| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၉. ဩပမ္မသံယုတ္တံ
9. Opammasaṃyuttaṃ
၁. ကူဋသုတ္တဝဏ္ဏနာ
1. Kūṭasuttavaṇṇanā
၂၂၃. ကူဋံ ဂစ္ဆန္တီတိ ကူဋစ္ဆိဒ္ဒသ္သ အနုပဝိသနဝသေန ကူဋံ ဂစ္ဆန္တိ။ ယာ စ ဂောပာနသိယော ဂောပာနသန္တရဂတာ, တာပိ ကူဋံ အာဟစ္စ ဌာနေန ကူဋင္ဂမာ။ ဒုဝိဓာပိ ကူဋေ သမောသရဏာ။ ကူဋသ္သ သမုဂ္ဃာတေန ဝိနာသေန ဘိဇ္ဇနေန။ အဝိဇ္ဇာယ သမုဂ္ဃာတေနာတိ အဝိဇ္ဇာယ အစ္စန္တမေဝ အပ္ပဝတ္တိယာ။ တေန စ မောက္ခဓမ္မာဓိဂမေန တဒနုရူပဓမ္မာဓိဂမော ဒသ္သိတော။ အပ္ပမတ္တာတိ ပန ဣမိနာ တသ္သ ဥပာယော ဒသ္သိတော။
223.Kūṭaṃgacchantīti kūṭacchiddassa anupavisanavasena kūṭaṃ gacchanti. Yā ca gopānasiyo gopānasantaragatā, tāpi kūṭaṃ āhacca ṭhānena kūṭaṅgamā. Duvidhāpi kūṭe samosaraṇā. Kūṭassa samugghātena vināsena bhijjanena. Avijjāya samugghātenāti avijjāya accantameva appavattiyā. Tena ca mokkhadhammādhigamena tadanurūpadhammādhigamo dassito. Appamattāti pana iminā tassa upāyo dassito.
ကူဋသုတ္တဝဏ္ဏနာ နိဋ္ဌိတာ။
Kūṭasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁. ကူဋသုတ္တံ • 1. Kūṭasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁. ကူဋသုတ္တဝဏ္ဏနာ • 1. Kūṭasuttavaṇṇanā
