| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೧೨. ಕುಸೀತಮೂಲಕಸುತ್ತಂ
12. Kusītamūlakasuttaṃ
೧೦೬. ಸಾವತ್ಥಿಯಂ ವಿಹರತಿ…ಪೇ॰… ‘‘ಧಾತುಸೋವ, ಭಿಕ್ಖವೇ, ಸತ್ತಾ ಸಂಸನ್ದನ್ತಿ ಸಮೇನ್ತಿ। ಕುಸೀತಾ ಕುಸೀತೇಹಿ ಸದ್ಧಿಂ ಸಂಸನ್ದನ್ತಿ ಸಮೇನ್ತಿ; ಮುಟ್ಠಸ್ಸತಿನೋ ಮುಟ್ಠಸ್ಸತೀಹಿ ಸದ್ಧಿಂ ಸಂಸನ್ದನ್ತಿ ಸಮೇನ್ತಿ; ದುಪ್ಪಞ್ಞಾ ದುಪ್ಪಞ್ಞೇಹಿ ಸದ್ಧಿಂ ಸಂಸನ್ದನ್ತಿ ಸಮೇನ್ತಿ; ಆರದ್ಧವೀರಿಯಾ ಆರದ್ಧವೀರಿಯೇಹಿ ಸದ್ಧಿಂ ಸಂಸನ್ದನ್ತಿ ಸಮೇನ್ತಿ; ಉಪಟ್ಠಿತಸ್ಸತಿನೋ ಉಪಟ್ಠಿತಸ್ಸತೀಹಿ ಸದ್ಧಿಂ ಸಂಸನ್ದನ್ತಿ ಸಮೇನ್ತಿ; ಪಞ್ಞವನ್ತೋ ಪಞ್ಞವನ್ತೇಹಿ ಸದ್ಧಿಂ ಸಂಸನ್ದನ್ತಿ ಸಮೇನ್ತೀತಿ…ಪೇ॰…। ದ್ವಾದಸಮಂ।
106. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Kusītā kusītehi saddhiṃ saṃsandanti samenti; muṭṭhassatino muṭṭhassatīhi saddhiṃ saṃsandanti samenti; duppaññā duppaññehi saddhiṃ saṃsandanti samenti; āraddhavīriyā āraddhavīriyehi saddhiṃ saṃsandanti samenti; upaṭṭhitassatino upaṭṭhitassatīhi saddhiṃ saṃsandanti samenti; paññavanto paññavantehi saddhiṃ saṃsandanti samentīti…pe…. Dvādasamaṃ.
ದುತಿಯೋ ವಗ್ಗೋ।
Dutiyo vaggo.
ತಸ್ಸುದ್ದಾನಂ –
Tassuddānaṃ –
ಸತ್ತಿಮಾ ಸನಿದಾನಞ್ಚ, ಗಿಞ್ಜಕಾವಸಥೇನ ಚ।
Sattimā sanidānañca, giñjakāvasathena ca;
ಹೀನಾಧಿಮುತ್ತಿ ಚಙ್ಕಮಂ, ಸಗಾಥಾ ಅಸ್ಸದ್ಧಸತ್ತಮಂ॥
Hīnādhimutti caṅkamaṃ, sagāthā assaddhasattamaṃ.
ಅಸ್ಸದ್ಧಮೂಲಕಾ ಪಞ್ಚ, ಚತ್ತಾರೋ ಅಹಿರಿಕಮೂಲಕಾ।
Assaddhamūlakā pañca, cattāro ahirikamūlakā;
ಅನೋತ್ತಪ್ಪಮೂಲಕಾ ತೀಣಿ, ದುವೇ ಅಪ್ಪಸ್ಸುತೇನ ಚ॥
Anottappamūlakā tīṇi, duve appassutena ca.
ಕುಸೀತಂ ಏಕಕಂ ವುತ್ತಂ, ಸುತ್ತನ್ತಾ ತೀಣಿ ಪಞ್ಚಕಾ।
Kusītaṃ ekakaṃ vuttaṃ, suttantā tīṇi pañcakā;
ಬಾವೀಸತಿ ವುತ್ತಾ ಸುತ್ತಾ, ದುತಿಯೋ ವಗ್ಗೋ ಪವುಚ್ಚತೀತಿ॥
Bāvīsati vuttā suttā, dutiyo vaggo pavuccatīti.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೮-೧೨. ಅಸ್ಸದ್ಧಮೂಲಕಸುತ್ತಾದಿವಣ್ಣನಾ • 8-12. Assaddhamūlakasuttādivaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೮-೧೨. ಅಸ್ಸದ್ಧಮೂಲಕಸುತ್ತಾದಿವಣ್ಣನಾ • 8-12. Assaddhamūlakasuttādivaṇṇanā
