| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
९. ओपम्मसंयुत्तं
9. Opammasaṃyuttaṃ
१. कूटसुत्तवण्णना
1. Kūṭasuttavaṇṇanā
२२३. कूटं गच्छन्तीति कूटच्छिद्दस्स अनुपविसनवसेन कूटं गच्छन्ति। या च गोपानसियो गोपानसन्तरगता, तापि कूटं आहच्च ठानेन कूटङ्गमा। दुविधापि कूटे समोसरणा। कूटस्स समुग्घातेन विनासेन भिज्जनेन। अविज्जाय समुग्घातेनाति अविज्जाय अच्चन्तमेव अप्पवत्तिया। तेन च मोक्खधम्माधिगमेन तदनुरूपधम्माधिगमो दस्सितो। अप्पमत्ताति पन इमिना तस्स उपायो दस्सितो।
223.Kūṭaṃgacchantīti kūṭacchiddassa anupavisanavasena kūṭaṃ gacchanti. Yā ca gopānasiyo gopānasantaragatā, tāpi kūṭaṃ āhacca ṭhānena kūṭaṅgamā. Duvidhāpi kūṭe samosaraṇā. Kūṭassa samugghātena vināsena bhijjanena. Avijjāya samugghātenāti avijjāya accantameva appavattiyā. Tena ca mokkhadhammādhigamena tadanurūpadhammādhigamo dassito. Appamattāti pana iminā tassa upāyo dassito.
कूटसुत्तवण्णना निट्ठिता।
Kūṭasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १. कूटसुत्तं • 1. Kūṭasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १. कूटसुत्तवण्णना • 1. Kūṭasuttavaṇṇanā
