9. гуд̇уухаласаалаасуд̇д̇ам̣

9. Kutūhalasālāsuttaṃ

418. ат̇а ко важчаг̇од̇д̇о бариб̣б̣ааж̇аго язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко важчаг̇од̇д̇о бариб̣б̣ааж̇аго бхаг̇аванд̇ам̣ зд̇ад̣̇авожа –

418. Atha kho vacchagotto paribbājako yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho vacchagotto paribbājako bhagavantaṃ etadavoca –

‘‘буримаани , бхо г̇од̇ама , д̣̇ивасаани буримад̇араани самб̣ахулаанам̣ наанаад̇ид̇т̇ияаанам̣ саман̣аб̣раахман̣аанам̣ бариб̣б̣ааж̇агаанам̣ гуд̇уухаласаалааяам̣ саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘аяам̣ ко бууран̣о гассабо сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса. соби саавагам̣ аб̣бхад̇ийд̇ам̣ гаалан̇гад̇ам̣ убабад̇д̇ийсу б̣яаагарод̇и – ‘асу амуд̇ра убабанно, асу амуд̇ра убабанно’д̇и. яобисса сааваго уд̇д̇амабурисо барамабурисо барамабад̇д̇ибад̇д̇о д̇амби саавагам̣ аб̣бхад̇ийд̇ам̣ гаалан̇гад̇ам̣ убабад̇д̇ийсу б̣яаагарод̇и – ‘асу амуд̇ра убабанно, асу амуд̇ра убабанно’’’д̇и.

‘‘Purimāni , bho gotama , divasāni purimatarāni sambahulānaṃ nānātitthiyānaṃ samaṇabrāhmaṇānaṃ paribbājakānaṃ kutūhalasālāyaṃ sannisinnānaṃ sannipatitānaṃ ayamantarākathā udapādi – ‘ayaṃ kho pūraṇo kassapo saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa. Sopi sāvakaṃ abbhatītaṃ kālaṅkataṃ upapattīsu byākaroti – ‘asu amutra upapanno, asu amutra upapanno’ti. Yopissa sāvako uttamapuriso paramapuriso paramapattipatto tampi sāvakaṃ abbhatītaṃ kālaṅkataṃ upapattīsu byākaroti – ‘asu amutra upapanno, asu amutra upapanno’’’ti.

‘‘аяамби ко магкали г̇осаало…бз… аяамби ко ниг̇ан̣то наадабуд̇д̇о…бз… аяамби ко сан̃жаяо ¹ б̣зладтабуд̇д̇о…бз… аяамби ко багуд̇хо ² гажжаано…бз… аяамби ко аж̇ид̇о гзсагамб̣ало сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса. соби саавагам̣ аб̣бхад̇ийд̇ам̣ гаалан̇гад̇ам̣ убабад̇д̇ийсу б̣яаагарод̇и – ‘асу амуд̇ра убабанно, асу амуд̇ра убабанно’д̇и. яобисса сааваго уд̇д̇амабурисо барамабурисо барамабад̇д̇ибад̇д̇о д̇амби саавагам̣ аб̣бхад̇ийд̇ам̣ гаалан̇гад̇ам̣ убабад̇д̇ийсу б̣яаагарод̇и – ‘асу амуд̇ра убабанно, асу амуд̇ра убабанно’’’д̇и.

‘‘Ayampi kho makkhali gosālo…pe… ayampi kho nigaṇṭho nāṭaputto…pe… ayampi kho sañcayo ³ belaṭṭhaputto…pe… ayampi kho pakudho ⁴ kaccāno…pe… ayampi kho ajito kesakambalo saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa. Sopi sāvakaṃ abbhatītaṃ kālaṅkataṃ upapattīsu byākaroti – ‘asu amutra upapanno, asu amutra upapanno’ti. Yopissa sāvako uttamapuriso paramapuriso paramapattipatto tampi sāvakaṃ abbhatītaṃ kālaṅkataṃ upapattīsu byākaroti – ‘asu amutra upapanno, asu amutra upapanno’’’ti.

