| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༥. ཀུསལརཱསིསུཏྟཾ
5. Kusalarāsisuttaṃ
༤༡༡. ‘‘‘ཀུསལརཱསཱི’ཏི, བྷིཀྑཝེ, ཝདམཱནོ ཙཏྟཱརོ སཏིཔཊྛཱནེ སམྨཱ ཝདམཱནོ ཝདེཡྻ། ཀེཝལོ ཧཱཡཾ, བྷིཀྑཝེ, ཀུསལརཱསི, ཡདིདཾ – ཙཏྟཱརོ སཏིཔཊྛཱནཱ།
411. ‘‘‘Kusalarāsī’ti, bhikkhave, vadamāno cattāro satipaṭṭhāne sammā vadamāno vadeyya. Kevalo hāyaṃ, bhikkhave, kusalarāsi, yadidaṃ – cattāro satipaṭṭhānā.
‘‘ཀཏམེ ཙཏྟཱརོ? ཨིདྷ , བྷིཀྑཝེ, བྷིཀྑུ ཀཱཡེ ཀཱཡཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ, ཝིནེཡྻ ལོཀེ ཨབྷིཛ྄ཛྷཱདོམནསྶཾ; ཝེདནཱསུ…པེ॰… ཙིཏྟེ…པེ॰… ཙིཏྟཱནུཔསྶཱི…པེ॰… དྷམྨེསུ དྷམྨཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ, ཝིནེཡྻ ལོཀེ ཨབྷིཛ྄ཛྷཱདོམནསྶཾ། ‘ཀུསལརཱསཱི’ཏི, བྷིཀྑཝེ, ཝདམཱནོ ཨིམེ ཙཏྟཱརོ སཏིཔཊྛཱནེ སམྨཱ ཝདམཱནོ ཝདེཡྻ། ཀེཝལོ ཧཱཡཾ, བྷིཀྑཝེ, ཀུསལརཱསི, ཡདིདཾ – ཙཏྟཱརོ སཏིཔཊྛཱནཱ’’ཏི། པཉྩམཾ།
‘‘Katame cattāro? Idha , bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… cittānupassī…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. ‘Kusalarāsī’ti, bhikkhave, vadamāno ime cattāro satipaṭṭhāne sammā vadamāno vadeyya. Kevalo hāyaṃ, bhikkhave, kusalarāsi, yadidaṃ – cattāro satipaṭṭhānā’’ti. Pañcamaṃ.
