| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၂. ကုသလပဋိလာဘကထာဝဏ္ဏနာ
2. Kusalapaṭilābhakathāvaṇṇanā
၆၅၈-၆၅၉. ဣဒာနိ ကုသလပဋိလာဘကထာ နာမ ဟောတိ။ တတ္ထ ကပ္ပဋ္ဌော သကသမယေ ကာမာဝစရကုသလမေဝ ပဋိလဘတိ။ ယေန ပန တံ ဥပပတ္တိံ ပဋိဗာဟေယ္ယ, တံ မဟဂ္ဂတံ လောကုတ္တရံ ဝာ န ပဋိလဘတိ။ ယေသံ ပန ဣမံ ဝိဘာဂံ အကတ္ဝာ အဝိသေသေနေဝ ‘‘သော ကုသလစိတ္တံ န ပဋိလဘတီ’’တိ လဒ္ဓိ, သေယ္ယထာပိ ဥတ္တရာပထကာနံ; တေသံ ဝိဘာဂဒသ္သနေန တံ လဒ္ဓိံ ဘိန္ဒိတုံ ပုစ္ဆာ သကဝာဒိသ္သ, ပဋိညာ ဣတရသ္သ။ သေသမေတ္ထ ဥတ္တာနတ္ထမေဝာတိ။
658-659. Idāni kusalapaṭilābhakathā nāma hoti. Tattha kappaṭṭho sakasamaye kāmāvacarakusalameva paṭilabhati. Yena pana taṃ upapattiṃ paṭibāheyya, taṃ mahaggataṃ lokuttaraṃ vā na paṭilabhati. Yesaṃ pana imaṃ vibhāgaṃ akatvā aviseseneva ‘‘so kusalacittaṃ na paṭilabhatī’’ti laddhi, seyyathāpi uttarāpathakānaṃ; tesaṃ vibhāgadassanena taṃ laddhiṃ bhindituṃ pucchā sakavādissa, paṭiññā itarassa. Sesamettha uttānatthamevāti.
ကုသလပဋိလာဘကထာဝဏ္ဏနာ။
Kusalapaṭilābhakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၂၇) ၂. ကုသလပဋိလာဘကထာ • (127) 2. Kusalapaṭilābhakathā