‘‘аяамби ко саман̣о г̇од̇амо сан̇гхий жзва г̇ан̣ий жа г̇ан̣аажарияо жа н̃аад̇о яасассий д̇ид̇т̇агаро саад̇хусаммад̇о б̣ахуж̇анасса. соби саавагам̣ аб̣бхад̇ийд̇ам̣ гаалан̇гад̇ам̣ убабад̇д̇ийсу б̣яаагарод̇и – ‘асу амуд̇ра убабанно, асу амуд̇ра убабанно’д̇и. яобисса ⁵ сааваго уд̇д̇амабурисо барамабурисо барамабад̇д̇ибад̇д̇о д̇ан̃жа саавагам̣ аб̣бхад̇ийд̇ам̣ гаалан̇гад̇ам̣ убабад̇д̇ийсу на б̣яаагарод̇и – ‘асу амуд̇ра убабанно, асу амуд̇ра убабанно’д̇и. аби жа ко нам̣ звам̣ б̣яаагарод̇и – ‘ажчзжчи д̇ан̣хам̣, вивад̇д̇аяи сам̣яож̇анам̣, саммаа маанаабхисамаяаа анд̇амагааси д̣̇угкассаа’д̇и. д̇асса маяхам̣, бхо г̇од̇ама, аху д̣̇зва ган̇каа, аху вижигижчаа – ‘гат̇ам̣ наама ⁶ саман̣асса г̇од̇амасса д̇хаммо абхин̃н̃зяяо’’’д̇и ⁷?

‘‘Ayampi kho samaṇo gotamo saṅghī ceva gaṇī ca gaṇācariyo ca ñāto yasassī titthakaro sādhusammato bahujanassa. Sopi sāvakaṃ abbhatītaṃ kālaṅkataṃ upapattīsu byākaroti – ‘asu amutra upapanno, asu amutra upapanno’ti. Yopissa ⁸ sāvako uttamapuriso paramapuriso paramapattipatto tañca sāvakaṃ abbhatītaṃ kālaṅkataṃ upapattīsu na byākaroti – ‘asu amutra upapanno, asu amutra upapanno’ti. Api ca kho naṃ evaṃ byākaroti – ‘acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’ti. Tassa mayhaṃ, bho gotama, ahu deva kaṅkhā, ahu vicikicchā – ‘kathaṃ nāma ⁹ samaṇassa gotamassa dhammo abhiññeyyo’’’ti ¹⁰?

‘‘алан̃хи д̇з, важча, ган̇кид̇ум̣, алам̣ вижигижчид̇ум̣. ган̇канийяз жа бана д̇з таанз вижигижчаа уббаннаа. саубаад̣̇аанасса кваахам̣, важча, убабад̇д̇им̣ бан̃н̃аабзми но анубаад̣̇аанасса. сзяяат̇ааби , важча, аг̇г̇и саубаад̣̇аано ж̇алад̇и, но анубаад̣̇аано; звамзва кваахам̣, важча, саубаад̣̇аанасса убабад̇д̇им̣ бан̃н̃аабзми, но анубаад̣̇аанассаа’’д̇и.

‘‘Alañhi te, vaccha, kaṅkhituṃ, alaṃ vicikicchituṃ. Kaṅkhanīye ca pana te ṭhāne vicikicchā uppannā. Saupādānassa khvāhaṃ, vaccha, upapattiṃ paññāpemi no anupādānassa. Seyyathāpi , vaccha, aggi saupādāno jalati, no anupādāno; evameva khvāhaṃ, vaccha, saupādānassa upapattiṃ paññāpemi, no anupādānassā’’ti.

