| Library / Tipiṭaka / ತಿಪಿಟಕ • Tipiṭaka / ಪೇತವತ್ಥುಪಾಳಿ • Petavatthupāḷi |
೯. ಕೂಟವಿನಿಚ್ಛಯಿಕಪೇತವತ್ಥು
9. Kūṭavinicchayikapetavatthu
೪೯೯.
499.
ಪಸನ್ನಮುಖವಣ್ಣೋಸಿ, ಸೂರಿಯವಣ್ಣೋವ ಸೋಭಸಿ॥
Pasannamukhavaṇṇosi, sūriyavaṇṇova sobhasi.
೫೦೦.
500.
‘‘ಅಮಾನುಸಾ ಪಾರಿಸಜ್ಜಾ, ಯೇ ತೇಮೇ ಪರಿಚಾರಕಾ।
‘‘Amānusā pārisajjā, ye teme paricārakā;
ದಸ ಕಞ್ಞಾಸಹಸ್ಸಾನಿ, ಯಾ ತೇಮಾ ಪರಿಚಾರಿಕಾ।
Dasa kaññāsahassāni, yā temā paricārikā;
೫೦೧.
501.
‘‘ಮಹಾನುಭಾವೋಸಿ ತುವಂ, ಲೋಮಹಂಸನರೂಪವಾ।
‘‘Mahānubhāvosi tuvaṃ, lomahaṃsanarūpavā;
೫೦೨.
502.
‘‘ಕಿಂ ನು ಕಾಯೇನ ವಾಚಾಯ, ಮನಸಾ ದುಕ್ಕುಟಂ ಕತಂ।
‘‘Kiṃ nu kāyena vācāya, manasā dukkuṭaṃ kataṃ;
ಕಿಸ್ಸ ಕಮ್ಮವಿಪಾಕೇನ, ಪಿಟ್ಠಿಮಂಸಾನಿ ಅತ್ತನೋ।
Kissa kammavipākena, piṭṭhimaṃsāni attano;
ಸಾಮಂ ಉಕ್ಕಚ್ಚ ಖಾದಸೀ’’ತಿ॥
Sāmaṃ ukkacca khādasī’’ti.
೫೦೩.
503.
‘‘ಅತ್ತನೋಹಂ ಅನತ್ಥಾಯ, ಜೀವಲೋಕೇ ಅಚಾರಿಸಂ।
‘‘Attanohaṃ anatthāya, jīvaloke acārisaṃ;
ಪೇಸುಞ್ಞಮುಸಾವಾದೇನ, ನಿಕತಿವಞ್ಚನಾಯ ಚ॥
Pesuññamusāvādena, nikativañcanāya ca.
೫೦೪.
504.
‘‘ತತ್ಥಾಹಂ ಪರಿಸಂ ಗನ್ತ್ವಾ, ಸಚ್ಚಕಾಲೇ ಉಪಟ್ಠಿತೇ।
‘‘Tatthāhaṃ parisaṃ gantvā, saccakāle upaṭṭhite;
೫೦೫.
505.
‘‘ಏವಂ ಸೋ ಖಾದತತ್ತಾನಂ, ಯೋ ಹೋತಿ ಪಿಟ್ಠಿಮಂಸಿಕೋ।
‘‘Evaṃ so khādatattānaṃ, yo hoti piṭṭhimaṃsiko;
ಯಥಾಹಂ ಅಜ್ಜ ಖಾದಾಮಿ, ಪಿಟ್ಠಿಮಂಸಾನಿ ಅತ್ತನೋ॥
Yathāhaṃ ajja khādāmi, piṭṭhimaṃsāni attano.
೫೦೬.
506.
‘‘ತಯಿದಂ ತಯಾ ನಾರದ ಸಾಮಂ ದಿಟ್ಠಂ, ಅನುಕಮ್ಪಕಾ ಯೇ ಕುಸಲಾ ವದೇಯ್ಯುಂ।
‘‘Tayidaṃ tayā nārada sāmaṃ diṭṭhaṃ, anukampakā ye kusalā vadeyyuṃ;
ಮಾ ಪೇಸುಣಂ ಮಾ ಚ ಮುಸಾ ಅಭಾಣಿ, ಮಾ ಖೋಸಿ ಪಿಟ್ಠಿಮಂಸಿಕೋ ತುವ’’ನ್ತಿ॥
Mā pesuṇaṃ mā ca musā abhāṇi, mā khosi piṭṭhimaṃsiko tuva’’nti.
ಕೂಟವಿನಿಚ್ಛಯಿಕಪೇತವತ್ಥು ನವಮಂ।
Kūṭavinicchayikapetavatthu navamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಪೇತವತ್ಥು-ಅಟ್ಠಕಥಾ • Petavatthu-aṭṭhakathā / ೯. ಕೂಟವಿನಿಚ್ಛಯಿಕಪೇತವತ್ಥುವಣ್ಣನಾ • 9. Kūṭavinicchayikapetavatthuvaṇṇanā
