| Library / Tipiṭaka / तिपिटक • Tipiṭaka / पेतवत्थुपाळि • Petavatthupāḷi |
९. कूटविनिच्छयिकपेतवत्थु
9. Kūṭavinicchayikapetavatthu
४९९.
499.
पसन्नमुखवण्णोसि, सूरियवण्णोव सोभसि॥
Pasannamukhavaṇṇosi, sūriyavaṇṇova sobhasi.
५००.
500.
‘‘अमानुसा पारिसज्जा, ये तेमे परिचारका।
‘‘Amānusā pārisajjā, ye teme paricārakā;
दस कञ्ञासहस्सानि, या तेमा परिचारिका।
Dasa kaññāsahassāni, yā temā paricārikā;
५०१.
501.
‘‘महानुभावोसि तुवं, लोमहंसनरूपवा।
‘‘Mahānubhāvosi tuvaṃ, lomahaṃsanarūpavā;
५०२.
502.
‘‘किं नु कायेन वाचाय, मनसा दुक्कुटं कतं।
‘‘Kiṃ nu kāyena vācāya, manasā dukkuṭaṃ kataṃ;
किस्स कम्मविपाकेन, पिट्ठिमंसानि अत्तनो।
Kissa kammavipākena, piṭṭhimaṃsāni attano;
सामं उक्कच्च खादसी’’ति॥
Sāmaṃ ukkacca khādasī’’ti.
५०३.
503.
‘‘अत्तनोहं अनत्थाय, जीवलोके अचारिसं।
‘‘Attanohaṃ anatthāya, jīvaloke acārisaṃ;
पेसुञ्ञमुसावादेन, निकतिवञ्चनाय च॥
Pesuññamusāvādena, nikativañcanāya ca.
५०४.
504.
‘‘तत्थाहं परिसं गन्त्वा, सच्चकाले उपट्ठिते।
‘‘Tatthāhaṃ parisaṃ gantvā, saccakāle upaṭṭhite;
५०५.
505.
‘‘एवं सो खादतत्तानं, यो होति पिट्ठिमंसिको।
‘‘Evaṃ so khādatattānaṃ, yo hoti piṭṭhimaṃsiko;
यथाहं अज्ज खादामि, पिट्ठिमंसानि अत्तनो॥
Yathāhaṃ ajja khādāmi, piṭṭhimaṃsāni attano.
५०६.
506.
‘‘तयिदं तया नारद सामं दिट्ठं, अनुकम्पका ये कुसला वदेय्युं।
‘‘Tayidaṃ tayā nārada sāmaṃ diṭṭhaṃ, anukampakā ye kusalā vadeyyuṃ;
मा पेसुणं मा च मुसा अभाणि, मा खोसि पिट्ठिमंसिको तुव’’न्ति॥
Mā pesuṇaṃ mā ca musā abhāṇi, mā khosi piṭṭhimaṃsiko tuva’’nti.
कूटविनिच्छयिकपेतवत्थु नवमं।
Kūṭavinicchayikapetavatthu navamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / पेतवत्थु-अट्ठकथा • Petavatthu-aṭṭhakathā / ९. कूटविनिच्छयिकपेतवत्थुवण्णना • 9. Kūṭavinicchayikapetavatthuvaṇṇanā