‘‘яасмим̣ , бхо г̇од̇ама, самаяз ажжи ваад̇зна кид̇д̇аа д̣̇уурамби г̇ажчад̇и, имасса бана бхавам̣ г̇од̇амо гим̣ убаад̣̇аанасмим̣ бан̃н̃аабзд̇ий’’д̇и? ‘‘яасмим̣ ко, важча, самаяз ажжи ваад̇зна кид̇д̇аа д̣̇уурамби г̇ажчад̇и, д̇амахам̣ ваад̇уубаад̣̇аанам̣ бан̃н̃аабзми. ваад̇о хисса, важча, д̇асмим̣ самаяз убаад̣̇аанам̣ ход̇ий’’д̇и. ‘‘яасмин̃жа бана, бхо г̇од̇ама, самаяз иман̃жа гааяам̣ нигкибад̇и, сад̇д̇о жа ан̃н̃ад̇арам̣ гааяам̣ анубабанно ход̇и, имасса бана бхавам̣ г̇од̇амо гим̣ убаад̣̇аанасмим̣ бан̃н̃аабзд̇ий’’д̇и? ‘‘яасмим̣ ко, важча, самаяз иман̃жа гааяам̣ нигкибад̇и, сад̇д̇о жа ан̃н̃ад̇арам̣ гааяам̣ анубабанно ход̇и, д̇амахам̣ д̇ан̣хуубаад̣̇аанам̣ вад̣̇аами. д̇ан̣хаа хисса, важча, д̇асмим̣ самаяз убаад̣̇аанам̣ ход̇ий’’д̇и ¹¹. навамам̣.

‘‘Yasmiṃ , bho gotama, samaye acci vātena khittā dūrampi gacchati, imassa pana bhavaṃ gotamo kiṃ upādānasmiṃ paññāpetī’’ti? ‘‘Yasmiṃ kho, vaccha, samaye acci vātena khittā dūrampi gacchati, tamahaṃ vātūpādānaṃ paññāpemi. Vāto hissa, vaccha, tasmiṃ samaye upādānaṃ hotī’’ti. ‘‘Yasmiñca pana, bho gotama, samaye imañca kāyaṃ nikkhipati, satto ca aññataraṃ kāyaṃ anupapanno hoti, imassa pana bhavaṃ gotamo kiṃ upādānasmiṃ paññāpetī’’ti? ‘‘Yasmiṃ kho, vaccha, samaye imañca kāyaṃ nikkhipati, satto ca aññataraṃ kāyaṃ anupapanno hoti, tamahaṃ taṇhūpādānaṃ vadāmi. Taṇhā hissa, vaccha, tasmiṃ samaye upādānaṃ hotī’’ti ¹². Navamaṃ.

Next: 10. аананд̣̇асуд̇д̇ам̣ • 10. Ānandasuttaṃ

Footnotes:

1. сан̃ж̇аяо (сий. сяаа. гам̣. бий.)

2. багуд̣̇д̇хо (бий.)

3. sañjayo (sī. syā. kaṃ. pī.)

4. pakuddho (pī.)

5. яо жа квасса (бий.)

6. гат̇ан̃хи наама (сяаа. гам̣. бий. га.) гат̇ам̣ гат̇ам̣ наама (чагган̇г̇уд̇д̇арз бан̃жамаваг̇г̇з д̣̇уд̇ияасуд̇д̇з)

7. д̇хаммаабхин̃н̃зяяаад̇и (бий. га.) д̇хаммо… ан̃н̃зяяо (чагган̇г̇уд̇д̇арз)

8. yo ca khvassa (pī.)

9. kathañhi nāma (syā. kaṃ. pī. ka.) kathaṃ kathaṃ nāma (chakkaṅguttare pañcamavagge dutiyasutte)

10. dhammābhiññeyyāti (pī. ka.) dhammo… aññeyyo (chakkaṅguttare)

11. ход̇ийд̇и…бз… (га.)

12. hotīti…pe… (ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. гуд̇уухаласаалаасуд̇д̇аван̣н̣анаа • 9. Kutūhalasālāsuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. гуд̇уухаласаалаасуд̇д̇аван̣н̣анаа • 9. Kutūhalasālāsuttavaṇṇanā

© 1991-2026 Titi Tudorancea Yoga Bulletin | Titi Tudorancea^® is a Registered Trademark | Terms of use and privacy policy
Contact