰত্তিট্ঠানতো কুতূহলসালাতি ৰুচ্চতি। দূরম্পি গচ্ছতীতি যাৰ আভস্সরব্রহ্মলোকা গচ্ছতি। ইমঞ্চ কাযং নিক্খিপতীতি চুতিচিত্তেন নিক্খিপতি। অনুপপন্নো হোতীতি চুতিক্খণেযেৰ পটিসন্ধিচিত্তস্স অনুপ্পন্নত্তা অনুপপন্নো হোতি।
418. Navame kutūhalasālāyanti kutūhalasālā nāma paccekasālā natthi, yattha pana nānātitthiyā samaṇabrāhmaṇā nānāvidhaṃ kathaṃ pavattenti, sā bahūnaṃ ‘‘ayaṃ kiṃ vadati, ayaṃ kiṃ vadatī’’ti kutūhaluppavattiṭṭhānato kutūhalasālāti vuccati. Dūrampi gacchatīti yāva ābhassarabrahmalokā gacchati. Imañca kāyaṃ nikkhipatīti cuticittena nikkhipati. Anupapanno hotīti cutikkhaṇeyeva paṭisandhicittassa anuppannattā anupapanno hoti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৯. কুতূহলসালাসুত্তং • 9. Kutūhalasālāsuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৯. কুতূহলসালাসুত্তৰণ্ণনা • 9. Kutūhalasālāsuttavaṇṇanā
